sula ja 1

1 Imhola jino um'bili uHabakuki alyupile vuti, 2 Yahwe , kunsiki ghuliku nililililagha uvutangilisi, kange naghulikumulika? nikulilile uve kulwoghofio, 'igila' neke nambe kukunopoka. 3 Lwakiki ghukumbika nisivonaghe imbivi na kulola amaghendele amavivi. uvunangifu nuvuhovesi vuli kuvulongolo kulyune. kuli nuvulwiling'ani , namasindano ghikwima. 4 Neke lolo indaghilo se mbotembote, nuvwakyang'ani navukakala amasiki ghoni. ulwakuva uvuhosi vusyungitile uvwakyang'ani, neke loli ikyang'ani ijavudesi juvukagha. "uYahwe" ikumwamula uHabakuki. 5 " lolagha ifipelela kange uvaghele; udeghelaghe nakudegha! ulwakuva nilinikyangani kuvumba ikinhu mufughono fyako kuuti naghulikwamini kyale jikwisa imhola kulyumue. 6 ulwakuva lolagha! niseghelile pikuvatosia - aVakalidayo mu iisi inywilifu kange jinya kighindo vilighenda kukilila uvukome vwa iisi kukola inyumba sino nasavanave. 7 visagha nakukwoghopa; uluhigho lwavo nuvunono kuhuma kuvene lughendelela. 8 Idogovi save silinuluvilo kukila iduma, mepe kyong kukila ing'ekeva. idogovi save siteng'ana, navapanda dogovi vaave vikwisa kuhuma kutali - vipululuka hwene limwalukombe likwangupa kulia. 9 vooni vikwisa kugasia, ifipugha fyake filuta hwene mepo ja mulukuve, kange vikong'ania amaghomua hwene lihanga. 10 Vikuvabeda avatua, navalongosi se mbedo vwimila javo. vikughaseka amalinga ghooni, ulwakuva vikughakong'ania amafumbi nakughavusia. 11 pepono imhepo jilikila; jilighendelela kukila - avaanhu avanya vuhosi, vano ingufu savo sili mumanguluve."uHabakuki ikumposia uYahwe iliswali ilinge 12 "Uve nulighwapakali, Yahwe Nguluve ghwango, hwejuno ulimwimike? usue natungafue. uYahwe alyatuvikile kutali nuluhigho, najumue kuuti, munywilisivue vwimila kugholosivua. 13 Amaaso ghinu manofu kulolesia uvuhosi, neke namuwesia kulola amaghendele amavivi kulusungu; kiki mulola nakutangila ndikio vala vano vwohesi? kiki munyamala pano uvuhosi vwgulubika kyongo avanya vwakyang'ani kukila aveene. 14 ukuvaviika avaanhu hwene swi munyanja, hwene finu fino fikwafula kisila mulongosi. 15 aveene vikuvaleta vooni vikuvakwesa nindovano vikuvakwesa vooni kuhuma munyafu sa swi nakukuvakong'ania mu nyafu savo . ulu lwe lwakuva vihovokela nakujeghela nakuhovoka kyongo. 16 Neke looli vihumia ilitekelo kunyafu save isakulovela nakunyanya uvubani munyafu save ulwakuva ifikanu ifikome fyooni fyave najinyama jino jinonile kyekyakulia kyave. 17 Vwimila uvuo vimala inyafu save za kusuvulila na kughendelela kuhuja amapelela nambe kusagha nulusungu"?