sula ja 3

1 Inyifunyo sa m'bili uHabakuki, 2 Yahwe nipulike imhola sako , najune nikwoghopa. Yahwe, syilula imbombo jako pakate pa nsiki ughu. vomba ndikio lukagulike; kumbuka kuva nulusungu mu ngalasi jaako. 3 UNguluve alisiile kuhuma ku Temani, nu mwimike jula kuhuma ku Palani. sela. uvwimike vwake vuvukupikile uvulanga, ni iisi jilyamemile uvwimike vyake. 4 Imuli ivili sa mavoko ghake silyale sing'ala ndavule ulujuva, pano uvuvaha vwake vukafisilue. 5 uvutamu vwa kubuda vulyalongwile pamaaso ghake, nulupumuko lulyalile amaghujlu ghake. 6 Umwene alyimile napijighela iisi; akalola na kufisukania ifipelela . nifidunda ifya jaatu filyanangisivue lwoni, nifidunda fya jaatu vikaghua paasi. isila jake ja jaatu. 7 Nilayaghavwene amaghema ghavakushi mu mhumhuko, nifitambala fya maghema mufidihani fitetema. 8 Uyahwe alyale ni lyojo pakyogha pala? ing'alasi jako jilyale vwimila ikikogha, nambe ilyojo lyako vwimila inyanja, panoghutogha pa dogovi avanya makokoteni na vasindi vwako? 9 Uletile uludibulilo lwako kisila mfuniko; ghuvika indibulo kuludibulilo lwako! Sela. ukaghavile iisi nifikogha. 10 ifidunda fikakwaghile uve na kusyetuka kulusukunalo. amalenga ghano ghanoghakung'ilue paasi ghikila kyanya javo; ilina lya nyanja kukatosia injeghelo. amavingo ghake ghakima pakyanga. 11 ulujuva nu mwesi filyimile ni ngufu pakyanya pamwene ku lumuli lwa ndibulo jako, nakutogha kukyanya, pano simulika nulumuli lwaa mhalala sako. 12 ughendile mu iisi kuvuvasi. mu ng'alasi uvulwile amapelela. 13 ulywalutile kunji vwimila ja vupoki vwa vaanhu vako, vwimilaja vupoki vwavabaghulwa vako. veve ghudijania umutu ghwa nyumba ja muhosi kuvika pavuvalafu ulwalo lwa singo. Sela. 14 Unyanyile umutu ghwa valualilugu vake ku ndibulo jake jujuo ulakuva valisile hwene mhepo kutughavania usue, uvwifu vwavo vulyale hwene muunhu juno ikum'buda umofu pamonga panopafisime. 15 ukyulile kyanya ja Nyanja ku dogovi sako, na kukughakila amalenga amakulu. 16 Nilyapulike, kange nkate jango nilyatetime! amalomo ghango ghalyatetemisie isavu. uvuvole vukwisa mumajeghe ghango, kange paasi palyune nilyatetime hwene muunhu juno ighula vwimila ikighono kya lusukunalo kifike kuvaanhu vano vakatuniengetile usue. 17 nambe umpiki naghulemba nambe naghukoma vwimila umsabibu; nambe ulwakuva kukoma kwa mpiki ghwa mseituni naghukuhovosia na maghunda naghihumia ikyakulia; nambe kwekuuti ilipugha lya fidimua livusisivue kange kusila ng'ombe muluvagha, iki kyekino nivsghile kuvomba. 18 Kange nijighe nihovokela mwa Yahwe. niiva nulukelo vwimila Nguluve umpoki ghwango. 19 uMutwa Yahwe ghwe ngufu sango ghweivomba amaghulu ghango ndavule gha kulugu. ikunosia ulubale lwango lwa pakyanya - kuvingilila indongosio sya nyimbo, mufyombo fyango fya mote.