1 Ili lye lisio ya Yahwe linolikamwisila uSefania umwana ghwa Kushi mwana ghwa Gedalia mwana gha Amalia mwana ghwa Ezekia, mufighono fya Yosia mwana ghwa Amoni, Ntwa ghwa Yuda." 2 nibuda fyoni kuhuma pamaaso gha iisi - ulu lye lujovo lwa Mutwa jujuo. 3 nilibuda umuunhu nikidimua; nibuda ifijuni fya kukyanya niswi sa munyanja, uvunangifu palikimo nuvuhosi. Pe nikuntaghilila kutali umuunhu huhuma pa maaso gha iisi - ulu lwelujovo kuhuma kwa Mutwa jujuo. 4 Penifikagha nikivoko kyago kwa Yuda navenyeji vooni va kuYelusaemu. Nilitaghilila kutali amasighalua gha Baali kuhuma ulubale ulu matavua gha vaanhu vanovikufunya amanguluve muvatekesi vamonga, 5 avaanhu vano munyumba vikufunya amavili gha kukyanya, navaanhu vanovikufunya na kufinga kwa Yahwe looli vano kange vifinga kwa Mutwa ghwavo. 6 Nikuvataghilisia kuvutali vla kange vano vasyetwike kunsana kuhuma kukumfwata uYahwe, vala kange vanovikumfwata uYahwe kisila kuposia uvulolelesi vwake. 7 Ujikaghe kimie pamaaso gha Mutwa uYahwe! ulwakuva ikighono kya Yahwe kili pipi , UYahwe aling'anisie isabihu na kukuvavika kutali avaghesi vake. " 8 lilikwisa mukighono kya litekelo lya mutua, Apuo pe nilivatova avavaha na vana va vutwa, nu muunhu ghweni juno afwalisivue amenda gha kighesi. 9 Kukighono ikio nilikuvatova vooni vala vano viluka kyanya ja fipiki, vala vanovimemia uvuhovesi nuvusyangi munyumba ja ntwa ghwavo. 10 Liliva mukighono kila - iji je ng'emelo ja Yahwe - kuuti ifua ja lusukunalo jikwisa kuhuma ku mulyango ghwa swi, akijeghela kuhuma ku wilaya ja vuvili, Ninjeghelo ja lughinio kuhuma ku fidunda. 11 Mujeghelaghe mwevanyakaaja valighulilo lya wilaya, kuvavomba biashala vooni viliva vaningisivue, vooni vala vano vighelela indalama viliva vataghilue kutali. 12 Jiliva mukighono ikio nikujolonda iYelusalemu ku tala nakukuvatova avaghosi vano viliva vikalile mulunyue lwavo nakujova munumbula savo, uYahwe nailivomba kyokyoni kive kinono nambe kivivi.' 13 ifyuma fyavo filipokua, ninyumba savo siiva silekilue kuvunangifu!. Vilijenga inyumba neke navilikukala umuo, napivyala imisabibu neke navilinyua ulunyue lyake. 14 Ikighono ikivaha kya Yahwe kili pipi, pipi kange kiling'aning'ani! ilisio lya Yahwe liliva lya lusukunalo nuvuvafi vwa ngufu! 15 ikighono ikio kiliva kya ng'alasi, ikighono kya lusukunalo nuvuvafi, ikighono kya mavingo nuvutipulua ikighono kya ng'isi namaligho, ikighono kya mafunde ni kilo imbaha. 16 Kiliva kighono kya lukelema ni njeghelo vwimila ililanga lya mulikaaja na mubuluji inali. 17 Pa uluo nilileta ulupumuko kuvaanhu pe vilighendagha pipi hwene vaghosi avabofu kuhuma yevavombile isambi vwimila Yahwe. idanda javo jilikung'ua hwene fumbi, i mbale save samunkate hwene mafi. 18 Nambe indalama savo nasi sahabu savo ndeponu nasingawesie kukuvapoka vwimila ing'alasi ja Yahwe. nkate ja mwoto ghwa kitule kyake iisi jooni jilibudua, pe lino ilileta uvunywilifu, uvusililo vwa kwoghofia kuvooni ava kuiisi."