1 Ekhielungha mbombo inchi kongana ne Israeli incho Amosi u-ntekhenchi va Tekoa, incho mbonekhile mu njosi. Njambonekhile imbombo khu manchuva aga Uzia untwa va Yuda, na mumanchuva aga Yeroboamu onswambe vaYoashi untwa va Israeli, emiakha gevele vwu sakhehomile ekhesenyende hya khelunga. 2 Akhanchova, "Yahwe yikhulume ukhuhuma khu Sayuni; yitoncha elimenyu lya mwene ukhuhuma khu Yerusalemu. Khuludemo ukhuvidemela avademi khulanchiga mie; ekhiamba ekhya Karmeli kheleniala." 3 Vwu inchova Yahwe: "Khu inongwa idatu incha Damaskas, ama inne, sanekhasige elivungu, ulwakhuva vayetovile e Gileadi ne fyuma. 4 Yanikhelekha umwoto mu mbunchenge uvwa Hazaeli, pwa imbego incha Ben Hadadi nchilapyelelela. 5 Nidenyania imbatekho incha Dameskasi nu khubela omunu uveitama mu Biqati Aveni, nu munu uveikhwibata unsaga agwa vuntwa mu Beth Edeni. Pwu avanu va shamu valaluta khu vuvanda khu Kiri, "inchova uYahwe. 6 Uvwu vwuinchova uYahwe: "Khu inongwa idatu incha Gaza, ate inne, sanekhasige elivungu, ulwakhuva vavatolile khu vuvanda avanu voni, nukhuvavekhe mbololeli uvwa Edomu. 7 Nelasukhe umwoto khu Gaza, nu khupyelelelncha imbego inchanchene. 8 Yanikhubela umunu uveitama khu Ashdodi nu munu uveikhwibata unsaga igwa vuntwa ukhuhuma Ashkeloni. Yanisyetula ekhevokho kyango khwa Ekroni, na Avafilisti avasigile vafwa," incho Untwa Yahwe. 9 Vwu inchova uYahwe: "Khu inongwa idatu incha Tiro, ate inne, sanekhesige elivungu, ulwakhuva vavakhelikhe avanu voni khu Edomu, vadenyile ulwedekhano ulwa khekolo. 10 Nelakhelekhe umwoto khu mbegoincha Tiro, nu khupyelelencha." 11 Vwu inchova uYahwe: "Khu inongwa idatu incha Edomu, ate inne, sanekhesige elivungu ulwakhuva ankongelile olokololwe ne mundu, akhasamwa ekhesa khyoni. Elyoyo lya mwene lekhatoga, lekhava lya manchuva goni. 12 Nelakhelekha umwoto khu Temani, nukhupyelelenca uvwunchenge uvwa vuntwa vwa Bozra." 13 Vwu inchova uYahwe, "Khu inongwa idatu incha vanu va Amoni, ate khu inne, sanekhasige elivungu, ulwakhuva vavatumbwile avadala ava Gileadi avanyavwunchito, pwu vongelencha ekhelunga hya vene. 14 Nelakhoncha umwoto mu mbego incha Raba, pwu gulapyelelencha uvunchenge uvwa vwutwa, paninie nu khuywega elinchuva elya ligokha, paninie na ukhulugutopa linchuva elya mmbelo. 15 Untwa va vene alalota khuvuvanda, umwene na vatangeli pwu paninie," inchova u Yahwe.