Ekheseku 1

1 Paulo omokori we emeremo uwa Waryobha na omotomwa uwa Yeesu Kiristo, ku ubhukumya ubhwa abhahorwa abha Waryobha na obhong'aini ubhwa obhoheene bhonobhokoreta ennoonkwe. 2 Bhaho ko-okoghanyeera obhohoru ubhwa amakora bhono Waryobha ono atakoghamba obhorongo yatotebheri toghanyeere kurwa amakora. 3 Ko enkagha inshiya yaryeeghoye ring'ana ryaye akang'ana ukeka oni kutansherya amang'ana. Yaare igha nkore igho ku-singuru isya Waryobha umuhwenya weito. 4 Ku- Tito omona uwa obhoheene ku-ubhukuminya bhweto. Omorembe amabhera na obhohoru kurwa ku Waryobha tata na Yeesu Kiristo umuhwenya weito. 5 Ku-ukughira kuyo nakutighire Krete, igha okore amang'ana ghonswe ghano ghare ghatarabha na obhatore abhaghaka abha murisengero ku-kira mighi kyabhono nkoragherei 6 Omoghaka uwa risengero takabha na amasorohe umushasha uwa omokari omwe ono ana abhana abhaneene bhano bhatakameribhwi obhoghogho kasi bhano bhatanatemo ngogho. 7 Mbuhiku omotasheri na umwimereri wi inyumba iya Waryobha atakabha na amasoro he. Takabha monto wa kituri he na ono akwisoka, atakabha mwango uwa okoreera, takabha munywi wa amarwa, atakabha omonto uwa kosegheerya riihe na atakaloha uwa omobhabha. 8 Hamwe omonto uyo abhe omohani, ono ahanshire ubhuyo abhe omonto uwa obhongo obhohoru. Uwa ubhuuya, ono ahanshire Waryoobha, ono akwinagya umwene igha. 9 Ono akotorra kwimerera amaragheeryo agho obhoheene ghano gharagheribhwa, atorre kwengerya singuru amaragheeryo amiiya na okorongeheerya bhoonswe bhano bhakwanga 10 Bhaho abhasarrya bhaaru, bhokong'u abha okosarra amang'ana ghabhongaa-kekangi, bharang'aina na bharatangata abhanto ko kobhasirrya. 11 Abhanto kya bhayo bhakanibwi. Bhararagheerya ghano ghataarre ko ehorohoro iya ghensoni na okosarrya imighi gyoonswe. 12 Uwomwewabho omonto omoheene yaghambire, " Abhakrete bhana obhorongo bhono bhotakuhita abhaghogho na sityenyi sembe, abharosu na abhhooyo". 13 Amaragheeryo ghano maheene obhakani kwa nguru watorre koghamba obhheene ku-ubhukumya. 14 Uwe takabha momaghano agho obhorongo agha ikiyahudi ku-singuru isya abhanto bhano bhakohonshokya nyuma obhoheene 15 Ko bhano morenge bhuya ebhento byoonswe mbiiya ko bhaara bhoonswe bhareenge abhanyaanku na bhano motakwikerrya ketekehohe keno kerabhe kiiya, ko-bhoola amiteghero ghaabho na bhonobhakutuuna byaasaribhwa. 16 Bharikeerya oko momanya Waryoobha kose komareemo ghaabho bharaanga. Bhomba ghogho bhano wakwighwa tebhaka nyoorwehe bhakoore moremo ghoghonswe muuyahe.