1 3 Akathanora kurwa hayo kukuya kurwa hayo kukuya kumughi gwabho, na abhega bhaye bhakamurwa nyuma. 2 Urusiko urwokosabha hanorwahikire akathora kweghya kunyumba iya okosabhera abhanto abharu bhakamwighwa bhakaroghora. Bhakaghamba, " Hanyore amaghya ghano? Nesoko ke eno yahaywe? Arakora iyake amang'ana ghano agha eroghoro keno komabhoko ghaye?" " 3 Kana ono thora yakoranga ebhento omona uwa Mariamu ubho Yakobo, Yose, Yuda na Simioni? Na bhaisike bhabho mbamenyire hano hamwe na bheto?" Nathabhaighure bhuyahe na Yeesu. 4 Yeesu akabhathebhya, "omorothi thabhore esoko, kosi nkumughi ghwaye kobhantho bhabho na munyumba yaye." 5 Thiyathore kokora ekereghoro hayo he kasi yabhathoreye amaboko abharoye abhake akabhatorya. 6 Akaroghoribhwa kubhora yathokire wabho gwiki akaya mubishishi ibhya hang'i akabhaeghya. 7 Akabherekera abhegha bhaye ikomi na bhabhere akabhathoma bhabhere bhabhere. Akabhaha shinguru ighoro iya amasambwa amaghogho. 8 Akabhathebhya bhathakaghegha keno kyonswe hano bhakuya kasi bhagheghe inyimbo iyene bhathaha hatha shehera mumifuko ghyabho. 9 Kasi bhafare ebheratho na thashengansho ibhirehe. 10 Akabhatebiya inyumba eno yonswe morasohe mwikare haya mpakarono morethanora. 11 Umughi ghonoghonswe ghothare bhaturung'ana na okobhaigwa, mothanore harebho mwiyeye urutho urwa amaghoro ghenyu naghabhe ikyoryo kyo harebho. 12 Nabho bhakaya bharaghamba abhantho bhatige amang'ana amaghogho aghabho. 13 Bhakarughiya amasambwa amaru, na bhakabhahaka amaghuta abharoye nabho bhakahwena. 14 Omokama Herode hana yaighure ghayo kobhora irina irya Yeesu okanyora remanyekaini bhokonghu. 15 Abhande bhakaghamba, Yohana omobhatebya aryokire na kubhigo nshinguru isya ekeroghoro kerakora emeremo mwaye umwene. Abhande bhabho bhakaghamba, "Igha uyo ne Eliya, abhande bhakaghamba ono nomorothi kya amwe uwa bhara abharothi abhakare. 16 Kase Herode hano yaighure ghano akaghamba Yohana, ono nabhothoye omothwe aryokire? 17 Kobhora Herode umwene akathoma Yohana aghothwe yamobhohire munyumba iya aragha kobhora Herodia ( Omokari uwa mura waho Filipo) Kobhora newe yanothethire. 18 Kobhora Yohana yathebheri Herode, "Thibhuya okothetha okari uwa mura wenyu. 19 Kase Herode akawansa komoregha nayare kuthuna amwithe na hathaigho thiyathorehe. 20 Kobhora Herode yamwobhohire Yohana yamanyire igha nomonto uwobhohene na obhohene bhono bhokere bhiyonswe nawe yamtighire amohoru. Nahano yaghendereyi kumwitheghera akanyora amabhe bhokong'hu na yashomeywe ukumwitheghera. 21 Hana yagheye ikuhika ekagha kanyora ruhikire urusiko urwa ukwe bhorwa Herode akabhathebhya bhano bha sheghosira akabharareka kubhyakorya na abhasirikare, na abhathangathi abha Galilaya. 22 Neho umwiseke uwa Herode akasoha kubhina kobhombere bhwabho akamshomerya Herode hamwe na abhagheni bhano bhaikaye enkagha iya ibhyakorya omoghorobha. Neho omokama amothebhya umwiseke. Nthebhya kenokyonswe ukuthuna naoni nendakohe. 23 Akamthiane na okoghamba kenokyonswe orathune nendakohe hata inusu iya ebhento byane. 24 Akarishoka kebhara akabhorya nyakwabho, nke ndasabhe akaghamba omothwe ughwa Yohana omobhatisya. 25 Akasoha akaya komokama akawansa koghamba, ndathuna ong'ane mosahani, omothwe ughwa Yohana omobhatisya. 