1 Onene nilelivova ndovende, nyinyoro muligwi. Ogosi anganchove inave 2 Ndoro nyinyoro pupaninie nu vujitu, humbe oveve ovegane vango, pupaninie na vahencha avange voni. Odala anganehovage mwene 3 Ndolubeti ogwa mapera ndulugelevo emibehi egenge musitu, humbe ong'encha vango vwa levo pagati pa vagosi. Nitama pasi pa mwejeji ogwa mwene nuluhehelo ne sekhe eya mwene nonu hu ladha yango. 4 Andetile ndolundamano olwakyahula, ne hetambala hya mwene pakyanya palyune hyale lulgano. Odala voinchova nu gane va mwene. 5 Niuishe khu kate nu vondoni nu humbehela nisekhe, pahuva negatile nu vugane. Odala voinchova mwene 6 Ekhevokho ehya hege hele pasi patwe gwango, nehevokho ehya hihondondanie. Odala voi nchova na vadala avange. 7 Ninogwa munchove, muvaheng'e va Yerusalemu, khu mbavala ne paa ya musitu, pahuta samuhanange olugano lweto impaha lwisila lene. Odala voinchova mwene. 8 Esavoti eya gane vango eyo! O, oywa ihwincha, voinyevanyeva khukyanya hukhewamba. 9 Ogane vango vuta mbavala au mwana idebe va paa; vola, emila husana hurohenge lweto, voiswiga ohogendele mulidilisa, voihungela munyavu. 10 Ogane vango akhanchovile nune okhuta, "Sisimukha, vegane vango; venonu vango, tuvokhe pupaninie nune. 11 Rola, emepo yegendile; efula yesilile nu huluta. 12 Amavova gahumile pakyanya pakherunga; osekhe ogwa khupungusya amaswatu nu hwemba hwa videge hwinchile, ni mamenyu agahepuge gapulekhikhe inkeronga hweto. 13 Obekhi ogwa tini guvehile itini incha khejani nu vondoni vwedihe; gwihomya amarasi padebe. Ema, ove ng'enya vango, venonu vango, ulumanye nune. 14 Vehepuge vango, pa viwamba vya mawe paviwamba ifya siri mibanchoho egwa mawe, leha nelola amikho agaho. Leha nepulekhe esavoti, pahuva esavoti nonu, ne sura yakho nonu." Odala voinchova mwene 15 Vibate imbweha hwajili yeto, imbweha indebe inchinchi nanga ehwalo ehya vondoni, pakhuva ekhyalo, ehya vondoni hyedikhe. 16 Ong'encha vango pu vango, na yule neleva mwene; ilya pa nyinyoro khu raha. Odala inchova nugane va mwene 17 Elutelage ove, vegane vango, vu imepo incha lya hemikhi sajikura ne miejeji vosage hegile. Lotaga; ovinchage nde ayala au omwana odebe va paa pa viwamba na mawe amingi.