1 Hano nashire hare bhenyu abhamura na abhaiseke bheto, thenaishire na amang'ana agha okohoyera na obhong'haini bhono naghambagha amang'ana agha obhohene ghano ghaibisire ko Waryobha. 2 Naroshe nthakamanya kenokyonswe hano nare harebhenyu nokanyora Yeesu Kiristo, nono yathorwe komothe. 3 Na hamwe nare nabhenyu kobhoroseru na kubhwobha, na kokoghankana bhokong'u. 4 Na amang'ana ghane ghano naghambire oni thekware kokoghamba ukwo okohoyera na esoko. Nakonyora ngayo ghare, ngare kumworokya omokama ughwa shinguru. 5 Kori ubhukumya bhwenyu bhota kabha esero iya abhantho kore bhabhe kushinguru ishiya Waryobha. 6 Bhono thoraghambe esoko harebhetho abhanto abhaghima kasi thesoko iya ekebhara keno kase kobhathangathi abha enkagha iyo kobhono bhakohetha. 7 Koghayo ghonswe thoraghishumansha esoko eno yaibhisire eno Waryobha yashagoye hano enkagha iya obhonene bhwetho. 8 Tiyareho omothangati ono yareho enkagha eno onoyamanyire esoko eno kanyore mbaghemanyire ko nkagha era thebha kathemereye omonene uwa omonene ono akere bhonswe. 9 Kughira bhora yandekirwe, " Amang'ana ghano iriso rerashe thekoho okotwe kono kwaighure, amaithegero ghano wathaitheghereye, amang'ana ghano Waryobha yaghathore kobhara bhamohanshiri we. 10 Ghano namang'ana agha Waryobha yaghaighoye arebhetho kohethera omokama. Kokobha omokama nkusyomerya ghore kera kento na komang'ana agha Waryobha. 11 Kobhora neng'hwe athamanyirei amaitheghero agho montho kuthigha omokama ugwa abhanto mwaye? Igho honswe thaho ono amanyire amang'ana agha mwa Waryobha, kase omokama ughwa Waryobha. 12 Twitwa haywe omoka ugwa ikyaro kasi omokama ngogho ghukurwa wa Waryobha, kori thothore komanya kokohatherwa komang'ana ghano thwa haywena Waryobha. 13 Thoraghamba amang'ana komang'ana ghano esoko iya omonto etha thore kweghya, kasi amang'ana agha omokama nkuthwegya ghare, Omokama nkusyora ghore amang'ana agha komokama kohethera esoko iya omokama. 14 Omonto ono atharenge uwomokama thakoghotha amang'ana ghano agha omokama ugha Waryobha, kobhora ghayo nobhokangi harewe. Thathore koghamanya kobhora ubhwa omokama. 15 Kora uwobhokama obhobhohe ubhwa mang'ana ghonswe. Kosi mkobhohwa bhore na abhande. 16 "Neng'we athore koghamanya amaithegero agha omonene ono arathore kumweghya we?" Kasi nthona amaitheghero agha Kiristo.