1 Bhono obhohoru obhohene bhono anobhomonto araghanyera ekento nyabhorebhe kobhokere nobhohene ekento keno ke ketara mahwao. 2 Kobhora bhaghuka bhento tebharikeryania ko bhohoru bhwabho. 3 Kobhohoru tomanyire igha ikyaro kyabhombilwe kushinguru ya Waryobha igha kera kekomahwa tekyakorwe kurwa kobhento he bya mahekanaga. 4 Yabhaye kobhora obhohora Habili yamurusiyi Waryobha ikimwenso yu kukwa kokera bhono yakore okobha ekabha igha akakumibhwa kobha omoheene. Waryobha akamkumia kobhora emituho gheno ya retire. Kubhuyo Habili araghenderya koghamba okobha akure. 5 Yabhaye igha obhohoru igha Enoko yagheghirwe ighoro tiyaroshe hoghogho. Tiyaonekaini he. Kobhora Waryobha ya mogheghire kobhora ya ghambirwe ighoro iyo kokobha yashomeye Waryobha atala moghegha ighoro. 6 Tebhehe obhohoru okobhaho kohansha Waryobha kobhola ono akusha ko Waryobha aikeri kushinguru igha Waryobha hware naigha kurusyare imituho kobhara bha kumtumna. 7 Yabhaye kobhohoru igha Nuhu yare igha asomosibhwi na Waryobha okotokana na amang'ana ghano ghatamahakaini kosoko ya Waryobha yakore Esafina kokotoria umughi gwaye. Kokora igho okohokomera ikyaro na akabha omonagia we obhohene eno kusha kohetera obhohoru. 8 Yabhaye igha obhohoru kobhora Ibhrahimu hano yabherekeywe yaikerei na akaya ahase hano yatunwaga koghegha umwando yarureho atamanyire haseke yare kuya. 9 Yare kwa bhuya igha yamenyire kukyaro kya koraghanibhwa kyo mogheni yamenyire mubhigutu na Isaka na Yaakobo ubhumwando bharikyaye abhakoraghanibhwa korakora. 10 Eno kobhora yag'hanyanga kuunyora umughi nghono yaitegheraga na murikyaye ono yare Waryobha. 11 Yare kobhohoru igha Ibrahimu na Sara umuene bhanyore shinguru ukunyora enda nokobhabhare bhaghaka kokobha bharoshe Waryobha kobha omohene, ono yabhatebhili omona wikimura. 12 Kubhuyo kurwa komonto uyo omwe ono yahikire kukwa bhakabhora abhana bhano bhatakobharwa. Bhare abharu kyanghi nyonyori isya ighoro na abharu kya shetetere syo mosense kegegeni ye nyansha. 13 Bhayo bhonswe bhakure ko bhohoru bhatonyore keraghanyo no kobha bhaseroshe no kosetemera karibhu kwa haree bhai keri igha bhaheti bhare ighoro yikyaro. 14 Kobhora bhakoghamba amaghana kama ghayo bharaghatora kebhara kutuna bhare ikyaro kyabho abhene. 15 16 Singa kwiteghera bhare ikyaro keno bharure. Singambana umweya ghukukyora. Bhono bhano bhorenge bharaighomba ikyaro keno kerenge ikiya keno ikya ighoro kokobha Waryobha takomaha soni kobherekerwa Waryobha wabho, kokobha yabha kora umughighwabho. 17 Yabhaigha kobhora obhohoru ubhwa Ibrahimu hano yamarare kotemwa yarusiri Isaka igho we yayagheghere kuubhuya omoraghania. Akarusya omonto waye umwene mwene. 18 Ono yare ighoro yaye umwene ghkaghambwa. Kurwa Isaka kurwerobhoro rwaye rokabherekerwa. 19 Ibhrahimu yamanyire igha Waryobha yare na shinguru kumorokya Isaka kurwa kobhaku, na ukushumansha kokeghambo kya kumubhisa akaikeria. 