1 Hano yaakyoore Kaperenaumu sinsiko nke, igho bhakamanya igha yeeka aare. 2 Abhanto bhaaru bhokong'u bhaikomaini mweya tighwaarehohe ghwiki kuura mokeseeku, Yeesu akaghaamba nabho eng'ana. 3 Abhanto bhaande bhakamoheera omonto ono yaroora yamitira akagheghwa na bhanto bhane. 4 Hano bhakeerwe kumuhikwa kukughira kwa bhanto abhaaru bhakahanyora orosara haara yaare. Hano bhamaare kono bhoora ribhanga bhakaitumia obhoore bhoora omonto ono yamitita yarureye. 5 Hano yarooshe ughwikeerya kwabho, Yeesu akateebhya omonto oora yamitita, " Mona wane, ebhebhe bhyaano bhyabheeywe. 6 Kasi abhang'oring'ori bhande bhakaibhoorywa mosenkoro syaabho. 7 "Omonto ono iyeke okokora ?araghambaigho, arasarya! Nawe akotoora kwabheera ebheebhe atare Waryobha umwene?" 8 Yeesu akamanya keno bhakwihitiirya mosenkoro syaabho abheene akabhateebhya kwake mukwitegheera igho moghenkoro ghyeenyu? 9 Ndeehe rihoho bhokoong'u koghamba igha omonto yamitita, 'ebhebhe bhyaho bhyaa bheeywe' kasi okoghamba emoka ghegha obhoore bhwaho oghende? 10 Kasi bhamanye igha omona uwa Adamu naona obhotongebhu kwaabhera ebheebhe mokebhara, akateebhya oora yamitita. 11 "Ndakoteebhya uuwe , emoka ugheghe ekoragho kyaano oghende wenyu." 12 Akaimeera kamweigho akagheegha ekeragho kyaaye, akahoroka kebhara bhoroonge kho bhaanto bhonse, bhakaroghoora bhakamohana Waryobha obhohoreeru bhakaghamba "Tutwakarooshe eng'ana kyaeeno. 13 Gwiiki akaya mbareka iya inyansha, rikomo rya abhanto bhaaru bhakaghenda ho, akabhaeghya. 14 Hano yaheetana akamomaha Lawi omona wa Arifayo aikaye ahase aha okotobhera righoti akamotebhya, "Insho." Akaimeera akamuurwa nyuma. 15 Enkagha eno Yeesu yaragheranga mumughi ghwa Lawi, abha tobhi bha righoti bhaaru na abhanto bhebheebhe bhasanganga na Yessu na abheeghya bhaaye ko bhoora bhaare bhaaru bhaka murwa nyuma. 16 Enkagha abhang'oring'ori, bhano bhare abhafarisayo, hano bharooshe igha Yeesu yarekosanga na abhanto bhe ebhebhe na abhatobhi bha righoti, bhakateebhya ebheghya bhaaye nkukughira ke akosanga na abhatobhi bha righoti na abhanto bhe bhebhe? 17 Hano Yeesu yaighure igho akabhateebhya, abhanto abhanooru omobhere tebhakutuna korerwa he, abhanto abharooye mbo bhakareerwa. Tenasha kobhorekeera abhahooru he, mbano bhaana ebhebhe 18 Abheeghya abha Yohana na amafarisayo bhaghiranga okorya. Abhanto bhande bhakaya komoteebhya, "kwaake abheeghya bha Yohana na amafarisayo bhakughira koorya? kasi abheegya bhaano tebhakughira korya he. 19 Yeesu akabhateebya bhano bhaaya mu bhweenga bharatora kughira korya enkagha omoghabhori akeeho hamwe nabho? Bhwobhwonse omoghabhori hano ahohamwe nabho tebhatore kughira he. 20 Kasi ghinsiko ghirisha hano omoghabhoori areheenibhwaho sinsiiko siyo no bharighira koorya. 21 Omonto tahohe aratume umwenda omohya atoore kwitati righootu. Ekeehya nkerahara toke kurwa kuritati righotu. 22 Omonto tahohe ono oratore amarwa amaiya mobheghansha ebeghotu, amarwa ghayo ngarabhondore ebheghansha bhiyo. Bheeka amarwa amaiya mobheghansha ebhehya. 23 Urusiko urwa sabhato Yeesu yaheteye momeghondo, abhe gya bhaye bhakaghesa ebheghara. 24 Abhafarisayo bhakamoteebhya, " Maha, nkwaake bhakokora haghare nu umughiro urusiko rwa sabhato?" 25 Akabhateebhya "temweghibhwi keno Daudi yakoore hano yaare nu umweko umwene na abhanto bhano bhabhanga hamwe? 26 Bhuyo yagheeye mwighutu irya Waryobha enkagha Abhiathari yareenga omusubhi omonene akarya ibhyakurya bheno bhyatoorwe bhoronge bheno bhareenga umughiro komonto wowonse kutigha abhasubhi- na yabhahaye na bhandi bhala bharenge nawe?" 27 Yeesu akaghamba esabhato yakoorwe ko abhanto te abhanto ko sabhato he. 28 Ko hayo omona uwa Adamu no omonene kohetera esabhato.