¹ Basi mundu yumu litavalaki Lazaro aveliuli akutamika. Afumbukili Bethania chijiji cha Mariamu mhaja waki Martha. ² Avelili ni Mariamu yula yuli ampakili Bambu marhamu na kumpukuta maulu vaki kwa nweli thaki ambayi mlongu mundu Lazaro avelili akutamika. ³ Ndipu muaja vaki valaishili lulailai kwa Yesu na kudeta," Bambu , loli yula umdailili akutamika." ⁴ Yesu paapikanishili adetili," Kutamika kunu si kwa kusova gha, pambeli, badala yai ni kw anongwa ya ung;alili wa Chapanga ili kucha mwan awa Chapanga apati kudumbiwa kwa kutamwa kwinu. ⁵ Yesu amtamili Martha na muaja waki na Lazaro. ⁶ Paapikanishili kuva Lazaro ahutamika, Yesu aikalili Siku mbili saidi mahala paavelili. ⁷ Ndipu baada ya lila avawombilili vanashuli vaki," Tuyendi Uyahudi kandi." ⁸ Vanashuli vamuombilili," Muhula,vayahuidi vayeshili kukudula miganga, na yuwi ukudaila kuwuya kula kandi?" ⁹ Yesu kavayangula saa sa pamufi si kumbi na mbili? Mundu paayenda pamusi awesi gha kuikwala kwa ujangi akulola ung'alili wa pamusi. ¹⁰ Ata wula, payiva daayeyendiu pamii, daikwali kwa ujangi u g'aluku kwahela mgati yaki." ¹¹ Yesu kadeta gindu afi, na badala yafindu afi , avawombilili," Anja wetu Laaro kawonja, pambeli nguyenda ili kucha mbati kumuyimusha mung'onju." ¹² Ndipu vanashui va Yesu vamuombela," Bambu, kama kawanja, daayimuki. ¹³ Chipindi Yesu avelili akudta abalu sa kusova kwa Lazaro, pambelu vau vaidili akudeta juu ya kuwonja ng'onju. ¹⁴ Ndipu Yesu adetili mu lipala," Lazaro kasova. ¹⁵ Navelili ghakula kwa nongwa yeni, kucha navelilighakula ili kucha mpate kuamini. Teyendi kwaki." ¹⁶ Basi Tomaso, vamkemili Pacha, avawombilili vanachuli vayaki," Na yufi tuyendi tukasovi pamu na Yesu." ¹⁷ Chipindi Yesu paayisili awonili pabeyi Lazaro tayili kvikiwa kala mulikaburi siku mchechi. ¹⁸ Nayo Bethania yavelili pabeyi na yerusalemu kucha kilomita arobaini na mohanu naa. ¹⁹ Vatngalili mugati ya Vayahudi vayisili kwa Martha na Mariamu kavahalisi kwa ajili ya mlongu wau. ²⁰ Ndipo Martha paapikanishili kuva Yesu Kkayisa, ayendili kutanganika nayi, lakini Mariau ayendilili kuikala kaya. ²¹ Ndipu Martha kamuombela Yesu," Bambu, kucha ungavelili baa, mkulu wangu angasovili ha. ²² Ata ponopa ngumanya ya chochonda dauchiluvi kufuma kw achapanga, daakupi." ²³ Yesu kamuwombela, mkulu waku daashushuki kandi." ²⁴ Marta kamuombela, ngumanya kucha daashushuki kufuma ung'alili siku ya mwishu." ²⁵ Yesu kamuwombela," Nenga ni ung'alili na usima, mweni yaajumila, ingava daasovi, ala wula daavi akuwishi; ²⁶ na mweni apelela na kujimila nenga daasovi. Ukujumila achi?" ²⁷ Kamuombela," Yina, Bambu ngujumila kucha yuwi ni Kristu, mwana wa Chapanga, mweni ayisa mu mlima." ²⁸ Paadetili kala chila, ayendili thaki na kumkema dada waki Mariamu faraghani. Kadeta, " muwula kava baa n aakukema." ²⁹ Mariamu paapikanishili fila, katandamuka kwa ucheshi nakuyenda kwa Yesu. ³⁰ Nayi Yesu avalili kayisa gha mgati ya chijiji bali avelili badu mahala paatangalili na Martha. ³¹ Ndipu Vayhudi vavelli na Mariamu munyumba n avala vaveliliu vakumfariji pavam,uonili paatandamuka