26 Omokama akaroghoribhwa bhokonghu kasi kobhora yaghambire, umwene akamthianera kobhagheni thiyathore kwanga he amasabhi ghaye. 27 Omokama akathoma abhasirikare kobhara bhakorenda na akabhathoma kuya koretha omothwe ikya Yohana. Omorendi akaya komokenga omothwe orenge mokebhohe. 28 Akarentha omothwe ghwaye kosahani na okohana umwiseke na umwiseke akahana nyakwabho. 29 Abhegha bhaye hana bhaighure igho bhakaya koghegha omobhere bhakaya kubheka mubhwina. 30 Na abhathomwa, bhakakomana hamwe kobhombere ubhwa Yeesu. Bakamothebhya ghonswe ghana ghakorwe na ghanobhegheri. 31 Nawe akabhathebya, " Mushe abhene ahase hano hathana kithuri na ukumunya konkagha." Abhanto abharu mbare kusha nokothanora na thebhanyore umweya ughwo korya. 32 Bhakarina amathughi bhakaya ahase hano hakire abhene. 33 Kase mbharoshe bharathanora na abharu bhakabhamanya, kobhomwe mbakenyire na amaghoro kukurwa kumighi ghyonswe nabho bhakahika bhara bhatharahetha. 34 Hano bhahikire munyansha akamaha abhanto bhaishoye akabhabhera kobhora bhare kya amang'ondi ghano ghathano omoresya.Gwiki abha arabhaegya amang'hana amaru. 35 Inkagha hano yaghendereyi abhegha bhakamweshera bhakamothebhya, " hano nahase ahaiya hano hakire na enkagha egheye. 36 Obharaghe bhaghi mumighi gheno gehang'i kori bhaighore ibhyakorya." 37 Kase akabhathebhya na okoghamba, "mobhahe bhenyu ibhiyakorya." 38 Bhakamothebhya, Thorathora kuya na koghora emeghate ethano na shinswe ibhere. 39 Akabhatebhya abhanto bhaikare amakomo ighoro komanyanki mabhese. 40 Bhakabhaikarya komakomo; amakomo agha amaghana na emerongo ethano. 41 Akaghegha emeghathe ethano na shinswe ebhebhara bhibhere akamahera muryobha. Akaghesabhera akamara akabhana abheghya bhaye kobhanto. Gwiki akathwena shinswe kobhanto bhonswe. 42 Bhakarya bhonswe mpaka bhaighota. 43 Bhakakoma bhera bhyathamire ibhya emekathe bhekaishora mobento ikomi na bhibhere na shembara ishya shinswe. 44 Mbhare abhashasha ebhekwe bhithano bhano bhareye emekathe ghera. 45 Akabha thebhiya bharine ubhwato bhayi ahase hande mbhaka bethisaida, inkaghoiyo akabharagha irikomo. 46 Hano bhare bhamare kothanora akaya munguku kosabha. 47 Hano yabhaye omoghorobha ubhwatho enkagha iyo ghathe munyansha nawe numwene yare hanse. 48 Yabharoshe bharaha na shengahi kobhora omokama mwarughware hano yahekereye inkyo akabhagerera akaghenda komanshe na yathinanga kubhahethera. 49 Hano bhamoroshe araghenda komanshe bhakaghothwa ubhwobha bhakamanya ndisambwa bhakakora ikithuri. 50 Kobhora bhamoroshe bhakaishorwa na ubhwobha, akabhashumanshiya akabhathebhya mothakaobhoha noni. 51 Akasoha mubhwato omokama ghokakira nabho bhakamoroghora kemwe. 52 Hayo thebare bharamanyerya ko meghathe ghera, kobhora obhongo bhwaye bhwabho mbona obhomanyi bhoke 53 Nabho hano bharobhokiri humbu bhkahika ikyaro ikya abhagerasi ubwatho bhokaimeribhwa. 54 Hano bharishokire kebhara bhakamomanya. 55 Bhakakenya kuhira amaghana kosheng'ong'o rwonsweigho bhayabhararetha abharoye kokobhageghera komashera hano bhaighwanga arasha. 56 Hano honswe yasohire muvishishi kase mujini kase mukyaro mbhathore abharoye mushiro bhakamosabha abhaikereri bhamoghote orobhara urwa ingibho yaye na bhonswe mbamoghothire bhakahwena.