¹ Kwa wakati kwaveli n vandu vamu, vamuwombililili filongu fyaGalilaya, ya kuchaPaulo na kavawulaya na kuhasha mwasi wawu na sadaka shawu. ² Yesu kavayangula na kudeta," Kucha mkuyihosha Vagalilaya ava, na vava a uwafu vagalilaya vosi na ndo maana vapatwa na mabayava? ³ Kwahea, nguvawombela lakini ponopa kuyilumba, na yumwi damugoliwi ngawuwu. ⁴ Awu vala vandu kumi na mchechi mgati ya Siloamu, mnala wau nauguva na kuvawulaya, mukuyi hosha kucha veni na vavana uwafu pitu ya vamonga vosi mgati ya Yerusalemu? ⁵ Kwahela, nenga ngudeta kucha mani pa mpota kayilumba, yumwi mwwavosi nau mukusova ngawuu va yenu. ⁶ Yesu kavawombela mfano wu," Mundu yumu aveli na libiki lipandi mchitava yaki, nanakayenda kusaka fivelekwa kumbindi yaki. ⁷ Kamuwombela yaadima bustani,' Loli, kwa myaka mitatu ponopa nguyisa kuyesha kusaka fivelekwa mlibikemu. Lakini ngupata ng'oduuudumuli mbona dau halibishi chitava? ⁸ Mdima bustani kayangula na kudeta,' Uleki mwakawu ili mbalilili na miki na mbolea kumbindi yaki. ⁹ Mani pauveleka vivelekwavivele kwa kumwaka, basi nyayi ; lakini mani pau veleka ng'odu uudumuli.!"' ¹⁰ Ponopa Yesu akaveli akufundisha mgati ya sinagogi limu, wakati wa sabatu. ¹¹ Loli kwaveli mama yumu kw amyaka kumi na minani kakava na roho mchafu wa usaifu, na mweni nakagondama na kava akulemwa kabisa kuwoloka. ¹² Yesu akumuwoni, kamkema na kumuwombela," Mama, ponopa kuva nyanyi kufuma muusaifu waku." ¹³ Nakavika mawokuu vaki, kumbindi yaki teputepu kaholoka, nakamjuma Chapanga. ¹⁴ Lakini mkomi wa sinagogi nakahela kw asabau Yesu nakamlowola siku ya sabato. Topi, mutwa na kuyangula, na kaliwombela lipinga," Kucha kuna siku sita lazima ugoli kamsi, myisi kulowulewa basi, lakini siku ya naleloyi ng'odu.' ¹⁵ Bambu kayangula na kudeta," Mwavafyangu! Kwahela, kila mundu akotoyi kuwopola punda au senga kufuma mligoma na kumlongosha kumyegha kulanda machi siku lya sababu? ¹⁶ Nayu binti wa Abrahamu, ujangavandu nakemuwopa kwa myaka kumi na nane nyanindili chifungu chaki umupulewa siku ya sabatu?" ¹⁷ Paadeteyi filongu afi vala vosi nava mlimbila navawona soni, ila lipinga la yosi na lumbililila kw asababu ya findu fiwonikili powela. ¹⁸ Yesu na kadeta," Wutwa wa Chapanga wifiva na liki, na ukuwesha kulinganila na liki? ¹⁹ Yiva kucha mbeyu ya haradari yaayitolili mundu yumu na kayipanda mchitava yaki nyimela na yivabaliki likomi, na vambongu vya kumbindi vajenga nyumba yawu mumitafyi yaki. ²⁰ Kandi na kadeta," Nuufwanananishi na liki wutava wa kumbindi? ²¹ Kucha chachu mamakayitola na kuyuhasha fipimu fitatu fya ukova na ukutuna? ²² Yesu nakayenda kila mbwani na fijiji mdeha paayenda Yerusalemu na kufundisha. ²³ Mundu yumu kadasha," Bmabu, ni vandu vadokwa hela davulowulewi?" hangu kavawombela, " ²⁴ Jitahidi kuyingila kupitila mlyangu mdokwa, kwa sababu vandu vatangalili davayeshi kuyingila lakini davalemwi kuyingila. ²⁵ Yaveli bwalu akawoloki na kutatamlyangu, basi damuwoloki panji na kubisha wodi pamulyangu na kudeta, Bambu, Ba,bu, tufughulili, mweni daayanguli na kudeta nenga nduvamanya ng'odu hata kumfuma.' ²⁶ Topi damudeti, twalandaga pamu na yuvi na wafundishaya mumbagha shetu." ²⁷ Lakini mweni daavayangiluli nguvawombela, nduvamanya ndili kumfumili mu wuki aopa kwa nenga, yumwi. ²⁸ Dakuvi chivem,bu na kushagha menu pamuvawona Abrahamu, Isaka, Yakobo na manabii vosi mgati ya wutwa wa Chapanga. Lakini yumwi mudangiwa panji. ²⁹ Davafiki kufuma Mashariki, Magharibi, Kaskazini, na Kusini, na kupumulila pamesa ya filivi lumilimughula wa Chapanga. ³⁰ Nilimanya ali, wa mwishu daghavi wa kwaa na wa kwaa daghavi wa mwishu." ³¹ Tepu tepu , mafarisayu vamu navayisa na kumuombela," Yendi na uwepeku kwa sababu Hherodi akudayila kukuwulaya." ³² Yesu nakadeta," Muyendi muka nuwawombeli yula mbweha, Mloli nguvalega vambepu na kulowola na lelu na chilawa na siku ya tatu filongu fyangu dafilinganili. ³³ Kwa hali yoyosi yila muhimu kwa ajili yangu na lelu, chiku na sikunyingi yiyisa ya kucha yijumiliwili ng'odu nabii kawula yiwa kutali na Yerusalemu. ³⁴ Yerusalemu, Yerusalemu yani akuva wulaya manabii na kuwativa namigonguveli valuniwili kwa yumwi, matamingi nadayila kuva kunganya vana venu kucha wula nguku ya kunganya vana vaki pasi ya mbatilu shaki, lakini ali na kulidsay ng'odu. ³⁵ Loli, bwalu yaku inyanyiwa, na nenga nguvawombela,' Mung'oni kandi ng'odu hata pamudeta kabalikiwa, yaayisa kwa litawa lya Bambu.'