sula ja 2

1 Mukong'anaghe jumue palikimo ulukong'ano lwa vooni na kukong'ana, iisi jino najasoni. 2 Yelukyale ululaghilo kutola ulutalamu nikighono ikio kukiling'ania hwene mapunga yelikyale ilyojo lya Yahwe kukwisa kulyumue, yekikyae ikoghono kya lyojo lya Mutwa kukwisa kulyumue. 3 Mumulondaghe uYahwe, mwe vaanhu mweni mwevakongoeka muiisi mwevano mukusipulika indaghilo sake! Mulondaghe uvukyang'ani vwake, mulondaghe uvukongoleka, pamo mulilolelevua kukighono kya ng'alasi kya Yahwe. 4 Pe Gaza ghubudua, nu Ashkeloni ghulisyetuka kuuva vunangifu. Vikuvuvusikisia kutali uvuAshdodi unsiki ghwa pamwisi, kange vikughukula Ekuloni! 5 Iga kuvano vikukala mulubale munyanja, ikipelela kya vakelesi uYahwe ajovile vwimila umue, Kanani iisi ja Vafilisiti. nikuvabuda nakwale juno ilisighala. 6 Iisi ijio ja kulubale kunyanja kuva kwa kudimila avadimii na kumbaga sa ng'olo. 7 Iisi ja mulubale munyanja jiva kyuma kya masighasi ghavaanhu ghamunyumba ja Yuda, vano vidimila ifipugha fyave ukuo. Avaanhu vavanave vighonagha pakivwiile munyumba ja Ashekeloi, ulwakuva uYahwe Nguluve ghwave ikuvalolelagha na kukuvagomokesia avakungwua vave. 8 Nilyaghapulike amasyojolo gha Moabuna kukuvaligha avaanhu va kuamoni unsiki ghuno valyavasyojwile avaanhu vango na kukughinia mumaka savo. 9 Pe lino ndavule finonikukala - ulu lwe ujovo lwa Yahwe ghwavalilugu, uNguluve ghwa vasilaeli, - IMoabu jilikwisa kuva hwene Sodoma na vaanhu va kuamoni hwene Gomola; apene pa mang'onyo nilina lya mwinyo, ulukuve lwa jaatu. Looli avaanhu vango vanovasighile vikuvagaluagha avakami, na vaanhu vaiisi jango vanovasighile vitolagha uvuhasi vwave. 10 Ili lilihumila kuMoabu na kuAmoni vwimila amatingo ghave, kuhuma yevavasyojwile naikuvaligha avaanhu va Yahwe ghwavalilugu. 11 Pe vikumwoghopagha uYahwe, ulwakuva ikughasyojolagha amanguluve ghooi gha muiisi. Umuunhu hweni ifughama kukmfunya umwene. kange umuunhu ghweni kuhuma kulubale lwa mwene kuhuma imbale sooni is kumwani. 12 Umue mwevakushi najumue mufwisagha kuvubamba vwango. 13 Nuluvoko lwa Nguluve lulikujilwilanila ulubale lwa kunena na kukujitipula iAshulu, pe iNinawi ghuekua kwa kubudua, kuva palaghafu hwene lukuve. 14 Pepano amapugha gha fidimua ghilighona pala, ifidimua fyoni fya paiisi, vooni viluka ifisilasila ni nungunungu silipuma nkyanya ja mbumba savo. ilisio lipulikikagha kuhuma umalioli ikilundo kya luhangalaji kiliva mumalyango; nulutogo wakunosia avene na mataliko ghivisagha ghafikiuke. 15 Ili lye likaaja lya kululutivua lino likalile kisita vwoghofi, lino lijova mumwojo ghwake, "une kwenile, nakwale ujunge ughwakuhwanana nune" ulwakuva vule ulighwakwoghofia, ulubale ulwakughona ifidimua nkate jake. umuunhu ghweni juno ikilila kwamwene isagha kusukania imbuli kwa mwene.