¹ Amini amini nguvawombela yula yaakoto kuyingila kwa kupitila mlyangu wa litinga la fungami pambeli akupanda kwa deya yimonga mundu ayu ni mwifi na munyang'anyi. ² Mweni yivayingila mumlyangu ni mdima fungumi. ³ Kwaki udimi wa mulyangu umufuulila. FUngami vakupikinisha sautinyaki na uvakema vafumgami vaki kwa mata na vau na kuvafumisha panji. ⁴ Pavafumisha panji hao vaveli vaki ulongolela na vafungami vakumfata kwa ujangi vakuimanya sawati yaki. ⁵ Davamfati gha muwenja pambeli vailepeshi kwa ujangi vasimanya gha sauti sa vaenja.'' ⁶ Yesu adetili mfamu hau kwau, pambeli vau manyili ng'odu mambu vala ambayu avelili akudeta kwau. ⁷ Yesu kadeta nau kandi amini amini nguvawombela nenga ni mlyangu wa vafungamli. ⁸ Vonda vanongolilili ni vefi na yivapoka, pambeyi fungam vampikinishili gha. ⁹ Nenga ni mlyangu. Yoyonda yiyayingila kupitila nenga daakombolewi dayingili gha mugati na kufuma nayi daajipatili malishu. ¹⁰ Mwifi akuyisa gha paikatokuwa kuyija, kuulaya, na kuangamisa. Nyisa ilikucha vapati ujima na vawi nau teli. ¹¹ Nenga nimdima mwema. Mdima mwema akufumisha unofu wake kwa ajili ya vafungami. ¹² Ndumindumi naajiwiliwili na siyo ndimu, ambayi fundama si vaki gha, akuvaona galu pavayisa na kuvaleka na kuvatuva fungami. ¹³ Na galu mwitu uvakamul na kuvatavanya utuva kwa ujangi ndumindumi wa kuasiliwa na akuvajali ng'odu fungami. ¹⁴ Nenga ni ndimi mwema, na ngumanya vaveli vangu, nau vaveli vangu vakumanya nenga. ¹⁵ Tati akumanya, nenga ngummanya Tati nami ngufumisha uwai wangu kwaajili ya fungami. ¹⁶ Ninau fungami vamonga ambau si vachangaji gha hau kandi ikudayila kuvayegha nau davapikinishi sawuti yangu ili kucha paveli na lipinga limu na mdima yumu. ¹⁷ Hii ndiyu ujangi Tati akundama: Niuwushi unofu wangu pambeyi niutoli kandi. ¹⁸ Kwahela yiavatola kufuma kwangu, pambeli nenga nguuwusha ni mweni, ninayu mamlaka ya kuuwusha . Ninayu mamlaka ya kuutola kandi. Mlipokela malau ava kufuma kwa Tati." ¹⁹ Ndenganiku kandi ufumbuka kati ya vayahudi kwa ujangi ya filongu afi. ²⁰ Vamonga vau vadeta kana chinyamukela na kajumba lisini kw aliki mikumbikanisha?" ²¹ Vamonga vadeta," Afi siyo filongu fya mundu yaapangiliwi na finyamkela. Chinyamkela likuwesha kufula mesu va angajila kulola?" ²² Topi kuyisa sikukuu ya kuvika mwafu Yerusalemu. ²³ Wavelili chipindi cha lupepu na Yesu avelili yeyendamunyumba ya Chapanga katika lukumbi wa Selemani. ²⁴ Topi Vayahudi pavamshengetili n akumuwombela mbaka ndili dautuvuki mumashaka? kucha yuwi ni Kristu, tuviki lipala. ²⁵ Yesu kavayangula," Nivawombela kala pambeli mukuamini gha kasinnisigola kwa litava la Tati wangu, hilo zinzshuhudiwa juu yangu. ²⁶ Ata hivyo mukujumila kwa ujangi yu mwisi vafungami vangu.aTi ²⁷ Vafungami vangu vakupikanisha sawuti yangu na vakuimanya nao vakumvata nenga. ²⁸ Nivapa usima wa mileli daavangamili gha kamwi kwaela ata yumu davabikuli kufuma mjumawoku yangu. ²⁹ Tati wangu, animbili ava ava ni m,komi kuliku kumonga vonda,na kwaela ata yumu aveli na uwesu wa kuwagubika kufuma mumawoku ya Tati. ³⁰ Nenga na Tati yumu ela. " ³¹ Vaikula miganga kandi lili vamtovi. ³² Yesu kavayangula nivalangusha kasi sitangalili sa nyanyi kufuma kw aTtai. Kasisiri kati ya asi mukudaila kundova miganga? ³³ Vayahudi vamuyangula tukukudula miganga gha kwa kasi saku sa nyanyi pambelikwa un'alili kwa ujangi yuwi kuva mundu ukuigola ni Chapanga." ³⁴ Yesu kavayangula," Iyandikwa ng'odu mu sheria shenu nadetili ,"yumi ni Chapanga,"'?" ³⁵ Payiva avavemili Chapanga,kwa vala ambau chilongu cha Chapanga livayisilili( na mayandiku davabadiliki gha), ³⁶ mukudeta wuli juu ya yula Ttai amfumishili na kumlaisha katika mulima, ung'alili, kwa ujangi nenga ni mwana wa Chapanga'? ³⁷ " Payiva panduva ngugola gha kasi sa Chapanga mukujumila ng'odu. ³⁸ Ata wula payivangusigola ata kucha mukujumila ng'odu musiamini kasi ili kucha muweshi kumanya kucha Tati kava mugati yangu na pensa nduva mugati ya Tati." ³⁹ Vvayesha kandi kumkamula Yesu, pambeli ayendilili thaki kufuma mumawoku yau. ⁴⁰ Yesu ayendili zaki kandi kumwambu ya Yordani sehemu ambayu Yoana avelili akubatika kwaa na kuikala aku. ⁴¹ Vandu vatengalili vayisa kwa Yesu vayendili kudeta,"Yohana nakaka agolili chilangushilu chochonda gha pambeli findu fyonda adetilu Yohana juu ya ayu mundu ni fya nakaka." ⁴² Vandu vatangalili vamuamini Yesu apu.