sula ja 1

1 Injosi sino silungime kuNinawi. ikitabu kyanjosi sa Nahumu Mwelkoshi. 2 UYihova ghwe Nguluve umunyagila kange ihomba ululumbilo; uYihova ihomba ululumbilo kange amemile ing'alasi; uYihova ihomba ululumbilo kuvalugu vake, kange ikwendelesia ing'alasi kuvalugu vake. 3 UYihova ghwenya ngufu nyinga kange muhugu ghwa ng'alasi; nangave nsila sila ijinge ija kukuvavalila amakole avalugu vake. UYihova itenda isia jake ku mhepo na kukimupe na kumavingo, amafunde namafumbi gha maghulu ghake. 4 Ikujihwetukila inyanja nakukujumisia; ikwumia ifikogha fyoni. UBashani m'botevote, nu Kalmeli; Amaluva gha Lebanoni ghasila ngufu. 5 Ifidunda fitetema mungufu sake, nafifidunda fijejeluka; iisi jighua pamaaso ghake kyang'ani, iisi na vaanhu vooni wanovikukala nkate jake. 6 Ghweveni juno kwande ikwima pavulongolo pang'alasi jake? veni juno ndeponu isigha uvukali vwa ng'alasi jake? ing'alasi jake jikung'ulie hwene mwoto, nagha manaavue aghakulile kutali. 7 UYihova ghwe muhugu, lilinga mufighono fya lutalamu; kange umwene ghwe ghwa kyang'anikuvano vanovikunkimbilila. 8 neke ilivika uvusililo vwa valugu vake na mavingo gha kwoghofia; ilikuvafwima kung'isi. 9 Avanhu viling'ania kiki vwimila vwajihova? Umwene ghwe ilidughisia; ulupumhuko nalulikwima ulwavuvili. 10 Ulwakuva vahasing'ine hwene mamfua; vilisuvikua mufinywaji fyavo vavuo; vilinangasivua lweli ku mwoto hwene masaghate. 11 Umuunhu jumo akimile nkate jinu, kuNinawi, juno alyaling'anisie uvuvivi kwa Yihova, umuunhu juno alyakangisie uvuhosi. 12 Enendiki fyeijova uYihova," nambe kuuti valiningufu savo sinosikwiline ni mbalilo sino sikwiline, nambe ndikio viliketua amanyele ghave, avaanhu vavo napweviliva kange. looli uve Yuda: nambe kuuti nilyakupumwisie neke nanilikupumusia kange. 13 Lino nidenya uluveghalilo lwavanhu kuhuma kulyuve; nidumula amanyoolo ghako. 14 UYihova ahumisie uulaghil vwimila uve, Ninawi: "nakweluliva kulumbila kange ulwakupinda ilitavua lyako. Nikufisighagha ifihwani fino fihongolilue napivusia ifihwani fya kyuma kuhuma kunyumba sa manguluve ghinu. Nigima imbiipa sinu, kwa kusyojolua kwinu." 15 Loola! kukyanya kufidunda kulinamaghulu gha muunhu juno ikwisa kuleta imhola inofu, juno ipulisia ulutengano! muhovokelaghe ifikulukulu finu, Yuda, kange muvingililaghe ulufingo lwinu, ulwakuva umuhosi nangavatipule kange; avusivue lwoni.