1 Na gwiki nasohire mwisengero monse na mda yare omonto ona yana okobhoko okobhoru. 2 Abhaanto bhande bhareho abha moronderi agha kobhohage komahanga arahweni bhuri urusiko ro bhotoro ekabha igha bhmushongere 3 Yeesu akatebhia omonto wokobhoko okobheru, " emoka na wimere katekate ya bhanto bhano." 4 Akamara akabhalabhia abhanto igha bhohene okokora eng'hana ishiya urusiko ro bhotoro au kokora ghano ghatakohonia omamenyo au ukwita?" Bhono bhakasagha bhakire. 5 Akabhamahera kwa korera na kobhabhayera kobhora Waryobha wekoro yabho na ukatebya omonto ora ghorokia okobhoko kwaho. Akakoghorokia na Yeesu akamuhwenia okobhoko kwaye. 6 Abhakana kana bhaya kebhara nabhakokora obhokana hamwe na Maherode kowe igha bha mwite. 7 Yeesu akamara hamwe na abhegha bhaya bhakaya kunyansha na abhanto abharu bhwa bhanto bhakamoghera kurwera Galilaya na Uyahudi. 8 Nukurwa Yerusalemu nukurwa Idumaya na mbele ya Yordani na omohage waye Tiro na Sidoni, ekomo enene, hanabhigure kera ekento akaghegha akakekora, bhakasha kowe. 9 Naakabhatebhya abhegha bhaye kotora hagi ubhwato obhoke kowe kobhora ye ekemo ya bhanto, okobha bhata eshe bhamsugutore. 10 Kobhora yahweneri bharu nokobhakera omonto ono yare na inyanko yare ni nyonta ya komahekana hata amoghote. 11 hano emekama emeghogho hano ghye moroshe, bhakagwa hanse mbele yaye nukukura na bhakaghamba uwe no mona Waryobha. 12 Akabhateebhya kwa bhoru tebhya kakora omanyerekanye he. 13 Akaya ighoro munguku, akabherekera bhara yatunanga kowe. 14 Akabhashaghora ikomi na bhabhere (bhano ya bherekeye abhatomwa), Okobha babhe hamwe nawe atore kobhatoma kuya kwegya. 15 No kobha na shinguru syukurusia masambwa. 16 Na akabhasaghora ikomi na bhabhere Simon,i ono yahaye irina rya Petero, 17 Yakobo omona wa Zebedayo na Yohana muhiri wa Yakobo, ono yahaywe irina rya Bonagesi, bhayo na bhano bha Ngurumo, 18 na Anderea, Filipo, Batholomayo, Mathayo, Tomaso, Yakobho omona wa Alfayo Thadayo Simoni mkananayo, 19 na Yuda Isikariote, ono aramwange. 20 Akamora akaya yeeka na ekomo ya bhanto bhakasha hamwe gwiki, na tebhareye hata omokate he. 21 Umughi gwaye hano gwaigure igho amang'hana ghayo bhaya komoghota, bhakaghamba igha, "Ashuree maiteghero". 22 Abhandeki bhakashakurwe Yerusalemu bhakaghamba, "aghotirwe na masambwa" na, komokama wa masambwa alarusya amasambwa. 23 Yeesu akabha bharekera kowe na akaghamba nabho ko kobharengeria. Nokobha ke risambwa aratora kumrusya erisambwa. 24 Nyore obhotawala bhunyeraghana ubhwene obhokama bhono tobhotore kwimerahohe. 25 Nyora inyumba ni nyaragana iyene inyumba iyo tiyemere he. 26 Nyore risambwa ndyemoka nyuma yaye umwene nu kunyaraghana tatora kwimera na noranyore ahikire omokomo gwaye. 27 Okobha taho hata omwe aratora kosoha munyumba ya omonto mwene nguru nukwibha ebhento atabhire umwene shinguru mbere, na kobhora okokoma keno kemo munyumba. 28 Obhohene ndabhatebhia ekebhe byonswe ibya bhanto bhera bherwe hamwe nokosarya seno bhakoghamba. 29 Okobha ono wonswe arasari enkoro ehoreru ataryabherwa hata kamwe, nokobha narebha na ekobhara kye bhebhe kuya iyo" 30 Yeesu yaghambire ghano kokobha bhare haghambaga, "ana mekama emeghogho" 31 Bhakamara yakuwabhi na bhahiri bhaya bhakasha na ukwimera kebhara bhakatoma omonto komobherekera. 32 Naekomo ya bhanto bharengeho bhaikaye hang'i nawe bhakamotebya, "nyakwenyu na bhahiri bhabo bha kebhara na bharakutuna uwe". 33 Akabhatebhya nawe mayo na muhiri wanne? 34 Akabha mahera bhano bhai kaye bha mwinare akaghamba, "momahe bhayo mba mayo na mahiri bhane . 35 Wonswe wonswe ono akokore amaiya agha Waryobha omonto uyo muhiri wane na mohara weito na mayo wane".