Sura ya 7

1 Aga go gago Untwa uYahwe ogoandagile. Lola apelile elipuga elivakha elya nzige emisekha egya khuhelukha ifinu, lola lwale lyogog lwa mwisyo vuvolotile uvubeni uvwa ntwa. 2 Vwu vamalile ukhulya imboga inchakhalunga pwu ekhata, "Untwa uYahwe, nidova unsyekhele uYakobo yitamage ndakhehi? Ulwakhuva umwene n-debe." 3 Yahwe akhisya olovipo pa ele. "Sayekhahomele," akhata. 4 Ola vwuandagile Untwa uYahwe; Lola, Untwa Yahwe aelangile khu mwoto ugwa vuhegi. Pwu gukhomia, ekhakolongo pasi pa khalunga nu khunogwa ukhunangania ekhelunga. 5 Pwu nekhanchora, "Untwa Yahwe, nikhokhodova vwelekhelwe; Yakobo itamaga ndachehi? Ulwakhuva umwene n-debe." 6 Yahwe akhalekhelwa khu ele, "Ele salekhomile," inchova UntwaYahwe. 7 Olo vwu andagile uYahwe : Lola, Untwa emile pawipi ne nguto, paninie nu uzi uvwa timize mu mavokho ga mwene. 8 Yahwe akhambola, "Amosi, vukhokhevona khekhi?" nekhata, "Uzi uvwa timazi." Pwu Untwa akhata, "Lola, yaniwekha uzi uvwa timazi mu vanu vango ava Israeli. Sanalavanenanga akhange. 9 Apa Isaka pa kyanya yapinangiwa pavwuvalanele pa Israeli palanengwa, pwu yanikhwena pakyanya pa visunchenge uvwa Jeroboamu khu mundu." 10 Pwu Amazia, u ntekhenchi uvwa Betheli, akhasuha avanu khwa Yeroboamu, untwa va Israeli: "amosi avombile akhohonchongola pagati pa vwunchenge uvwa Israeli. Ekhelunga sakhiwesya ukhugega amamenyu aga gone. 11 Ulwakhuva vwu inchova uAmosi, 'Yeroboamu yifwa khu mundu, ya yelweli Israeli yayilota khu vuvanda ukhuhumu mu khelunga khya yene."' 12 Amazia akhambola uAmosi, "Unyamalago, lota, nyilaga ukilivukhele khu Yuda, pwu olye unkate nukhuhumia amalago. 13 Usite ukhuhumia amalago apa pa Betheli, olwa khuva pavalanche pa ntwa nu vwunchange uvwa ntwa." 14 Pwu Amosi akhambula Amazia, "One sanele nyamalago. Na sanele nswambe va nyamalago. One neledema fidemo, nilolela e -mikuyu. 15 Pwu Yahwe akhanola ukhuhuma khudema ifidemo- nukhumbola ukhuta, lotaga ukhahomie amalago khu vanu vango ava Israeli.' 16 Leno pwu polekha elimenyu elya Yahwe. Yovewita, "Usite ukhuhumia amalago khu Israeli, usite ukhunchova khuh vwuncange uvwa Isaka. 17 Vwu inchova uYahwe, 'On-dala vakho iva ndigu pa khelunga; avana vakho avademi na vakhanja valafwa na mundu, ekhelunga kyaho khalapimwa, khelagavivwa, wifwa mu khelunga ekhevivi, ne Israeli yalweli yelalota khuvuvanda ukhuhoma mukhelunga khya yene."'