1 Koobhora emighiro niikiriri kyaamang'ana amaiya ghano ghaghusha ghano ghatange ikenaina. Emighiro tegheho kobhara abhene bhakohekeera Waryobha he na tiiyare kobhasubhi bhaara bhaare kuya omoka komoka. 2 Kuiyo shisubho shiyo teshekakorwe he kokoghera ya abhasengeri tebha kaisabhibhwi hakobhora tebhaamanyire ebhebhe he. 3 kuukughira ya ikemweso keratulurokya ebhebhe bheno twakora omoka komooka. 4 Tereengigha onkomanyinga gha-eghaini naambori kukurusya ikimwenso he. 5 Hano Kiristo yaishire mukyaro yaghambire. 6 Timwahanshire kurusya kasi ibhimwenso, nyakara moseemeri emebhebhe kukughira yaane. Ti-mwaare ghento kukurusya Ibhimwe viso bhya ukusikya kukurusya ebhebhe. 7 Naamare nkaghamba " maaha ndakora bhono ohaanshire Waryobha bhoora yandekirwa kooni". 8 Yaaghambire kyabhono yaghambirwe ighoro hayo. Temohanshere kemwenso, ukurusya 9 ghasi ebhimwenso bya ukusikya kukughira ya ebhebhe tiyashomeeye naiyo kokoreng'ana na Ibhimwenso bheno bhyarusibwi emighiro. Akaghamba hanonde kokora ubhohanshi bwabho akashabhe amang'ana ghano ghareho aghambere koori akongi aghakabhere. 10 Koobhorenge bhwakabhere Waryobha yatuahora kokohansha kwaye, kokohete kokoirusya omobhere gwa Yesu Kiristo kamweigho shenkaanga shonswe. 11 Maheene omokama nwimeerare kokora emeremo nsiko shonshwe arakora ibhimwenso bhonsyo bheno bhetakotora kurusya bheito. 12 Kasi nyakara Kiristo akokora ikimwenso kurusya ebhebhe makora ghonswe. Akaikara bhoryo bhoryo bhwa Waryobha. 13 Akaghanya abhabhisa bhaye bhatoorwe hannswe bhakorwe ibhitumbe bhyaamaghoro ghaye. 14 Konshera emwe iya ukwiirusya yabhakikya makora ghonswe kobhaara bhahorwa khobha amaghoro. 15 Twabha na umwika omoohoreeru kobhoora yaghambire mbere. 16 Eno siimuma eno ndakore hamwe nabho kushinsiko sha kare. Yaaghambire omonene: Ntatora Emighiro ghyane moshekoro shenyu nda ndeke emighiro mobhong'aini bwenyu 17 Akaghamba ghwiki. Tebharihita ebhebhe naamakoro ghabho amaku. 18 Bhoono ahase kukwabhera bhano gwiki kimwenso tekenole kukughira ya ebhebhe. 19 Kubhuyo tona obhokare kosoha ahase ahahoreru bhokong'u komanyinga gha Yeesu. 20 Eno neyo enshera yaighora kukughira yeito na konshera ya omoobhere ghwaye, omohooru omohya eno ekohetya umwika. 21 Kukughira tonawe umusubhi omonene ono arenge ighoro ya inyumba ya Waryobha. 22 Tumuhike haang'i komioyo ghyaheeno gheno ghihikire nukukumya gheno ghiminshiribwi ubhuya kukurwa obhoghogho ubhugwikerya emebhereghyeto ghisabhibwi amanshe amarabhu. 23 Bhono toghooteere bhokong'u kukuhighama nobhokare na oghukere gheito nu kwanga kusorya kukughira ya Waryobha ono ya kereiyi kobhoheene. 24 Wiki twitegheere kyabhono tora kore tobhahaane shinguru kokohhansha ghokora amang'ana amaiya. 25 Totaghatigha kwikoma hamwe kya bhono bhaghokora abhande. Nyakara tohanane shinguru mashekoro ko bhonswe igho mwaraighwa umuhiko horasha 26 Hano twaghenderi kokora ebhebhe kwabhusheema nkaghaa Wanyoore unyoore tuisa komanya obhoheene, Ikimwenso kyende kya ubhebhe tekeretama he. 27 Nyakara okoghanya okobhotoorwa ikina kya okoroghorya, na obhooro ubhwa omooro bhono bhurisikya abhabhisa bha Waryobha. 28 Ono wonswe akwanga emighiro ghya Musa ngukware naokobhora amaabhe ghokobhora abhaimeereri bhabhere hande bhatato. 29 Uritegheera nkerengereke ikya ubhushibu keno bhaing'areyi bhano bhakosera omona wa Waryobha 30 Ntomanyire ono aghambire igha ikisiyomba ni-ikyane nendahake na wiki omonene narishibhya abhanto bhaye. 31 Ne-eng'ana ya ukwobhohya omonto okong'wa momabhoko gha Waryobha ono arenge omohoru 32 Kasi muhiite sisinko seno shaheta nyakara okohanwa obhorabhu iyake mwaghomereyi obhooro. 33 Mwatorwe aharabhu kwa bhoseri amatoki na inyanko mwasangire hamwe nabhaara bhaheteye inyanko kyaiyo. 34 Koobhora mware na enkoro ya maabhe ko-bhaara wanyore bhabhohirwe, mwashomeywe kuikerya ubhushibhu hono bware umwando gwenyu, momanyire bhenyu abhene igha mona umwando umuya ugwa makora na makora. 35 Motakatabhuta obhokare bhwenyu bhono bhoona ituho enene. 36 Khoobhora mukutuna obhoghomeerya okori myore keno Waryobha yabhhahaye, kukughira ya oghokra obhohanshi bwaye. 37 Koobhora neekagha entambe hake omwe naarisha maheene narisha naarang'o he kuusha. 38 Omoheene wane naramenye kughukumya. Hano ariringa nyuma tindishomerwa nawe he. 39 Kasi bheto nkyabhaara bhakuringa nyuma, nukusika, nyakara bheito naabhande bhano twikerya okorenda shekaro sheto.