Undyago gwa 3

1 Eilimenyu lyaNtwa leikhamwincheila UYona ulwaveili. 2 "Uhenghe ulutanghe khuNinawi, khuvunchenghe voula uvouvaha pwukhahumbeileilanghe eilimenyu leila eiiyuyakheiva nikhukhulangheila." 3 Pwuleino UYona akhahengha aleikhuluta khuNinawi nukhulyeiideikha eiliminyu lyaNtwa ndumwanchoviile UNtwa pwu leino eiNinawi waole vonchenge vouvaha fincho hange pa lunghendo lwa finghono fidatu. 4 Pwu UYona avile afengwile ukhwingheila mumbunchenge, avile angheivadile eilinchuva eilimenyu, avamu Ninawi yavikhwangameila aleikhuta. "EiNawi mujinghono alubaini yekhwangameila." 5 Avanu va muNinawi vakhamwedeikha UNguluve pwuvakhavoulana ukhusita ukhulya nukhweisaya. Vooni vakhafwala eimienda ngyiamanghuneila ukhuhuma ngha umbaha nayudebe. 6 Pwu unkuludeva vamuNInawi akhapuleikha. Akheima ukhuhuma pakhinyalwa nghulu khyamwene, akhafula umwenda nghwa mwene unghwavunkuludeva akhafwala amanghuneila akhatama mundyela. 7 Pwakhalangheila eiumenyu eiliita, "MUmbuchenghe uvwamuNInawi ukhukongana nululangheilo lwa nkhuludeva na vanu vamwene avavaha, mulandekhagha umunu khave kheideimo, senga kheive kheipungha valavonjangha eikhinu kheikhyoni, valekhe ukhulya khuve khunywa manghasi." 8 Pwuileno avanu nafifikanu vavencha nghe veeinghubikhe amanghuneila nukhuleila ikhyoveela eilimenyu kha Nguluve. Umunu uveiavenchangha apeindukhe nu khunchilekha injeila ncha mwene imbivi, nukhuvulekha uvousyovi uvouleimavokho nghamwene. 9 Veeni alumanyile? ukhuta UNguluve avahile ukhupeindukha nukhunghaluvandula amasangho nghavo nukhweilekhelwa uluviipo lwa mwene uluvaha ukhuta tulekhe ukhyongomela." 10 UNguluve akhanchivona nchela unchova vombile, vanchilekhile imbivi, pwuleino UNguluve akhapeindula amasangho ngha mwene ukhukongana nuluvounghu ulwakhavavoulile ukhuta ale ikhuvavombela pwu UNguluve savombe ndavule.