Undyango Ghwa 1

1 Pwu eilimenyu lyaNtwa leikhamwincheila Uyona umwana va Mitai. 2 "Fima ulutanghe khuninawi Khuvonchanghe ovuvaha, Pwu vyovanghe eilimenyu mumbunche voula, pakhuva uvovivi vwaavo vwaimile pamiho nghaanyo." 3 Pwu leino UYona akhahengha pamiho ghaNtwa akhankeimbeila ukhuluta khuTarshishi pwakhiikha ukhunchifikha khuyafa pu akhavona uvwaato uvwituta khu Tarashishi, Apoleino akhahomba einavouli akhitongha muvwaato ukhuluta khuTarashi avekhutalipa mihongha Yahweh. 4 Pwuleino UNtwa akhapela onkulunghuto ukhati umbaha munyanja nghuleikhukutunghuta numbelo okati pwuovwato vouleikhulonda ukhunangeikha. Pwu vala avanghendenchangha uvwaato vakhadwaada fincho, pwuavanu vooni vakhaleila khwa Nguluve, kheila munu khwa Nguluve vamwene. 5 Pwu ifiivo fyavo vakhakefya vakhalaha munyanja. Pwu UYona akhiikha pasi pakwaati akhova khunghata fincho, akhanghomeilela intoulu. 6 Pwu unghendencha vwaato akhaluta upwaleiswo akhambula akhata, "Kheikhi vunghonelela? Sisimukha vwesaye khwa Nguluve vaakho! pamo UNguluve vaakho ayikhutumanya tulekhe ukhyonghomela." 7 Vooni vakha voolana vakhata inchangha tuhalane pwutumanye vei veeni uvei atupelile okosi nuvuvivi ovou ovukhutuvona pwuleino pwu leino vakhahalana ovauhale voukhanghweila UYona 8 Puleino vakhambula UYona, "Siwo tuvule veen uveiapelile ukosi unghu unghutukhunghuvona, uve vuvomba mbombo nyikhi khange vwihuma ndakhu? eikhilunga khyakho khyukheileikhu, vwihoma khuvanu avakheikolo kheikhi? 9 UYona akhavavula akhata, une neilei Mwebrania; nuune nikhudwaada UNtwa Unguluve uvakhukyanya umpeli va nyanja neikheilunga. 10 Pwu avanu avo vakhadwaada fincho, vakhata khwa Yona, Kheinu kheikhi eikhyu ovombile? pakhuva avanu vala valumanyile ukhuta aleikhunkeimbeila pamiho nghaNtwa, ulwakhuva avavoulile. 11 Pwu leino, vakhambulala UYona pwutoukhungahe ndakheikhi ukhuta einyanja yeilitame? ulwakhuva einyanja ya nangikhe ukhuluteila eikheinghelelo. 12 UYona akhavavula akhata, "Munyiibate pwumundaheile munyanja, pwu einyanja yayilitama nukhupona khweinyo. Ulwakhuva neihimanyile ukhuta yeileindavule savuli yango ukhuta umbelo unghu nghuvavoone umwe." 13 Napope avanu avo valeikhukwengha eimitela ukhuta uvwaato vulunyame khukhilunga vuhenghe munyanja. ulwakhuva einyanja yanangikhe. 14 Puleino vakhisaya khuNtwa vakhata tukhukhudova veiNtwa, tudoova ulatulekhangha twongomele savuli ya miveele nghya munu uyu; hange uleikheukhututuveikha mbunangi vwavufwe vwa mwene, ulwakhuva uve veiNtwa uvombile ndu mwuvunonghelwa. 15 Pwuleino vakhatoola UYona vakha tangha munyanja, pwu einyanja yoope yeikhadungha ukhukulunghuta umbelo. 16 Puleino avanu vala vakhadwaada nukhumwimeikha fincho Untwa puvakhahumya ifyaneikheilo khuNtwa nukhuveikha eichanghano. 17 Pwu UNtwa ayeitosaninche eisomba imbaha eiyakhumila khwa Yona, pu UYona akhava mulitumbu lya somba isikhu idatu.