Ekheseku 4

1 Khobhono magonshe bhane, bhano ndabhaighomba bhano igha ubhuya ne ngata yane. Mwimere komonene bhenyu bhaghoshe bhane. 2 Ndakosabha uwe Eudia, ndakosabha uwe Sintike, ndakasabha mkyorane obhohoru ubhwa morembe ko bhenyu bhonswe bhabhere mwanyoraini no monene. 3 Kobhora bhasabhe igha bhenyu abha kori bhemeremo bharikyane. Mobhatori abhakari bhano kobhora bhakore hamwe na oni kotebhia injili ya monene tware na Kelementi na mbharugharugha bhande abha omonene, bhano amarina ghabho ghag'horibhwi kokeebho kyo obhohoru. 4 Ohono omonene sisiko nsyonswe bhono nendaghambe rebhe. 5 Obhohabhu bhwenyu bhomanyekaene kobhanto bhonswe. Omonene hang'i. 6 Temokainyakia kong'hana yonswe, nyakore yaye mokore amang'ana shenyu ghonswe konshera yokosabha, mosabhe no kukumya, na ghano mkutuna ghamanyekane ko Waryobha. 7 Bhono obhohoru bhwa omonene bhono bhorenge obhonene kokera okomanye bhonswe, bhorarende ghekoro na maiteghero ghenyu kokotorya Kiristo Yeesu. 8 Kobhora bhahiri bhane moghaiteghere bhokong'u amag'ana ghonswe ghana obhone esoko, obhorabhu, nobhohene obhohanshani na ghara ghana orobhoti uruya eno na ghara ghakutunwa kukumibhwe. 9 Moghakore amang'ana gha mweghire, ghara mwaronshe ghara mwighure na ghara mwaronshe kuoni na omonene weito wobhohoru narabhe na bhento. 10 Neno ubhuya bhokong'u na kobhenyu komonene kobhora bhenyu muorokeri ghwiki inyonta okohanghareka kwenyu komatomero ghane. Kobhohene hayo mbele mwaighombire kutugha komatomero ghane nokanyora temwanyore mweya okotorya. 11 Tengambe igho kobha nyore Kiristo igha matomaro ghane. Kobha neghire koterema na ubhwera bhonswe. 12 Nemanyire komenya kubhwera ubhuokosoherwa nokobha kubhwerwa nokobha kubhwera nokobha na ibhyaru. Kobhora amanenyo ghonswe ghano oni neghire ikibhisire kobhono namna yo korya ekagha yo mweghotho na bhono yokoryo enkangha ya mweko, Igha ye bharu nokobha na matomaro. 13 Ndatora kokora ghano kokotoribhwa na Yeesu anyengeri shinguru. 14 Hata igho mwakore bhuya kobhamwe ne oni kotabhu yane. 15 Bhenyu Wafilipi momanyire igha mbele righano hano ryatanoye Makedonia isengero terehohe renoryakore komang'ana ghano hang'i kurusia na kunyora nokobha bhenyu obhene. 16 Hanonale Thesalonike, bhenyu mwandekereye okotorya bhokong'u kamwe kamwe kokobha amatomero ghane. 17 Tekokora igha ndatuna montori nokobha ndaghamba no kobha nyore shehagho ghano ghalete ehorohoro kobhenyu. 18 Nyore ebhento byonswe na bhono nishoribhwi na ebhetho ibhyaru, nyore ebhato bhyenyu kurwa ko Epafradito. Ne bhetho ibhiya bheno bhikunyokera mithiri ighya ubhuya hene bhikwikeria bhwa bheno bhyonswe no namituho gheno ghi kwikoreribhwa na Waryobha. 19 Kobhuyo Waryobha wane narabhishori omatomero ghenyu kobhwame bhohogore bhwaye kokohetera Yeesu. 20 Bhano ko Waryobha na tata weito obhe obhoghore kuya iyo na koghenderia ebhe igho 21 Amakeryo ghane semohekere omo sabhari Kiristo Yeesu. Abhahanshani bhano nenabho hano bharabhakeria. 22 Hata abhasabheri bhonswe hano bhabha kerania bhora bhimihi ighya kaisari. 23 Bhono enonkwe ya omonene weito Yeesu Kiristo abhe na koro syetho.