Sura ya 9

1 Nambwene Untwa emile pawipi ne khetekhelelo, akhata, "Otove emitwe egya mbanda pwu pasukhanikha pasi. Budama pa mitwe egya vene gyoni, nelambuda na mundu ova misyo. Asipali ate yomo ova yakhava inyile, asipali ate yomo ovayakheva inyila. Asipali ate yomo ovayakhava inyila, ndavayava pasi khu Sheoli, khule khavokho khyango khelaratola. 2 Ndavatoge khukyanya, okhwa nelavisya pasi. 3 Ndavefikhe khukyanya khu khyamba ekhya Karmeli, nelavalonda ukhwa nu khuvatola, ndavefikhe pasi mu nyanja nesite ukhuvavona, yanilagela e njokha yevalume. 4 Ndavinche valote khuvuvanda yavibaniwa na vavivi va vene mu mbolongolo mu vene, nelasukhe e mundu okhwa, yayikhuvabuda. Nelavalolaga na mikho gango khuvene khu vuvivi sio khu vunonu." 5 Untwa Unguluve uvwakhepuga ve ikhwibata ekhelunga khekheyenga; voni avitama omwa vilelaga; goni galaema ndu Lugasi, gelikha pasi ndu lugasi olwa Misri. 6 Omwene ve inchenga ifiyumba ifya mwene khukyanya, nu khutengulencha kuba ya mwene mukhelunga. Umwene ve ikhwelanga magasi aga nyaja, nu ukhugaduda pakhyanya pa khelunga, Yahwe lyo litawa lya mwene. 7 " Omwe samlendavanu va Kushi khulyona, vana va Israeli? -vwu inchova uYahwe. Sanavatonche Israeli ukhuhuma khu khelinga misri, Aavafilisiti ukhuhuma khu Krete, na Vawashami ukhuhuma khu Kiri? 8 Lola, amikho aga Ntwa Yahwe galekhukyanya khu vuntwa uvwunya mbivi, yanikhovonangania ukhuhuma pa khelunga, sanekhamanganie mu mbunchenge uvwa -Yakobo, vwu inchova uYahwe. 9 Lola, yanilagela , mu khuvwapeta uvwunchenge uvwa Israeli mu filunga fyoni, ndu munu uvipeta enganu mu ndukhalo, pwu lisipali eliwe lelyo lelagwa pa khelunga. 10 Avavomba mbivi voni mu vanu vango valafwa khu mundu, vavo ninchova, "Ulunada salulatunanincha ukhwagana nugwe.' 11 Pa linchuva elyo yanikhwemekha elyeveelya Daudi lelyo lyagule, nukhunchikonga isyamba incha mwene. Yanikhwemekha amepagala agamwene, nu khunchenga akhanga ndavovwa yale amanchuva agakhatale, 12 Ukhuta avikhwemelela amasigalelo aga Edomu, ne filunga fyoni fifyo fyelangiwe khu litawa lyango -vwu inchova u Yahwe ovei ikhogavomba aga. 13 Lola, amanchuva gikhwincha vwu inchova uYahwe onsekhe unyakhulima ikhondotelela unyakhubena uvikanya izabibu yikhondotelela uveiivyala imbeyu. Ifyamba fyoni filadomolaga edivai enonu, ne ifyambo fyoni filadomolenchanga ago. 14 Nelavakilivula ukhuhuma khuvu vanda avanu vango Israeli. Valachenga amapagala aga khalunga nu khutama omwa, valavyala ifyalo ifya zabibu nu khunywa edivai, vivombaga mu fyalo nu khulya isekhe nchavo. 15 Nelavavalya mu khelunga khyavene, savalakupulikha ukhuhuma mu khelunga khekhyo nevapile," vwu inchova Yahwe uNguluve vakho.