¹ Baada ya miaka ikumi na mnane nazile kaliinjii kuyelusalemu papamwi nuu Barnaba. Kaliinjii nasendile uu Tito papamwi nuu nene. ² Nazile vino uu Muulunguu wilondizye kukwane kuukuuti navwambiwe kuuwala, Nawiikile kumbele yao iinjili yene naiwiilile kuuwanduu awama taifa. (Nanga ulo natezile chiimyama kuuwene wamanikwe kuukuuti aviongozi muhimu). Nalongile ulii ngani kulonde kuukuutii iza ndachiimbiila, ama nachiimbiile umoni. ³ Nanga ulo uu Tito, yene alinge papamwi nuu nene, yene alinge uumyunani, wapatiizwe kuutahiliwa. ⁴ Imbola iiyii yafumiilile kuvino awiuunda awaulongofi wizile chimyamya kuupelelezya uuhulu wene tuuliinao kwa Kilisitu u Yesu . Wavwambile kuutuuwiika twakatuumwa washelia. ⁵ Tuulifunyizye kuuwazumiila nanda isambo kache, uulo iinjili iiyamwene iishale ngani kasi kuumagaluuko yinu. ⁶ Nanga uulo wala wene wateliwe kukuuti aviongozi watasangile chochosi kuukwane. Chochosi chene iza wachilonga iza chitakola uulondoofu kuuluunene. Uu Mulungu aazmiilaya uuluutogo uudwa wanduu. ⁷ Kuvivyo wambwine kuukuuti ndondowike kuuitwala iinjili, kuwala wene watatailiwa. Yawile changati u Petro wawila iinjili kwa wene watailiwe. ⁸ Kwa vino uu Muulunguu yene walongile iimiliimo inkasi ya Petro kuuwene alinge akatumwa kuuwala wene watailiwe, vivyo walongile iimiliilo yane kuwanduu awamataifa. ⁹ Insambo dyene uu Yakobo, uu Kefa, nuu Yohana, waonike kuukuuti wazyengile iitekelo, wamanile iineema yene napiwe unene, watuutangine papamwi uunene nuu Barnaba. Wawiikile ulo ngani tuuwale kuuwandu awamataifa, nanga vivyo wawezye kuuwala kwa wene watahiliwe. ¹⁰ Nanga uulo watweluufye usweswe kuwizuuka apina. Nanga uulo uunene alinge nakuumbuu kila kuulonga imbla iiyo. ¹¹ Isambo dyene u Kefa wizile kuu Antiokia, nankanile pawelu vino alinge wapuuvya. ¹² Kabla ya wandu awache kuukwiza kuufuma kwa Yakobo, uu Kefa alinge wakudya na wanduu awamataifa. Nange uulo awandu ewa pino wiza, walekile na kuuuuka kuufuma kwa wandu awamataifa. Alinge watina awanduu wene alinge wavwamba iitohala. ¹³ Vivila Ayahudi awanjii wakwiingine nulongofu uuwu papamwi nuu Kefa. Chino chafuiilile alinge chiilii uulii nuu Barnaba wasendwe nuu longofi wao. ¹⁴ Pino naona kukuti walinge wataikonga iinjili iya mwene, nampozizye uu Kefa pambele ya wosi, "ngii umwemwe mwayahudi ngani muzikonga itabia izya wandu awamataifa na kuziileka iitabia zya Yahudi, kuchiiyii muuwapatiikiizya awanduu awamataifa kuukwikala changati ayahudi?" ¹⁵ Usweswe wene twayahudi aledwe ngasi "Awandu awamataifa wene waliinimbi." ¹⁶ Umane kuukuuti kuutakola yene awa zyizyiwi iihako kuumatendo aya shelia. Kuvivyo, wa'awazyizyiwa uuliimu kwizumilo inkati ya Yesu Kilisitu. Twizile kwizumilo inkasi ya Kilisitu uu Yesu ngani uulo tuuwazyizyiwe ihaki, kwiizumiilo nkasi ya Kilisitu ngasi kuumtendo iya shelia, ktuutakola uumbiilii wene uuwazyizyiwa ihaki. ¹⁷ Ngi pino tuukuumvwamba uu Mulungu kwa kuuwazyizyiwa iihaki iinkasi ya Kilisitu, tuukwiona tuudyuumwi kuvivyo tuu kuwa tuliiniimbi, je uu Kilisitu wawikile uukatumwa uwambi? kasi vivyo! ¹⁸ Nanga mbiike uuluutogo dwane kuuzipangamala iishelia, uulutogo uulo naluuwuushizye, nakwisondezya nankala kuukuuti na vuna ishelia. ¹⁹ Kuupiitiila iishelia na fwile kushelia, kuvivyo navambiwa kuukwikala kuwikalo uwa Mulungu. ²⁰ Napatile amagayo papamwi nuu Kilisitu. kasi nene kaliinjii yene nakwikala, ngani uu Kilisitu wakwikala iinkasi yane uuwikalo wene nakwikala kuumbiili nakwikala kwizumilo inkasi ya mwana wa Mulungu ,yene wandogwile na kuukwifunya kuuluunene. ²¹ Ndakana iinguumbu zyaka Muulunguu, kuulo ngi haki alinge iikwalii kuupitila iishelia, uulo uu Kilisitu ngatii wafwile umoni.