Ekheseku 1

1 Bhono mbo obhotangi bhwa eng'ana inshiiya iya Yeesu Kiristo, Omonene wa Waryobha. 2 Kya bhoora yang'oorwa no omoroti Isaya, "Maaha ndamoreeta umushama waane ko obhoroonge bhwaaho oomwe ono araseemi enshera yaaho. 3 Engamba iyo omonto erabhereke era mwikongo, momarisiri enshera iya omonene, morongehi senshera syaaye. 4 Yohana yaishire akabhatiisya mwikongo no okoragheerya obhobhatisyo bho amabheera gha ebheebhe. 5 Ikyaaro kyoonse kya Yudea na abhaanto bhoonswe bha Yerusaremu mbagheeye koowe, bhabhatisibhwaga mo omoghera ghwa Yorodani, Kwiighaamba ebhebhee bhyaabho. 6 Yohana yatoraanga ingibho ya amashooya ghe ngamia na orokobharwa risero mobhokeende, yaragheranga sinshiribhanshe no obhooke 7 Akaraagheerya na akaghaamba aho omwe araasha nyuuma yaane uwasinguru bhokoong'u kokera oni tena bhwera bhwa kutoora kuura ukwiniinya hanse na ukunyonyooghya ebheraato bhyaaye. 8 Ooni nabhabhatisiri amaanshe kose umweene arebhabhatisya na enkoro ehooreeru. 9 Siinsiko siyo Yeesu yaishire kuurweera Nazareeti iya Ghariraya, akabhatisibhwa na Yohana momogheera ghwa Yorodani. 10 Enkaagha eno Yeesu yainyookire kuurwa moomanshe yarooshe risaaro ryahokaini na enkooro eraika hanse kighooro yaaye kyi nguuti. 11 Ne engaamba ekaarwa kighooro nuuwe omoona wane omoghoonshe. Ndashomeerwa bhokong'u 12 Kwiiki kamwe igho enkoro ekamoha meerya kuuya mwikongo. 13 Yaikaayeyo mwikongo iyo ghinsiko emerongo ene, arateemwa na risaambwa. Yareenga hamwe na ghityeenyi ghya momasaka na abharaabhu bhara mwangara 14 Yohana hano yaghotiirwe, Yeesu akaaya Ghariraaya akaraghania ring'ana irya Waryobha. 15 Akaghamba, enkagha ihikiire obhokama bhwa Waryobha haang'i bhoore mwighambeeri ebhebhe nu ukwikyeerya eng'ana. 16 Akaheeta haghare yi nyaansha iya ghariraaya, akamaaha Simoni na Anderea muura waabho bharaghokoora ghiinswe. 17 Yeesu akabateebhya "Muushe toghende ndabhakoore mobhe abhaghokoori bha abhaanto." 18 Kamwe igho bhakatigha haayo emetegho ghyaabho bhakamuurwa nyuuma. 19 Enkaagha Yeesu hano yaghendire hakiigho, akamaaha Yakobho muura wa Zebedaayo na muura waabho Yohana bhareenge mu-bhwaato bharasobhoora emeteegho. 20 Kamwe igho akabhabhereekera bhonse bhakamutigha suwaabho Zebedaayo mubhwaato na abhakoori bhe mereemo, bhakamurwa nyuuma 21 Hano bhahikiire Kaperinaumu urusiiko rwa sabato Yeesu akasooha mwisengeero kweeghya. 22 Bhareroghooore iryeeghyo ryaaye ko-bhoora yeeghyaanga kyo omonto ono ana obhotonge taarenge kya abhang'oori. 23 Enkaagha iyo iyo mwiseengero muuyo yaaremo omonto ono yaana amasaambwa akakoora ikituuri. 24 Akaghamba, nke tukutuna kokoora nauwe Yeesu uwa Nazareti? nenkomanyire nuwe ushire kotosarya? Nkomanyire nuuwe omohooreeru umwene uwa Waryobha. 25 Yeesu akahameera risaajmbwa akaghamba "Kiira uurweemo" 26 Oghosaambwa oghoghoogho ghokamoreekera hanse ghokarwa mo ghorakuura ko ngaamba iya ighooro. 27 Abhanto bhoonse bhakaroghoora bhakabhoorania kyu uwoomwe, "Keno nke? Ireeghyo reehya irya obhotonge? Arahameera amasaambwa amaghogho ghara mosooka. 28 Amang'ana ghaaye kamweigho ghakanyaraghana hase hoonse ko orobheeri urwa Gariraaya. 29 Kamwe igho hano yaruure mwisengeero, bhakasoha mumughi ghwa Simoni na Anderea bhaana Yakobho na Yohana. 30 Nyakubhyaara waabho Simoni morooye wa rikubha yaare alaye kamwe igho bhakamoteebya amang'ana ghaye. 31 Akaaya, akamoghoota okobhoko, akamwinyookya kighooro, rikubha rekahwa, akabhahensheera. 32 Ko omoghoroobha ghuyo iryoobha reghooye, bhakamoreteera abharooye bhonswe, bhano bhaana amasambwa. 33 Umughii ghoonse bhakaikomania hamwe mokeseku. 34 Yabhahweneri bhaaru abharoye bha amarooye haghare haghare, akaruusya amasambwa bhaaaru, tiyikereeyi risambwa kushumasha ko bhoola mbamomaanyire. 35 Akabhooka momakeera ikisuunte kekeeho, akaya ahase ahahoreeru kusaabha. 36 Simoni na bhoonse bhano bhareengaho bhakaghwa kumutuna. 37 Bhamunyoore bhakamoteebya abhanto bhoonswe bharakutuna. 38 Akabhateebya togheende ahase hande ahare hano ha kwinara, orobheeri ngeende kuraghania iyo nkyo kyande tire hano. 39 Akaaya kohetera Ghariraaya yoonse, araraghania momaseengero ghabo no okohameera amasambwa. 40 Omoghenge omwe akayaho. Akamosasama akamotemera ibhiru akamoteebhya, " Nyoore oratuna, onkore mbe bhuuya." 41 Akaaghoootwa na amaabhera Yeesu akarongehya okobhoko kwaaye akamuukunia, akamoteebhya, " Ndatuna obhe bhuuya" 42 Kamwe igho obhoghenge bhokahwa yamokoore akabha bhuuya. 43 Yeesu akabhakaania bhororo akamoteebhya aiheni ho. 44 Akamooteebhya, "omanyeeri tokoghaamba ng'ana yonswe yonswe ku wowonse, kose kayi wiyooroki ko umusubhi, na urusi ikimwenso kya bhoora Musa yaraghereeyi, ko kwiyoorokya kwabho. 45 Kose yagheeye akateebhya kera moonto na akatansherya eng'ana bhokoong'u kora Yeesu tiyatoore kosoha morobheri ruuyo bhuiya ghaarohe. Ko hayo akaikara ahase ahakiri abhanto bhakaya ko kukuurwa hase hanswe.