Ekheseku 2

1 Ghasi uwe ghmba ghara ghakuhinana na amaragheryo aghobhohene. 2 Abhaghaka bhabhe ne endengo, esoko, omoragherya, umukumya, umwikoni, hamwe na obhohanshe, na obhoghomerya 3 Hayohayo abhakari abhakungumbu ya bhiyoroki bho abhene igha mbaisokire bhatabha abhaghenki. Ghasi bhatakanywa amarwa. 4 Bhotore kwegya amaiya okori abhaiseke bhabhe na maragheryo aghokohansha bhagaka bhabho, hamwe na abhana bhabho. 5 Babhe na amegwo na amaragheryo, abhaikoni, abhanagya abhaiya bhya inyumba yabho, na bhabhe ne soko koobhaghaka bhabho abhene. Ebhigha mokore amang'ana ghayo okoori eng'ana ya Waryobha etakatokwa. 6 Kootemo iyo mohe enkoro abhamula bhabhe abharagherya. 7 Kooshera yonswe mwitore abhene kobha ikitubhanio koo meremo imiya, hano mwegya, moroki ubhunyohu na esoko. 8 Mushumanshe ekeka ekehoru keno ketana risoro, okori ono wonswe akobwi ghekha asokibwi kughira tana righogho koo bhenyu 9 Abhakori bhya emeremo bhasoke abhakama bhabho kong'ana yonswe. Nigha bhabhategheri Bhatakhabharerya koshenkani. 10 Bhataka bhaebhera .Kohayo bhokori ukukumya ukuya, okori koshenshera shionswe, bhaibhohere ameigwo gonswe gha Waryobha otorya weito. 11 Koo hayo eneema iya Waryobha eroshwe na abhanto bhonswe. 12 Eratweghya kwanga amang'ana ghano ghatare agha Waryobha na kwanga agha Ikyaro. Eratweegya komenya koomarageryo, koobhohene, na kooshenshera shya Waryobha enkagha eno. 13 Nkagha thokoghanyera kunyora iruguto iyeto iya obhong'ore, ukwiyorokya okorabu kwa Waryobha omonene weito nna uryokya weito Yeesu Kiristo. 14 Yeesu nairusiri umwene koobheito okori aturusi kubhushema na kotorokya obhorabhu harewe, abhanto abhahiku, abhainyonta iyo ghokora emeremo imiya. 15 Ghamba komerya amang'ana ghayo. Angha kushinguru shonswe otakaikerya omonto wonswe wonswe akosere