¹ Hapo kwaembo kwabinaliyegeyo na alyoliyegeyo lya bile kwa Nnongo liyegeyo abile Nnongo. ² Ajwoo, kwaembo abile kwa Nnongo. ³ Yote yapangilwe kwajwoo, wala bila jwembe chapangike kwa kilibe. ⁴ Nkati yake ngaubile ukoti, na wolo ukoti wabile bweya ya bandu boti. ⁵ Bweya yating'ala mulubendo, wala lubendo lwaloweza kwaa kwiima. ⁶ Pabile na mundu ywatumilwe kuoma kwa Nnongo, lina lyake akemelwa Yohana. ⁷ Ywaisile kati shaidi woshuhudia husu yelo bweya, ili bote baweze amini petya ywembe. ⁸ Yohana abile kwaa yelo bweya, ila aisile lenga shuhudia husu yelo bweya. ⁹ Eyo yabile bweya ya kweli yabile yaisa mu'dunia niyembe yampea bweya kila yumo. ¹⁰ Abile mu'dunia, na dunia iumbilwe petya ywembe, ni dunia yantangite kwaa. ¹¹ Aisile kwa ilebe yake, na bandu bake bampokya kwaa. ¹² Ila kwa balo baingi babampokile, balo baamini lina lyake, kwa balo kabapeya haki yopanga bana ba Nnongo. ¹³ Bababelekilwe, kwa mwai kwaa, wala kwa mapenzi ga yega, wala kwa mapenzi ga mundu, ila kwa Nnongo mwene. ¹⁴ Na ywembe Neno apangilwe yega na tama nkati yitu, tuubweni utukufu wake, kati utukufu wa mundu kichake wa kipekee ywabile kuoma kwa Tate, atwelile neema na kweli. ¹⁵ Yohana atishuhudia husu ywembe, na akoiye kwa lilobe kabaya, "Ayoo nga ywembe nimmakiye habari yake nibayite, "Yolo ywaisa baada yango nga nkolo kuliko nenga, kwa maana abile kabla yango." ¹⁶ Kwa mana kuoma mu'utimilifu wake, twenga twaboti, twapoki bure ipawa baada ya ipawa. ¹⁷ Kwa mana saliya yatiisa petya Musa. Neema na kweli yaisile petya Yesu Kristu. ¹⁸ Ntopo mundu ywamwonile Nnongo muda wowoti. Mundu pekee ywabile nga Nnongo, abile mu'kifua sa Tate, apangite ywembe ayowanike. ¹⁹ Awoo nga ushuhuda ba Yohana palyo makuhani ni alawi bantumilwe kwake na Ayahudi kubamwuliza."Wenga wa nyai?" ²⁰ Bila kusitasita na kakana kwaa, ila kaayangwa, "Nenga na Kristo kwaa." ²¹ Eyo kabannokiya, "kwa eyo wenga wanyai? wenga wa Eliya?" Kabaya, "Nenga kwaa" Kababaya, "Wenga wa nabii?" Kayangwa, "Nengalii." ²² Boka po kabammakiya, "Wenga wa nyai, ili tubapei jibu balo batutumile?" Kabaujishuhudie kwaa wenga wa mwene?" ²³ Kabaya, "Nenga nga lilobe lyake ywabile mmwitu:'Mwinyoshe ndela ya Ngwana,'kati nabii Isaya abayite." ²⁴ Bai pabile na bandu batumilwe palyo kuoma kwa Mafarisayo. Kabannobiya no baya, ²⁵ "Kwa mwanja namani wabatiza bai kati wenga wa Kristo kwaa wala Eliya wala nabii?" ²⁶ Yohana kaayangwa kabaya, "Nabatiza kwa mase, Hata nyoo, nkati yinu atiyema mundu muntangite kwaa. ²⁷ Aywoo nga aisa baada yango, Nenga nastahili kwaa kuilegeza gidamu ya ilatu yake." ²⁸ Makowe aga gapangike Bethania, ng'ambo ya Yordani, pandu