1 Jula juno kynde ikkunangania fimenyule fimenyule ikwisa kulyuve. lolelagha imbumba sa likaaja, lolelagha unsev mukangasiaghe jumue mwevene, mukong'aniaghe amapugha ghinu. 2 Ulwakuva uYihova igomosia uvuvaha vwa Yakovo ndavule uvuvaha vwa Vasilaeli, naponi avalugu vakavanangania nakunangani amatafi gha sabibu savo. 3 Ingua ja vanyangufu vake ndangali, navavanhu avanyangufu vafwalilile amenda amalangali, imagale gha valugu ghatang'anisivue ghing'ala mu fyuma fyake unsiki ghwa pamwisi, nasimalala sa mavinye sijughujua kukyanya. 4 Igale sa valugu sikimbila ng'aning'ani mufisila ghikimbila kuvulongolo nakunsana mufisila. Gha hwene kurunzi kange ghikimbila hwene ladi. 5 jula juno kyale idenya fighave fighave ikuvakemela avavaha vake; vikuvala umuunhu gweni nujunge panovighenda; vivomba ng'aning'ani kulwilanila uluvumba lwa likaaja. Ililinga ilikome likong'anisivue kukujisigha na valugu ava. 6 Amalyango mufikogha ghumilisivue kudinduka, ni lijumba lya ntua lighua kuvunangifu. 7 UHusabu afulilue amenda ghake kange atolilue; avavombambobo vake avahinja vilila hwene ng'undya, vikufitova ififuva fyavo. 8 INinawi ji hwene lipwaji lya malenga lino lihulula, avaanhu vake palikimo vikimbila hwene malenga ghano ghisalalika. Avange viti,"imagha imagha," neke nakwale juno isyetuka kunsana. 9 Tolagha ikitita kya ndalama, tolagha ifitita fya sahavu, ulwakuva nakwevule uvusililo vwake, kuvunofu vwa finu fyooni ifya ku Ninawi. 10 Iniawi jili pa vuvule kange jinanging'ine. Inumbula jamuunhu ghweni jijejelwike, amafundo gha muunhu ghweni ghiginyana palikimo, nuvuvwafi vuli kwa muunh ghweni; isula savo sooni sihujwike. 11 Lino jiikughi imanga janyalipala, jino pano inyana sanylupala silia ikyakulia, pano pepano inyalupala ingosi ninyalupala imama silyaghendile palikimo ninyalupala inyana, pano nasoghopagha ikinhu kyokyoni. 12 Inyalupala jilyademwile fipandefipande fino jifwimile vwimila ifyana fyake; Jikaniongile fino jifwimile jijio vwimila inyalupala inyikimama nakumemia imanga jake fino jifwile muvukao vwa jene amafimba ghan ghademwike. 13 Lolagha une nanilipalikimo nuve - ili lye lisio lya Yihova ghwavalugu. Ninyanya amagale ghinu gha vulugu mu lyosi, nulubamba lubuda inyalupala isoleka sinu. nisigha ifighomua finu kuhuma kuiisi jango, na masiyo ghavasung'ua vinu naghaapulikika kange."