Sura ya 1

1 Olwembo olo Nonu, olwa Sulemani. Odala voinchova nu gane vamwene 2 O, laiti ongangusye ni migusehencho egwa milomo gwaho, pahuva olugano lwaho rononu hulihoh ovinyo. 3 Imono gaho agavopaho galenamanukato amanonu galenanukato amanou elitawa lyaho wita marashi agagilevaleva, pu avahencha avadebe vihohogana. 4 Onole kulyuve, putwinyula . Odala anganchovage mwene unkurudeva anyinginche munyumba ya mwene. Odala voinchova nugane va mwene punihovoha; punihovoha nuve; indehenehohele ovogane waho; pu hua khuliho omvinyo. Pu halisi hu vadala avange ohugana odala anganchovage na vadala avange. 5 One neletitu ila nelenonu, omwe muvahe ncha va Yerusalemu - ole titu vuta litembe lwa Kedari, ole nonu vuta mapasia ga Sulemani. 6 Olekhe okhkoswiga alwahova neletitu, pahuva elijuva linyanyile. Avana va mama vango vale nu vukalale pa kyanya palyune; vambehile nele ndoleli va vyalo vya vondoni, pahuva ehyalo hyango sanihahelendelele. Odala voinchova mugane va mwene. 7 Imbule, ove venukhuganile, ndahu vulesya imidemelo gwaho? Ndahu vukinencha imidemele igwaho pamusi? Pahuva hehineve ndo munu oyihanganyiha ni midemelo egwa rafiki vaho? Ogane va mwene ihwanda 8 Inave suluanyile, ovelenou muninie na vadala, okonge inyayo inchamidemelo gwango, pu lesye emifungo na vana pahuva nditembe elya demi. 9 Punikhokhwananincha, vegane vango, ne farasi innonu indala paninie ni farasi incho mutuharincha Farao. 10 Ovonchuga wao vononu nu volembo, esingo yakho na vopambo vya lutalania. 11 Yanihovombele ovorembo owa lutalama alulunchiwe ni hela. Odala voinchova mwene. 12 Akhasekhe voiva otwa igona muhetanda khyamwene, amarashi gango ga hagendencha oronusyo. 13 Ong'encha vango hulyune wita inkebe gwa marashi ogogwigona pakelo pagati pa mavele agango. 14 Ogane vango hulyune vuta hepeta khwa mavova ga hena pa vialoifya vondoni fya Eni Gedi. Ong'enchavamwene 15 Lola, ove ole nonu, veng'encha vane; lola, ove nonu amiho gaho witahepuga. Odala inchova mugane va mwene. 16 Lola, ove ole vononu, vegane vango, vole vononu. 17 Imbanda incha nyumba yeto ncha maswatu aga mierezi, ne kano yeto ya maswatu aga miberoshi.