¹ Yafumbukili siku ya sabatu, paavelili payenda kaya kwa yumu wa fiongosi wa mafarisayo kulya mkati nau vavelili pavachungusa kwa pabeyi. ² Loli, pala paulongolu yaki avelili mundu ambayi akusumbliwa na kumema. ³ Yesu adashili vataalamu mu sheria ya vajumili ya Wayahudi na Mfarisayo," Je, ni halali kumponela siku ya sababtu au siyu?" ⁴ Pambeli veni vavelili jii kwaiyu Yesu kamkamula pamponela na kujumlisha ayendi saki. ⁵ Nayi kamuwombela," Ni yani kayi yinu ambayi kana mwan aau senga akudubukila mulitepu suku ya sababtu da mkweyi ng'odu panji mala yimu?" ⁶ Veni vavilili gha na uwezu wa kuyangula kwa mambu ava. ⁷ Chipindi Yesu paguduliwi jindi vala vaalikwili kucha vashaula fiti fya heshima kavawombela mfanu,pavawombela, ⁸ "Chipindi pamualikwa namundu mualusi ukoto kuikala mu nafasi sa heshima, kwa ujangi ikuweshikana kaalikwa mundu ambayi ni wakuheshimiwa saidi kuliku yuwi. ⁹ Chipindi mundu avaalikili yumwi vavili paafika dakuwombeli yuwi mpishi mundu ayu nafasi yaku ," na kandi kw asoni daukandi kutoka nafasi ya kumwishu. ¹⁰ Pambeli yuwi paahalikwa yendi kaikali maala pa mwishu ili chipindi yula yakualikilii payisa awshi kukuombela yuwi muanja yendi kuulongolu saidi ndipu dauwi kushimika kuulongolu ya vonda vaikalili pamu na yuwi mumesa. ¹¹ Kwa maana kila yaikweza dasunushiwi na mweni yaisunisha dapandishiwi.' ¹² Yesu piya amuwombilili mundu amualikili paufumisha filivi fya pamusi awu cha alumii ukoto kuwaalikavaanja vaku awu valongu vaku awa vajamaa vaku, matajiri ili kucha veni vakoto kukuwalika yuwi upati malipu. ¹³ Badala yaki , paugola sheleyi, vaaliki masikini, filemana vangajila mesu, ¹⁴ na yuwi daubalikiwi kwa ujangi vaweshi ng'odu kukulipa kwa maana daulipwi katika ufufuwu wa wenyi aki." ¹⁵ Chipindu yumu wa vala vaikalili mumesa pamu na Yesu pavapikinishili fila nayi kamuwombela ," Kabarikiwa yula daali mkati wa wutwa wa chapanga!" ¹⁶ Lakini Yesu kamuwombela," Mundu yumu aghandaili sheleyi ng'omi kavaalika vandu vatangalili. ¹⁷ Kandi sheleyi paivelili tayali amlaishili ndumindumi, vaki kuvawombela vala vaalikwili muyisi kwa ujangi findu fyonda fivikiwa kala.' ¹⁸ Vonda vakanda kuluva lazi wa kwaa kumuwombla ndumindumi," Nyemela chitava lasima nyendi kulilola tafadhali uzameyi.' ¹⁹ Na yumonga kadeta," Nyemela josi muhanu sa vasenga na nenga kuvayesha tafadhali ung'wii lazi. ²⁰ Na mundu yumonga kadeta ,' Nimtola mdala kwa iyu nguweshi ng'odu kuyisa.' ²¹ Ndumindumi kawuya na kumuombela bambu waki mambu ava. Yula mweni nyumba akalalili kamuwombela ndimindumi waki yendi lopokeshi mitaani na mufichocholu fya muji ukavayeyi apa masikini, filema , vangajila mesu na valemavu." ²² Ndumindumi kadeta,Bambu ava waishili figoleka kala na hata ponopau badu kuna nafasi.' ²³ Bambu kamuwombela ndumindumi,' Yendi mu njialkuu mufichocholu na vasulubishi vandu vayingili ili nyumba yangu imemi. ²⁴ Kwa maana nguvawombela, katika vaa vavelili va kwaa kwaela dayonji sheleyi yangu.' ²⁵ Ponopa lipinga likomi vaveliuli vakuyenda pamu nayi lkawalambuka na kuvawombela, ' ²⁶ Kucha mundu paayisa kwa nenga nayi amukalilili tati vaki, mawaki, mdala waki, vana vaki, valongu vaki valulumi na vadadala ndiu na ata maisha vaki piya aweshi ng'odu kuva mwanashuli wangu. ²⁷ Mundu paakasa kutola lupingisha laki na kuisa kushetu yangu awesi ng'odu kuva mwanshuli wangu. ²⁸ Maana ni yani kati yenu, ambayi akudaila kujenga munala daikali kwanza akadilii ghalama kwa kuvalanga kucha ana chila chaitaji ili kuimalisha ali? ²⁹ Fimonga, baada ya kuvika misingina kushindwa kumalisha vonda vawonili davakandi kumziaki, ³⁰ pavadeta, mundu ayu akandili kujenga kava ela ngufu sa kumalisha.' ³¹ Au mfalumi liki padaila kuyenga kuiminya na mfalumi yumonga mu vita ambayi daikali ng'odu pasi na kukanda n akutola ushawuli kuwafu kucha daweshi pamu na vandu elufu kumi kuiminya na mfalumi yumonga yayisa juwu yaki na vandu elufu ishirini? ³² Kucha sivyu chipindi jeshi la yumonga badu liva kutali ulaisha njagila kudaila mashartiya pekesu. ³³ Kwa iyu basi yoyonda kati yenu ambayi daaleki fyonda fyaveli nafyu aweshi ng'odu kuva mwanashuli wangu. ³⁴ Munyu ni wanyayi pambeli paiva munyu uyalamisah laza yaki jinsi liki ikuwesha ng'odu kuva munyu kandi? ³⁵ Ivaela matumisi kwwa uganga awu ata kwa mboleya udanguiwa kutali mweni aveli na maseji va kupikanisha naapikani."