Isura 2

1 Okwiya nindalamika nindola omunu ali no olugoye lwo kubhalila ebhita mukubhoko kwaye. 2 Nimubhusha ati, " Uja aki? " Nambila ati, " Enigenda okupima Yerusalemu koleleki okumenya ubhulela no ubhugaji bhwago.'' 3 Niwo malaika unu aligu naloma nanye nagenda na malaika oundi naja okubhugangana nage. 4 Malaika ulya owakabhili namubhwila ati , " Genda ulome no umusigaji uliya umubhwila ati, Yerusalemu eija okubhulwa olugo kulwa injuno yo obhwafu bhwe ebhitunganwa na abhanu bhafu bhana bhali munda yacho. 5 Kulwo kubha Yahwe kaika ati, emimulinda, na enibha ekusho agati yeye. 6 Mubhilime! Mubhilime! Mubhilime musoke munsi ya mubhuanga- kutyo nikwo kaika Yahwe- kulwo kubha nibhasambasishe kwa mbalaena enjo dutumba- nikwo kutyo kaika Yahwe. 7 Mubhilimile Sayuni bhwangu! Bhanu emwe mwikaye no omuyala Bhabheli!" Niko kutyo kaika Yahwe 8 Kulwo kubha ejile Yahwe we ebhise amala Okunana echibhalo nansolola nanteshanya na maanga ganu agumishe mubhulemo - kubha unu kabhagwatako, kagwata echana che eliso lya Nyamuanga! Enjile amala okukola ago Yahwe naika ati. " 9 Anye omwene enisingisha okubhoko kwani ingulu yabhwe na bhalibha emwalo ya abhagaya bhebhwe." Ao niwo mulimenya ati Yahwe owe ebhise niwe antumile. 10 Yahwe kaika ati, " Nuwimbe kwo obhukondelewe, Omuyala Sayuni, kulwe kubha anye omwene niliamwi nemwe! 11 Amaanga amanene galigwatana na Yahwe omulunaku olwo. Emwe mulibha bhanu bhani; kulwo kubha nilikala agati yemwe, '' emwe mulimenya kutyo Yahwe owe bhise niwe antumile kwimwe. 12 kwolo kubha Yahwe alikama Yuda nko obhukama bhwaye bhwe echimali munsi inyelu, na Olugendo lundi alisola Yerusalemu gubhe gwaye Omwene. 13 Mujibhile, muliimbele ya Yahwe, emwe bhona abho Omubhili, Okubha ebhukile okusoka mubhwelu bhwaye!