¹ Baada ya lisoba lya itatu, pabile na arusi kolyo Kana ya Galilaya na mao bake Yesu abile kolyo. ² Yesu na anapunzi bake babile kabakokwa mu'arusi. ³ Palyo gayomwi divai, mao bake yesu kammakiya, "Babile kwaa na divai." ⁴ Yesu kanyangwa, "Nwawa yoo inihusu namani nenga? muda wango nenga bado timiya." ⁵ Mao bake kaamakiya atumishi, "Mupange chochote chaamakiye." ⁶ Bai pabile ni mitungi sita ya maliwe palo yatibekwa kwaajili ya tawadha mu'sikukuu ya Ayahudi, kila limo lyabile na ujazo wa nzio ibele itatu. ⁷ Yesu kaamakiya, "Mutweleye mase mumitungi ya maliwe." Kabatweliya mpaka nnani. ⁸ Boka po kaabakiya balo atumishi, "Mutole kiasi nambeambe na mwipeleki kwa mhudumu nkolo ywa mesa." Bapangite kati kabalagilwa. ⁹ Ywa mhudumu nkolo paagayite galo mase gabile gagapangilwe divai, ila atangite kwaa chapangilwe (Lakini atumishi baletike mase batangite goti gapangike). Boka po kankema ngwana arusi na ¹⁰ kummakiya, "Kila yumo huanza na divai inoyite na baada ya nyaa nga kubapea divai inoite kwaa. Lakini wenga utikwitunza divai inoite mpaka nambeambe. ¹¹ Muujiza woo wa Kana ya Galialaya, wabile nga mwanzo ya ishara ya miujiza yaaipangite Yesu, atikuupunua utukufu wake, nga banapunzi bake kabamwamini. ¹² Baada ya yee, Yesu, mao bake, alongo bake na anapunzi bake kabayenda mu nnema wa Kapernaum na tama kwoo kwa masoba gachene. ¹³ Bai Pasaka ya Bayahudi yabile itikaribia, kwa eyo Yesu kayenda Yerusalemu. ¹⁴ Kababweni bandu kabapemea ng'ombe, ngondolo na ngunda nkati ya Hekalu. Na badilishana mbanje babile batama nkati ya Hekalu. ¹⁵ Yesu apangite mjeredi waubile na ifundo, ababoite boti babile mu'lihekalu, mpamo na ng'ombe na ngondolo. Katomboya mbanje ya baabadili mbanje na kuipindua mesa yabe. ¹⁶ Kwa bapemea ngunda kaamakiya, "Muiboye ilebe yee kutalu na pano, muleke kwipanga nyumba ya Tate bangu kati pandu palisoko." ¹⁷ Anapunzi bake kabakombokya panga yabile iandikilwe, "Bwigu wa nyumba yako upani lyaa." ¹⁸ Akolo ba Kiyahudi kabayangwa, kabammakiya, Na saliya gani ywalowa kwiobenekeya kwa mana ugapanga makowe aga?" ¹⁹ Yesu kabayangwa, mlitekwane Hekalu lee na nenga nalowa kulichenga baada ya masoba atatu." ²⁰ Boka po akolo ba Ayahudi kababaya, "Itigarimu miaka arobaini na sita kulichenga hekalu lee na wenga wabaya upala kulichenga kwa masoba gatatu? ²¹ Ila, ywembe abayite hekalu kamaanisha yega yake. ²² Baadae baada ya kuyoka kwake mu kiwo, anapunzi bake kabakombokya kuwa abayite nyoo, kabaamini maandiko na longelo lee lyabayilwe tayari na Yesu. ²³ Bai paabile Yerusalemu muda wa Pasaka, muda wa sikukuu bandu baingi batiamini lina lyake, bapabweni ishara ga miujiza aipangite. ²⁴ Lakini Yesu abile kwaa na imani nabo mana abatangite bandu boti. ²⁵ Atimuhitaji kwaa mundu yoyoti kummakiya husu ya babile bandu kwa mana atangite chabile nkati yabe.