upesi na kufuma panji vamfatili vazaniili kucha akuyenda kukaburi ili akalilia aku. ³² Ndipu mariamu, paafikili pala Yesu paavelili amuonili na aponikili pasi ya mawulu yaki na kumwombewla," Bambu, kucha ungaveli baa, mlongu wangu akusovili ng'odu." ³³ Yesu alilili na kufadhaika; kadeta," Mumuwonjesha koti? ³⁴ Vamuwombela," Bambu yizi loli." ³⁵ Yesu alilili. ³⁶ Ndipu Vayahudi vadetili," Loli paamtamili Lazaro!" ³⁷ Pmbeli vamong kati yau vadetili," Siyu ayu, mundu amfuulili mesu va yula avelili angajila mesu aweshili ngodu, mundu ayu akosa kusova?" ³⁸ Ndipu Yesu, hali paalombekesha mundima yaki kandi, ayendili mulikaburi ponopa yavelili mbaku, na liganga livikiwa kumbindi yaki. ³⁹ Yesu adetili," Muwushi liganga." Martha, muaja waki Lazaro, mweni asovili, kamuombela Yesu," Bambu kwa chipindi achi mvili dauvi uwola, kwa ujangi kuikala mchifu kwa siku msheshi." ⁴⁰ Yesu kamuombela," Nenga nauombilili ng'odu, kucha paijumila, dawuwoni ung'alili wa Chapanga?" ⁴¹ Kwa iyu valiushili liganga. Yesu kayimula mesu vaki kumbindi na kudeta," Ttai, ngushukulu kwa kuva ukumbikanisha. ⁴² namanyili kucha deta afi ili kucha vapati kujumila kuva yuwi kunduma." ⁴³ Baada ya kudeta fila, awutili kwa sawuti ngomi," Lazaro fumi panji!" ⁴⁴ Asovili afumili panji kawopelwa mawoku na mawulu kwa sanda za kuzikila, na wushu waki wawapilili kwa chitambala, Yesu avawombilili," Mumuwoposoi mumul,eki ayendi." ⁴⁵ Ndipu Vayahudi vatangalili vayisili kwa Mariamu na kumuwona Yesu achigolili vamuaminilili; ⁴⁶ Pambeli baasi yawu vayendili kwa Mafarisayu na kuwavombela mambu avagolili Yesu. ⁴⁷ Ndipu vakomi va makuhai na Mafarisayo vakusanyikili pamu mubalasa na kudeta," Tugoli lilki mundu ayu akugola vilangushilu vitangalili. ⁴⁸ Payiva tukumleka ivi peki yaki vonda davamjumili; varumidavayisi na kutola fyonda mahala petu na mulima wetu." ⁴⁹ Hata ivyu mundu yumu kati yau kugola fivelili kuamini momi mwaka na lelu, kavawombela," Mukumanya ng'odu chochonda gha. ⁵⁰ Mukwiola gha kucha yifaa kw anongwa yenu kucha mundu yumu akutakiwa kusova kwa ajili ya vandu kuliku mulima wosi kuyalamika." ⁵¹ Aya adetili kwa ujangi waki mweni, badala yaki, kwa kuva kuwani mkomi mwaka wula , atabilili kucha Yesu daasovi kwa nongwa ya mlima; ⁵² na si kwa mlima peki yaki, ba;li Yesu apati wuwula kuvakungasha vana va Chapanga ambau vatavanyika sehmu mbalimbali. ⁵³ Kwa hiyu kukandila siku iyi na kuyendelela vapanga namna ya kumlaya Yesu. ⁵⁴ Yesu ayeyendili gha kandi lipala pagati ya Vayahudi, bali awukili hapu na kuyenda nchi ivelili pabeyi na lijangwa katik amji ukemewa Efraimu. Apu aikalili na vanashuli. ⁵⁵ Basi pasaka ya Vayahudi yavelili pabeyi, na vatangalili vakwelili kuyenda Yerusalemu panji ya muji kabla ya Pasaka ili vapati kuingulisha veni. ⁵⁶ Wa velili wakumsaka Yesu, na kudeta kila yumu pavavelili vakuloka munyumb aya Chapanga," Mukuhola liki? kucha tuyisa ng'odu musikukuwu?" ⁵⁷ Chipindi chila vakomi va makuhani na mafarisayo yavelili vafumisha amuli kucha payiva yumu daamanyi Yesu paavelili, akutakiwa kufumisha milau ili kucha vapati kumkamula.