1 Pwu UYona akhadoova UNtwa UNguluve vamwene walei mulitumbu lya somba. 2 Akhata neimweilangile UNtwa pavula vwaangho pwu umwene akhanyamula ukhuta neihume munditumbu lya vufwe, pwuneikhaleila mundutangeilo ukhamulei khha ukhuleila khwango. 3 Pwu ukhananghile mungati mukhina, munghati munumbula ya nyajnja, na manghasi nghakhanchungutile; umbelo ngwakho nyoni na manghosi anghadeinghile ukhunchunghaNtwa, ulwakhuva huteila imbafu chooni. 4 Pwuneikhata, "Neisweimiwe pamiho nghaakho; pwuleino pwunikhuyevara eitembile eimbalanche. 5 Amaghasi nghanghubeikhile ukhunchunghuteila eisingo yango; eikhina khyannchunghuteile nuludilu lwanchiinghutile nukhunghubeikha untwe nghwanyo pakasinghalo padebe ukhunchunghuteila nayeisingo yangho. 6 Niahitile pasipafyamba eikheihinga neincheilo nchadeindile palyune isikhu nchooni kheisita khusila lusikhu. Puleino ove uweimikhe awuumi wango mundinghuli, veiNtwa Nguluve vango. 7 Pwu useikhei unghwa numbula yango yavile yenchimile munghati ndyune pwu nghankuta khuNtwa pwu ulwisayo lwango lukhava lukhujikile. Mutembile yakho eimbalanche. 8 Vooni vala avikhungheimikha eimiNguluve ngyiavo pwuvibeila uvungho lofu vwanho avene. 9 Pwuleino oune nikhupinchangha eisadakha neilimenyu lya lusano pwunivomba ungyuniveikhile eindano nukhweijyiengheilamo; nukhuta uvopokhi vwihuma khuNtwa. 10 Pwuleino UNtwa akhanchova neisomba pwuyeikhadekha khwa Yona khulukanji khunji khunyanja.