Isura 3

1 Niwo Yawe nanyelesha Yoshua Omugabhisi Omukulu emeleguyu imbele ya malaika wa Yahwe na Shetani ameleguyu mubhulyo bhwaye okumusitaka kulwe ebhibhibhi. 2 Malaika wa Yahwe nabhwila Shetani ati, " Yahwe una asolele Yerusalemu akugonge! Chinu chitali chinu chinu chasasibhwe mumulilo." 3 Yoshua aliga afweye emyenda mikote abaliga emeleguyu imbele ya malika. 4 Malaika nabhabwila bhanu bhaliga bhemeleguyu imbele yae ati, " Mumufule emyenda emikote," Namala nabwila Yoshua ati, " Lola! nososhao obhubhibhi bhwao na enikufwafya emyenda jekisi." 5 Naika ati," Mumufwaye echilemba chekisi kumutwe." kulwejo nibhamuteleka echilemba chikondele kumutwe gwa Yoshua nibhamufwafya emyenda jakisi akatungu ako malaika wa Yahwe emeleguyu kumbali. 6 Niwo malaika wa Yahwe nalagilila Yoshua naika ati, " 7 Yahwe owe ebhise kaika ati: " Labha ukalibhata munjila jani, no kubhaya ebilagilo bhyani, ulimelegushu inyumba jani, no kubhaya ebhilagilo bhyani, ulimelegushu inyumba yani no kulinda jimbubha jani, kulwo kubha enikuyana omwanya gwo kwimelegulila bhana abhakola emilimu jani. 8 Tegelesha, Yoshua omugabhisi mukulu, na abhejanyu bhona bhanu wikaye nabho! Abhanu bhanu nicho echijejekanyo, Okubha anya omwene nilileta omukosi wani katogwa Litabhi. 9 Mbe lola libhuyi linu nitee imbele ya Yoshua. Libhuyi linu lina meso musanju, na nilitulako elyandiko, nikwo kutyo kaika Yahwe owe ebhise- na lunaku lumwi nilisoshawo echibhibhi muchalo chinu. 10 Yohwe kaika ati, Olunuku olwo, bhuli munu alikumilila omwikashanya waye okwiyanja mumbeyo yo omujabhibhu gwaye na mwiti lyaye elyo omutini."