Yohana abile atibabatiza bandu. ²⁹ Lisoba lya naibele Yohana amweni Yesu kaisa kasabe kabaya, "Linga mwana ngondolo wa Nnongo ywaitola sambi ya dunia! ³⁰ Aywoo nga ywembe ywa nilongela makowe gake natibaya, "Ywembe ywaisa kunchogo kwango nga nkolo kuliko nenga, kwa mana abile kabla yango.' ³¹ Hata nenga nintangite kwaa ywembe, lakini ipangilwe nyoo ili aitambulishe mu'Israeli, naisile kwabatiza kwa mase." ³² Yohana atishuhudia, "Namweni Roho kuoma kumaunde mpwano wa ua, na abile nnani yake. ³³ Nenga nintangite kwaa lakini ywembe ywanitumile ili niabatize kwa mase anibakiye,'yolo ywabile lola Roho kauluka no tama nnani yake, Aywoo nga aabatiza kwa Roho Mtakatifu.' ³⁴ Namweni na kumshuhudia yolo nga Mwana wa Nnongo." ³⁵ Kae lisoba lyanaibele Yohana ayemi pamope na anapunzi bake abele, ³⁶ bamweni Yesu katyanga na Yohana kabaya, "Linga mwana ngondolo wa Nnongo!" ³⁷ Anapunzi abele kaban'yowa Yohana kabaya aga kaban'yangwa Yesu. ³⁸ Kae Yesu atikelebuka na kuabona anapunzi balo bakinkengama, na kabammakiya, "Mwapala namani? Kaban'yangwa, "Rabbi, (maana yake 'mwalimu,' utama kwaako?" ³⁹ Kaabakiya, "Muiche na mubweni, "Boka po kabayenda na kubona pandu abile akitama, batitama pamope naywembe lisoba lelo, kwa mana ibile kati saa komi. ⁴⁰ Yumo nkati ya balo abele kaban'yowa Yohana kalongela na boka po kankengama Yesu abile Andrea, nnuna wake Simoni Petro. ⁴¹ Amweni nnongo bake Simoni na kummakiya, "Tumweni masihi" (maana yake Kristo) ⁴² Atikunneta kwa Yesu. Yesu atikunlola na kubaya, "Wenga wa Simoni mwana wa Yohana "wakemilwe Kefa," (maana yake 'Petro') ⁴³ Lisoba lya isile palyo Yesu kabapala kuboka kuyendya Galilaya, ampatike Filipo no kum'bakiya, "Ngengame nenga." ⁴⁴ Filipo ywabile mwenyeji wa Bethsaida mji wa Andrea na Petro. ⁴⁵ Filipo ampatike Nathanaeli na kummakiya, Tuweni yolo ywaandikilwe habari zake mu saliya ya manabii. Yesu mwana wa Yusufu, kuoma Nazareti. ⁴⁶ Nathanieli kammakiya, "Je kilebe kinoite chalowa boka Nazareti?" Filipo kammakiya, Uiche na ubone." ⁴⁷ Yesu amweni Nathanieli kaisa kwake nobaya, "Linga, mwisaeli ywa kweli abile kwaa na ubocho nkati yake! ⁴⁸ Nathanieli kammakiya "Unitangite kwaa nenga?" Yesu kayangwa na kummakiya, "Kabla Filipo akukema kwaa paubile pae ya mtini, natikubona." ⁴⁹ Nathanieli kayangwa, "Rabbi wenga wa mwana wa Nnongo! wenga wa mpwalume wa Israeli"! ⁵⁰ Yesu kayangwa na kummakiya, kwa mana nikumakiye,'natikubona pae ya mtini' je waamini? walowa bona makowe makolo kuliko aga." ⁵¹ Yesu kabaya, Amini amini naabakiya mwalowa kubona maunde gayongolilwe, ni kubona malaika kabaoboka na uluka nnani ya mwana wa Adamu."