Ekheseku 1

1 Paulo omotomwa uwa Yesu Kiristo kobohanshi ubhwa Waryobha hamwe nakera wa thothebheri ikyo obhohoru bhono bhorenge mwa Kiristo Yeesu. 2 Hare Thimotheo omona omoghonshe hamwe nuubhwighwerani kukurwa wa Waryobha thata na Kiristo Yeesu omonene weito. 3 Ndakumiya Waryobha, ono nkokora emeremo ko moyo oghomwe kyabhono bhakore bhatata bhane, hano nahita bhokong'u komasabhi aghane. ubhutiku na. 4 Omobhaso ndihomba kokomaha, kori igha nishore na ubhuya. Nkoghahithande kemwe amaiso ghano. 5 Ndabha ndahitho kibhwa kumukumyo ughwa no kemwe, ghono ghwareho ghikaye mwa ghoko wagho Loisi na nyakwabho Yunis nanena obhohene igha mukumyo ghuyo ngwikaye mwaho hamwe. 6 Eno yoikughira ndakuhithokya koseghere ebhentho bheno onabhyo ibhya Waryobha bheno bherenge mwah kunshera iyo kahabhwa amabhoko ghane. 7 Kobhora Waryobha athathohaye omoyo ugwa ubhuobha kase nughwa ishinguru na obhohanshi nokosokana. 8 Koghayo uthakamahe ensoni obhoghambi ubhomonene weitho hata ubhea ne oni, Paulo omobhohwa waye kasi moghathane inyanko iya amang'hana obhohoru hamwe no bhothori ubhwa Waryobha. 9 Waryobha we yathothori no kothobherekera komberekera iyobhohene. Thiyako igha kureng'hana ne emeremo gheetho nokoreng'hana na keno kethere igha ukinyore na amang'ana ghaye umwene. Yathohaye amang'hana ghana kurwa ku Kiristo Yeesu ghaneghare ghatharabha. 10 Kughira bhono obhothorya ubhwa Waryobha bhwa mara kwighorwa kukusha ko omothorya weitho Kiristo Yeesu. Kiristo newe yaghothorare umwika nokoretha obhohoru bhono bhothakohwa ko ndengari iya engha iyobhohoru. 11 Koghayo na thore kobha omoghambi na omothomwa na umweghya. 12 Koghayo ndanyanka hamwe, hano thenkoma nsoni hee kobhora mmanyire we ano na mare kumwikere. Nena obhohene igha we niothorare kokebheka kella nahaye kurusiko rora. 13 Uhithe amang'hana ghara wa ikereyi okaghaighwa kurwa heroni. Hamwe nu umukumyo no obhohanshani bhono bhorenge hare Kiristo Yeesu. 14 Obheke amang'hana amaiya ghano wahaywe na Waryobha kohothera omokama omohoreru ghono ghomenyire monse yaitho. 15 Omanyi igha bhonswe bhano bhmenyire Asiya mbhantighire. Kwiko reno mbamo Fegero hamwe no Hemogene. 16 Waryobha athori inyumba iya Onesiforo kughira enkagha yende nashomerwanga nawe na thiasakeranga hee ensoni ekebhohe kyane hee. 17 Na hano yare Roma yanthunire kushinguru na akanyora. 18 Waryobha amothori anyore amobhe kukurwa harewe urusiko roora kyabhono yanthoreyi hano nare Efeso, uwe nomanyire bhuya.