1 Abasubi na bangongori bano balweleye Yerusalemu mbakomaini na bakamwinalawe. 2 Mbaloshe igha kobhegibwa baye mbaleye omogate komaboko na bono getogibwi. 3 (Ko basubi na Bayahudi bonswe te bakolya bataisabile amabhoko gabobuya hee. Balagotera imila yabhoo. 4 Abasubi hano barwa momotela tebalyanga he mbaka baisabe, kona imigiro geno geno batatumanga, kya ukuongya ebekombe, amasora, ebento biebegela. Ni ibitumbe beno kwikala bulalya.) 5 Abasubi na abang'ori mbabori Yeesu, "Nkwake abegibwa baho bata kutuna kwega imila ya baghaka, kwake bakorya emaghate batai sabile amabhoko? 6 We yabatebeli Isaya yarotile buya ko benyu abanto abanto abangela. Yandikile abanto bano mbasokile kuminywa gyabo. Kasi mose kolo syabo hale sele naoni. 7 Balakora amasabiyo gano gatare na nguru. Hano begya imigiro gya banto kya ukwikerya kwabho. 8 Mtigire imigiro gyane nokogotera imila ya abhantho. 9 Ndagamba halebo mwangile imigiro gyane kose monagi sitimila sinyu. 10 Kobhono Musa yagambile mosoke tata na mayo na ono akaghamba kusuwabo au kunya kuwabho na alakwe. 11 Igha mlaghamba hano omonto akogamba kusuwabo na hale nyakuwabho, "Aimituho gyogyonswe geno mokanore kulwa haloni igha gebe igya risengero iyo ni egangilwe ko Waryobha. 12 Temo kole eng'ana yoyonswe igho tata ataikerei hee namayo hee. 13 Molakola umigilo gwa Waryobha kobhabushwa. kokoleta simila syenyu na amang'ana agande agaigo molagakola. 14 Yababelekeye ikikalo no obatebia, "Motanyigwa oni, bonswe igo mwigwe. 15 Tegento kelalwe kebala yomontho keno ke mnyakuhi hee omonto yasoha waye kela kikumlwa nkyo ikyo kikumnyakuhia. 16 (Omohe orokara hano olanyore omonto wowonswe ana amatwe aigwe muyo amang'ana aganyuma gale. 17 Yeesu hano yabatigile kusikano na akaya mwigutu lyaye abega baye bakamoborya itubaniyo. 18 Yeesu akagamba, "nabenyu tomola manya hee. Temokomaha igha keno kyonswe kekosohera omonto itii ku mnyakuhia hee, 19 Tikiweze kuya kokoro ya monda nkosoha kele na kelamala kelaya mokebanyo." komagambo gano ga Yeesu yabekora ibyakolya byonswe kobha bhuya na ibhikonu. 20 Yaghambile kulwa komonto ikyo kikumnyanku hiya. 21 Ko bhono keno kikulwa komontho kebala yenkolo amahengero amagogo, ubushema, ubwibii, ubwiti, 22 Ubhohosi hosi, amaitegero, amaghogho, okong'aina, olalana, lihali, amatoki, ubwihemi no bhokangi. 23 Amaghogho ghano ghonswe ghanwe mose ng'oghala ghakushafula omonto." 24 Yalule hala akaya korong'o ulwa Tiro, Sidoni yasohile muwighutu tiyatunile moto amanye hee. Iga yale hayo iga tiyatorehe. 25 Igha omokali ono yale no omona waye omoke yale no moyo omoghogho yaghule amang'ana ghaye akasha na akagwa ko magoro Ghaye. 26 Omokali uyo numuyunani yale wa bakabila ba kifoeniki akamokania igha we arugi lisambwa kulwa komohala waye. 27 Yeesu akatebya omokali, "Tigha abhana bhalaghilibwi kangata. Igha tibhuya hee okoghegha omoghathe ghwa bhana hee no okolekela sese. 28 Omokali akamotebya nigwe omonene esese mwilungu liemesa nkolya ele. Ebesansa byakorya bya abhana. 29 Akamotebya kobhono oghambile igho kai lisambwa lilule ko omona waho. 30 Omokali ola akalinga waye akanyola mohala waye alaye kobore na lisambwa akanyola lilule 31 Yeesu yalishokile kolong'ongo ulwa Tiro na akahetela Sidoni koghela kunyansha ya Galilaya akaheta olabaleia ulwa Dikapolisi. 32 Akaleta omonto ono yale umukilo tiyale koghamba buya hee, bakamosabha Yeesu alole amabhoko kigholo yaye. 33 Yamrusiri kobhanto abharu likomo bukirikiri akatola ibiala byaye ko matwe ghaye na hano ya mtweleye amate yaghotile ololeme rwaye. 34 Akamahara keghoro kwisaro akaheshera akamotebya, "Efata, "Bhuyo nokoghamba, "Igha maha!" 35 Ne enkagha iyoiyo amatwe ghakaigwa keno kyakanianga ololeme ikyasalibwi na akaghamba buya. 36 Na akabhatebya igha batakatebya monto wonswe igho hee. Kobhono yabhatebheli nigho bhalalikile kubwalu. 37 Igha mbalogole nokoghamba akore bhuya. Akore ebento bhiyonswe bhuya aghere abhakilo bhaighule na amamumu ghaghambile."