20 Yabhayeigha kobhohoru igha Isaka akamuhuha Yakobo na Esau komang'ana ghano ghakunsha. 21 Yabhayeigha kobhohoru igha Yakobo hano yane nehari ya ukukwa akaakahuha kera omwe wa abhana bha Yusufu. Yakobo akahighama akaiseka ighoro ya nyimbo yaye. 22 Yare kobhohoru igha Yusufu enkagha yaye ya muhiko ihikire hang'hi, yashumashire kighoro kurwa kobhana bha Isiraeli Misiri na okotebhia koghegha na maghuha ghaye. 23 Yare kubhohoru igha Musa hano yebhywe, yabhisirwe kumieri tatu na bhebhuri bhaye kobhora bhamoronshe no mona omonke ono yare umuya, na tabhabhoheribhwi na shinguru syo omokama. 24 Yare kobhohoru igha Musa hano yare monto mokoro, yangire kobherekerwa omona wa mohara wa Farao. 25 Nyakara yaye akashaghora kobha hamwe inyanko hamwe na bhanto bya Waryobha Nyakore kushomerwa na ubhuya bhwebhebhe kobhotambe. 26 Yaiteghereye sesoni isio korondia Kiristo igha mbwame obhonene bhokong'u khetera emongo ya misiri kokobha ya moghoye amaiso ghaye kumituho gheno ghikusha. 27 Yare igha kobhohoru igha Musa yarure Misiri. Tiyobhohire korera ko mokama kobhora yaghomereyi kokomaha koona ata komahekana. 28 Yabhaye igha obhohoru igha akaghonta Pasaka nokosamsa ajmanyinga igha ghasari oryero bhoro rwe mbele rota kamkunia abhebhorwa bhambere ibhiki shansha urwa ibhaisrael. 29 Yabhaye igha obhohoru kokobha bhahetire kunyansha ya shamu kama ikyaro ikyomo. Enkagha abha Misri hano bhatunire kohrta bhakamerwe. 30 Yare igha obhohoru igha indighi ya Yeriko rokaghwa hanse kaagha ukwinara sisiko muhungate. 31 Yare kobhohoru igha Rahabu ora omosono tiyare hamwe nabhara bhare abhahene he kobhora atabhakomire abhasiomeria na okobhatugha bhuyo. 32 Ghambe ighake bhokong'u? kokobha enkagha tikwisahe koghana ya Gideoni, Baraka, Samsoni, Yeftha, Daudi Samweli na sya abharaghori. 33 Bhano kohetera obhohoru bhakereobhokama bhakore abhohene bhakaikeria omoraghano bhakanga iminywa ighya shendwe. 34 Bhakarimya shinguru syomoro syareho emihyo bhakahonibhwa kurwa momaroye bhakore bhaye kubhita, nabhaghere abhasirikare bhakakenya. 35 Abhakari bhakaghela abhaku bhabho kokobhahita, abhande banyakibhwi bhataikerei kutighwa bhorangi igha bhanyore konara kobhahita bhono bharenge ubhuya bhokong'u. 36 Abhande bhanyekibhwi kunyonko na okotemwa ee bha bhohirwe no korekerwa mokebhohe. 37 Bhatemirwe na amag'hena bha bhotorwa amatere na imisumeno. Bhaitirwe na emihiyo bhagheye na masero gha mang'ondi na masero gha shembori mbatunanga bhaghenderi na obhoru, nabharakorwa amagogo. 38 (ghano ikyaro ketakutuna kobha nagho), bhara nyakanyako mwikongo na mushunguku, momasana na momaroma ghahanse. 39 Nokobha abhanto bhonswe bhayo bhaikereribhwi na Waryobha kobhora obhohoru bhwabho tebhaikerei kera bharaghanibhwi. 40 Waryobha yatangoreye kotohana eketokeno kyare ikuja okobha igha bhento tebhakatore komarerya.