sula ja 3

1 Iga kulikaja linolimemele idanda! lyoni limemile uvudesi nikyuma kya vuhiji, avaghaju valikulyene jatu. 2 Looli ino kwelili ilisiyo ya majalidi nilisyo lya kubumiling'ania amaguludumu, idogovi sinena na magale ghavulugu ghijumbajumba. 3 kwevlyale vanovikwangalila idogovi vitipula, ibamba jing'ala, imalala simelemeta, nifihendo fya maiti, nifilundo ifikome fya mavili; kusila vusililo vwa mavili, avalugu vikuvala nkanya jake. 4 isi sivoneka vwimila vwa mbombo sa vunoghelua vwa mbwafu unono, amanyine uvuhavi, unyakughusia iisi kuvuvwafu vwake na vaanhu ku sila ja maghendele ghake gha vuhavi. 5 Loola une nanilipalikimo nuve - ili lye lisio lya Yihova ghwavalugu - isiketi jako nilikupikilagha kuvweni vwako napihufia uvufula vwako kufipelela, isoni sako kwa Ntua. 6 Nitosia uvunyali uvyakukalasia napikukuvika uve m'bivi kyongo; nikukuvika uve muunhu ghwa kulolua na vaanhu vooni. 7 Luva ndiki ghweni juno kyande ikukulola akukimbilaghe nakujova, " Ghweninawi unangike ghweveni juno kyande iluta vwimila uve? Nikum'bona kughi umuunhu juno akagwile kukunyamasia?" 8 Ninawi, pe uve uliyekiba kukila iNoamoni, ghunoghujengilue pakyanya pa kikogha Naili, lino lisyungutilue namalenga, lino uvuloleli vwake vukale inyanja, lin uluvumba lwake lulwale inyanja jijio. 9 IEsiopia ni Misili silyale ngufu sake. navuvusililo vwalyene napwevulyale, uPutu nu Libya valyale vamanyani vake. 10 Neke uNoamoani alyatolilue; alyalutile kuvugalulua; avaanha vake avadebe vakadenyua fipandefipande mumakalo amakuu gha fikaja fyooni. avalugu vake vakatova ikula kuvanhu vake avanya vukola navavaha vake voni valyakungilue na manyololo. 11 Najuve ghulighala; ghulighela kufisama, napilonda uvufisamo kuhuma kuvalugu vako. 12 Amalinga ghako honi ghiva hwene mavajula ghano ghakomile imbajula sino sivesile; nambe singasukanisivue sighwila mumulomo ghwa juno ilia. 13 Loola, avanhu nkate jinu ve vamama; amalyango gha iisi jako ghadindulivue kyongo vwimila avalugu vako; umwoto ghunanginie ikomelo sake. 14 Luta ukaneghe amaenga kulilinga lino lisyungutilue; Nywilisiagha amalinga ghako; lutagha kulitope ukadaghe amatope; vumbagha amapamba. 15 Umwoto ghukukubuda paa nibamba jikukutipula ghunyanyilisivua hwene masi inyana ndavule inyanyilila ifinu fyoni. Jumue mwevene mujivike kuva vinga hwene masi inyana, kange vinga hwene masi sinosikangile. 16 Ghwongelisie avavomba biashala vako kukila inondue sa kukyanya; neke vali hwene tunutu: vikunya iisi neke vipululuka kuluta kutali. 17 Avatua vinu vinga hwene masi, navakulu vinu vavaluavalugu lihwene lipugha lya mang'onyo ghano ghivika amakalo muluvumba unsiki ghwa mhepo. Neke ulujuva kyale luvika ghipululuka kuluta kutali kuno nakwale juno apamanye. 18 Untwa ghwa Ashulu, avadimi vako vaghonelile; avatua vako vaghonelile paasi kupum. Avanhu vako vapalasine pakidunda, kange nakwae nambe jumo ughwakuvakonga'ania. 19 Kusila vuvuvusio vuno ndeponu vwimila ifikong'o fyako. ifikong'o fyako fyefikome. vanovipulika imhola sako vilitova amakofi gha kulukelo. Ghweveni juno alyajibaghwile kuvuhosi vwako vwajatu?