1 Mbe Mukwezi kwa munana Omwaka gwa kabili gwo bhukama bhwa Dario, Omusango gwa Yahwe gwamukingiye Zakaria omwende Berekia, Omwijukulu wa Ido, nigwaika ati, 2 " Yawe aliaga ali ne ebhinyiga kubhebhusi bhemwe! 3 Nubhabwile ati, ''Yohwe owe ebhise kaika kutya: Munsubhile! Niko kutyo Yahwe owe ebhise kaika ati anye ona enibhasubhila 4 Mwasiga okubha lwa bhesomwana bhanu kala abhalagi bhabhabhwilaga ati, " Yawe we ebhise kaika kutya: Muinduke, Musige jinjila jemwe jimbimbi ne ebhikolwa bhyemwe ebhibhi. Nawe bhatonguwe nolwo okunana echibhalo- niko kutyo kaika Yahwe? 5 Bhesomwana bhali aki? Ka abhalagi bhali anu nsiku jona? 6 Nawe amagambo na amalagililo gani ago nalagiliye abhskosi bhani abhalagi, gatabhakingiye bhesomwana? Kulwejo bhateye nibhaika ati, ' Lwakutyo Yahwe we ebhise aliga alamuye okuchikolela okwingana ne ebhikolwa bheswe, na nikwo akolele. 7 Mbwe olunaku kwa makumi gabhili ne ena, okwesikwe ekumi na kumwi, kunu okutogwa okwesi kwa Shebhati, omwaka gwa kabhili gwo obhukama bhwa Dario, Omusango gwa Yohwe gwamukingiye Omulagi Zakaria mwende Berekia, Omwiji kulu wa Ido, nigwaika ati. " 8 Akatungu ka ingeta nalolele, Lola, omunu aliga alinyile insikiri imutuku, ali agati ya amatige emihadasi ganu mwitina; na inyuma yalyo yaliga iliyo insikiri imutuku, insikiri inyefu na insikiri imwela." 9 Nimubhusha ati, " Bhinu ni bhinuki Mukama?'' Malaika unu chalomaga nage nambilwa ati " Enikusombolela insonga ye ebhinu bhinu." 10 Niwo omunu oyo aliga emeleguyu agati ya amatiga amahadasi na subhya naika ati, " Bhana nibho Yahwe atuma okulabhamo munsi yona. " 11 Nibhamusubhya malaika wa Yahwe unu aligaemeleguyu agati ya amatiga amahadasi nibhamubhwila ati, " Echilibhatilaga insi yona, Lola echalo chona chijibhyiye." 12 Niwo malaika wa Yahwe nasubhya naika ati, Yawe we ebhise, Okuking lii utakusasila Yerusalemu ne ebhikale byha Yuda bhinu bhyanyakile no kusakulwa kwe enyaka jinu makumi musanju? 13 Yahwe nasubhya malaika unu naloma naye, namusubhya kwa amagambo gekisi nago kufung'amya. 14 Mbe niwo malaika unu aliga noloma naye nambila ati, " Lagilisha nuwaika ati, ' Yahwe owe ebhise kaika kutya: Enibhaga no olwiso na Yerusalimu amwi na Zayoni kwa lilumi! 15 Na nili ne ebhinyiga na amaanga ganu gachulelele. Kulwo kubha naliga nichali kunyigaalila abhanu bani, amaanga ago gongesishe jinyako kubhanu lohani. 16 Kulwejo nasubha Okuja Yerusalemu neleshe echikale echigongo chani. Lisomelo lyani elisubha okukondane echikale chilisubha okumbakwa." 17 Yonikila obhulaka, nuwaika ati, ' Yahwe owe ebhise kaika kutya: Ebhikale bhyani ebhisubha okubha no ubhujima, na Yahwe alisubha okufung'amya Zayoni, na alisubha ukasola Yerusalimu lwakabhili." 18 Niwo ninanamusha ameso gani nindola amaembe gana! 19 Nimubwila malaika unu chaliga nicholoma nage ati, " Bhinu ni bhinuki ?" Nasubhya ati, " Ganu nigo amaembe ganu ganyaraganyishe Yuda, Israeli na Yerusalemu." 20 Niwo Yawe nanyelesha abhabhuya bhana. 21 Ninaika ati," Abhanu bhanu abhaja kukola chinuki ?" Nasubhya no kwaika ati, " Ganu maembe ago ganyalaganyishe Yuda koleleki atabhao omunu wo kwimusha omutwe. Nawe abhanu bhana abhaja okubhabhilimya bhasokemo, bhalase ansi amaembe ga amaanga ago gemusishe liembe lyonalona okuyagalikana ne echalo cha Yuda chinyalogane."