¹ Uunene na akatumwa uuPaulo. Uunene kasi ukatumwa kufuma kwa awandu nanga uulo ndafumila kwanduu, poshe uulo kuu uu Yesu Kilisitu nuu uu Mulungu uu Tayi mwene ampuluushizye kufuma afwiile. ² Papamwi nuuluko wosii nannye, nayandikila amakanisa iya kugalatia. ³ Ichitimbano ni teko zyiwe kulumwemwe nu Mulungu uu Tayi witu nuu unkali witu uu Yesu Kilisitu. ⁴ Mwene wifunyizye kuu uuwi witu ngani atupulushe iisambo izya amawii kufumila nuu uulutogo udwa u Mulungu witu u Tayi. ⁵ Kukwake uu uutimu iisiku zyosi ni iisiku zyosi. ⁶ Nakasamala kukuti mugelukila ichikalakashe kuu iinjili yinji. nakasamala kukuti mugelukila kuutali kufuma kukwakwe mwene amwitile kuu ulutogo udwa Kilisitu. ⁷ Kutakola iinjili yinji, vino kula awandu wene wamawaletelezya umwemwe amani na kuvwamba kugeluzyaiinjili iya u Kilisitu. ⁸ Nanga vine twasweswe au uumalaika kufuma kululu atangazya kuminu iinjili yene ile kengine na yila yene twa wawilile. ⁹ Vino twatela ku- uudwandilo, ni salizi natela kalinji,"Nge kulundu akuwatangazyizya kuminu iinjili yene ilekengine ni yene mwapokelile, na alitiwe." ¹⁰ Vino iisalizi navwamba uumani uwa undu au uu Mulungu? Navwamba kuanonezya awandu? nge ngwendelea kuyozya kuwanonezya awandu, unene kasina nhemba uwa Kilisitu. ¹¹ Mwani navwamba umwemwe mmane kukuti iinjili yene ndangazyizye itafumila kuwandu. ¹² Ndasendile kufuma kwandu, iiza ndafundishwe. Nanaga lo, alinge utimu uwa uu Yesu KIlisitu kukwane. ¹³ Mwivwa kukuti uwikalo wane uwa kunuma kuuchini iya chiyahudi, vine nalinge naligazya kuukangu itekelo idya u Mulungu ichisini iya chipimo na kliluwanga. ¹⁴ Iza nendelie ku- idini iya chiyahudi ichisini iya wanawitu winji Ayahudi. iza ndilini umpamba ku- kasumba izya uu Tayi wane. ¹⁵ U Mulungu wanonelizwe kunjagula unene kufuma munda mwa mayi. Wanitile unene kuchitimbano chwakwe. ¹⁶ Kukunsondezya umwanakwe kukwane, ngani mpozya ezye uumwene nkalti iya wandu awa piwelelo.Alinge ndavwamba ipangwi ndyaumbili uwa ulanda. ¹⁷ Iza ndazuwe kuwala kuyerusalemu kwa wala Amitume pine izanjilii. nanga ulo nazile kuu uarabuni kalinji nasuwa kudamasiki. ¹⁸ Nanga ulo kumiaka itatu nazuwile kuwala ku- Yerusalemu kukumwendangila u Kefa, nikala nakwe kusiku ikumi na zisano. ¹⁹ Nanga ulo alinge ndawaona ahemba awanji ngani u Yakobo, umwanao nu uu Tayi. ²⁰ Lola kumiso iyaka u Mulungu, nda longopa kwa chila chene nakwandika kuminu. ²¹ Nazile kumikoa iya kushamu na kukilikia. ²² Iza nda anikwa kumiso iya mmatekelo iya Yahudi yene yalinge iya ka u Kilisitu. ²³ Alinge wa kwivwa tu,"umwene alinge atugazya epa nawawila izumlo yene alinge amaluwanga." ²⁴ Walinge wa kunsuga u Mulungu kwa ajili iya kulunene.