¹ Jadi, kalau dalamp Kristus ada dorongan samangat, penghiburan kasih, persekutuan Roh, kasih sayang, dant bolas kasihan, ² sempurnanlah sukacitako ongan sahati sapikir, maumpui kasih yang sama, dant dipersatu'n dalamp roh, dant maumpui sutik tuju'n. ³ Hinang malaku'n apepan dari ambisis yang egois atau somu'k; tatapi ongan rondah hati, anggaplah urakng buke lobih pontik daripada ikukko sikuk. ⁴ Hinang iko hanya nihat ongan kapontikinko sikuk, ape ongan kapontikin urakng buke. ⁵ Biarlah pikiran ini ada di hontakkan iko, sabagemone di umpu'i ulih Yesus Kristus, ⁶ yang walaupan maumpu'i rupa Allah, Ia cada manggap kasatara'n-Nya ongan Allah sabage sasuatu yang dipartahat'n. ⁷ Sabalik'a, Ia jawe diri-Nya cada maumpu'i ape-ape dant mahamba'n diri sabage budak ake jadi ongan rupa mansia. ⁸ Dalamp kaada-Nya sabage mansia, Ia marondahan ikuk-Nya ongan taat sampe mati, bahkan di pucuk kayu salib. ⁹ Akek alasan inilah, Allah sangat maninggi'n Dia dant manganurahkan kapada-Nya dama di pucuk sagala dama ¹⁰ akek didalamp dama Yesus satiap lutut batolut-- baik yang ada di langit, yang ada di bumi-- ¹¹ dant satiap lidah mangaku'k bahwa Kristus Yesus adalah Tuhatn, akek kemuliaan Allah, sang Bapa! ¹² Karna iyan saudaraku yang kakasih, iko harus salalu taat-- cada hanya waktu aku ada ongan iko-- karojaan kasalamt'n ko ongan takt dant gontar. ¹³ Lobe Allah yang bakaroja di dadalamp iko, akek mangarojakan ape yang manyonangkan-Nya. ¹⁴ Buatlah samua iyan tanpa mangarutu atau babantah supaya iko cada bacacat dant cada basalah, ¹⁵ sabage anak- anak Allah yang cada bacola ditongah- tongah generasi yang bengkok ini, sampe iko basinar di hontakan siak sabage tora'k dunia. ¹⁶ Bapijaplah erat pada Firman kehidupan supaya pada hari Kristus, aku ada alasan akek bamogah bahwa aku cada badari ongan sia-sia dant bakaroja koras ongan sia-sia. ¹⁷ Sakalipan aku harus ditupahan uba cantek pasomahan di pucuk kurban dant palayanan imanko, aku bagambira dant basukacita ongan iko samua. ¹⁸ Ubaiyanlah iko, ongan alasan yang sama, bagambira dant basukacitalah sama-sama ongan aku. ¹⁹ Dalamp Tuhatn Yesus, aku baharap ulih ngutus Timotius kapadako supaya aku dihibur pas aku ninga'k kabar tontakng iko. ²⁰ Sobab aku cada maumpui urakng buke uba ia, yang ongan tulus mampadulikan kesejahteraanko. ²¹ Sobab urakng, yang buke ongkah paduli ongan kapontikinnya sikuk, bukan kapontikin Kristus Yesus. ²² Uba iko pane, Timotius udah mambuktikan ikuk'a baroga, ia malayani ongan aku akek kamajuan pambaritaan Injil uba saurakng anak ongan apa'a. ²³ Lobe aku baharap ulih ngutus ia ongan copat satolah aku pane ape yang haga'n tajadi ongan aku ²⁴ dant aku pacaya kapada Tuhatn bahwa aku sikuk haga'n datakng kapada iko. ²⁵ Akan tatapi, aku bapikir porlu juga mangutus Epafroditus kapada iko. Ia adalah saudaraku, kawan sapalayananku, dant kawant saparjuakanku, urakng yang ngabak posant kapadako dant yang malayani kaporluanku. ²⁶ Lobe, aku manrinu'n iko samua ongan susah hati lobe aku ninga'a bahwa iko sakit. ²⁷ Memang, dolu'n iko sakit hampir mati, ape aku nihat'n bolas kasih kpadanya-- dant cada hanya ongan ia, ape onga aku gaam-- biar dukacitaku cada batumpuk-tumpuk. ²⁸ Lobe iyan, aku hunak mangutus'a pulakng kapada iko biar aku dapat basukacita pas aku nihat'a lagi, dant bakuraknglah kakhawatiranku. ²⁹ Samutlah Epafroditus dalamp Tuhatn ongan ponuh sukacita dant hormat'ilah urakng-uarkng uba ia ³⁰ lobe aku hampir mati domi pakarojaan Kristus; ia mampataruh'n nyawanya akek mangantikan bantua'n yang cada ulih iko konyu'k ongan aku.