1 Na oni bhamura na Bhahaara bheeto tinaghambire na bheenyu kya abhanto kya momokama, kose kya ambanto bha komobheere. Kya abhna abhake ko-Kiristo. 2 Nabhanyweseri amabheere kutiigha inyaama. Ko bhora timware moraabha koorya inyaama hata bhoono temoraabhahe. 3 Ko bhoora bheenyu mba momobhere mokeere, ko-bhoora rihaari na amaiheemo ghano ghakomaahwa ko-bheenyu, bhoono? Timu kwikaara koreng'ana na omobhere, na bhoono, temokogheenda kya bhoonra omonto aare? 4 Ko-bhoora uwomwe araghamba " Oni nda mtuna Paulo, na uwoonde araghaamba ndamtuuna Apolo" temokomeenya kya abhaanto? 5 Apolo nnawe na Paulo nawe abhkori bhee meremo bha oora mwikeerya, ko oora ono omoneene yaaha omoreemo. 6 Oni nemeeri, aporo akahoomeera amanshe kose Waryobha akakiinya. 7 Ku bhuuyo, te ono yameerihe, te ono yahomeereye amanshehe akobha na kyookyoonse kose Waryobha akuiinya. 8 Bhoono ono akweemenya na ono akohoomeera amanshe bhoonswe igho mbareeng'aini na omonto naraahakwe koreng'aini emeremo gheno yaakoore. 9 Ko-bhora bheeto mbakori bha mereemo bha Waryobha toore, Bheenyu ndisiko rya Waryobha na righutu rya Waryobha. 10 Kukuurwa ko enoonkwe iya Waryoobha eno nahaaywe kyo omohaghaashi omonene, natoore imiiri na uwoonde akahaghaasha kighooro, kose omonto abhe bhuuya bhono arahaghasha ko kighooro. 11 Ko-bhora taaho woonde ono aratoore kuhaghasha imiiri ghwoonde kohetera bhokoong'u ghono ghwahaghashwa na Yeesu Kiristo 12 Bhono nyoore uwoomwe weenyu arahaghashako kighooro, ko zahabu seheera, amagheena amaiya, emeete ubhu orosali au ubhunyaanki. 13 Emeeremo gyaaye ngerehonyoorwa obhoraabhu bho omobhaso nguriighoorokya. ko bhoora nikoro okibhwa no omooro omooro ngoreteema ubhuya bhwe emeeremo ghya omwe keno yakoore. 14 Kyookyoonswe keno omonto yahaghasha nkereesagha, we na rehaabhwa bhyaaru. 15 Kasi hano emereemo ghya omoonto ayaasika no omooro, araheeta iigho kosi umweene areetooribhwa kya bhoora ukohoonibhwa mo mooro. 16 Temomanyire igha bheenyu ndi sengeero irya Waryobha, na Igha omokama ghwa Waryobha namenyiire moonse mweenyu? 17 Hano omonto arasarisari risengeero rya Waryobha, Waryobha naramosarisari omoonto uuyo. Ko-bhoora risengeero rya Waryobha ndi hooreru igho na bheenyu. 18 Omonto atakaing'aina umweene nyoore woonswe ghate yeenyu arakaanya igha ana obhong'aini kose nkaagha seeno abhe kyo "omokaangi" ho araabhe no obhoong'aini. 19 Kobhora obhong'aini bhwa ekabhara keeno no obhokaangi kobhroonge bhwa Waryoobha ko bhoora yaang'oorwa. " Abhang'aini nkoghotibwa bhaare kobhokaana bhwaabho". 20 Kwiiki omoneene nmanyiire amaitegheero agha omohaabhu no obhosarrya. 21 Igha monto takaihemeera abhaanto, ko bhoora ebheento bhyoonse ni bhyeenyu. 22 Nyoore Paulo, nyoore na Apolo kasi Kefa kasi ekeebhara, kasi obhohooru kasi uruuku ksai ebheento bheeno kasi bhenobhere bhaho bhyoonswe ni bhyeenyu. 23 Na bheenyu na bha Kiristo na Kiristo nu wa Waryobha.