¹ Niwo Boazi nagenda kwilyango lya Bethelehemu nanyanja ansi. Mwanya mufuyi ila naja omuili wa ayeyi unu Boazi alomelelaga. Bozi namubhwila ati, " Musani wani, ija anu winyanje. Omunu oyo naja nanyanja. ² Niwo Boazi nakumanya abhatangasha ekumi abhomusi naikati, " Mwanyanje anu. Kulwejo nibhenyanja. ³ Boazi namubhwila omuiliwa ayeyi, "Naomi unu asubhile okusoka mumusigwa Moabu, Kagusha labhala lya lisambu inu yaliga ili yo mumula wasu Elimeleki. ⁴ Negenilisishe okukumenyesha no kukubhwila ati "Ingule imbele ya bhanu bhenyanjile anu, na imbele ya batangasha bha bhanu bhani, ukubha nuwenda okwisoshayo, Isoshayo. Nawe ukabha utakuyenda kwisosyayo, umbile, koleleki nimenye, kulwokubha atalio undi owokwisoshayo atali awe, nanye omulela wao. "Niwo omunu oyo oundi naikati, " Emilisoshayo. ⁵ Neya Boazi niikati, "Olusiku lunu ulihulu libhwilyo okusoka mumabhoko ga Naomi jikwiile okugega na Ruth Omumoabu, Omutumba gasiwo mwana wa Elimeleki, Koleleki okulimusha lisina lyo mufuye kuti mwandu gwae. ⁶ Niwo omuloyo, owayeyi naikati, 'Anye ntakutula kusoshayo lisambu ingulu yani bhutaleta nyogele mu mwandu gwani omwene. Nakuyana awe echibhalo cho kwishayo ingulu yao omwene kulwokubha anye nitakuja kutula. ⁷ Inu yaliga ili ntungwa ya kala aya bhaisrael ingulu ya bhuchungusi no kuindula na agekisi. Okwolesha ago gone omunu ayo afulile echilato nokumuyana omwikashanya wae; inu yaliga ili ntungwa yo kwikilishana mubhutinge mu Israel. ⁸ Kulwejo amuloyo namubhila ati Boazi, Ingule awe Omwene" Namala nafula echilato chae. ⁹ Niwo Boazi nabhabhwila ati, abhatangasha na bhanu bhona,"Emwe muli bhabhambasi ati anye nagula bhuli chinu chinu chaliga chili cha Elimeleki na chinu chaliga chili cha Kileoni na Mahiloni: Okusoka mumabhoko ga Naomi. ¹⁰ Okukila ago ingulu ya Ruth Mmoabu, Omugasi wa Mailoni namuyana obhwanya bwho kubha mugasi wani, Koleleki okugendeesha lisina lyo mwandu gwo mufuye, koleleki lisina lyae lisige okufwa agati ya bhana bhabho na lilengo lya bhana bhae. Emwe muli bhabhambasi lelo. ¹¹ Abhanu bhona na bhatangsha bhanu bhaliga bhali mwilango, nibhaikati " Chilibhabhambasi" Yahweh amukole omugasi unu unu ejile munu si gwao kuti Raheli na Leyu, bhanu abhabhili bhamu bhayambakile inyumba ya Israeli. Na ubhonekelwe mu Efrata nokubha wa jinkuma mu Bethelehemu. ¹² No musi gwao kuti musi gwa Paresi, unu Tamali amubhuliye Yuda, Okulabhila mulwibhulo lunu Yahwh alikuyana amwi no Muyala Unu." ¹³ Kulwejo Boazi namugega Ruth, nabha mugasi wae, Boazi namama nage, na Yahweh ekilisishe okubho na inda, na ebhuye omwana wechilume. ¹⁴ Omugasi unu namubhila Naomi ati," Yahweh abhonekelwe, unu atakusigile bhutabha na bhaili bhaayeyi, Omwana unu lisina lyae nalibha lyo kukumuka mu Israeli. ¹⁵ Na abhe kwawe mukumanya wa bhulama bhwao na mubhukaluka bhwao, kulwokubha omwana wao maibhuko, unu kakwenda, unu ali nachibhalo kwawe okukila abhana bhe chilume musanju amwibhula. ¹⁶ Neya Naomi namugega Omwana, Namumanya kuchifubha chae, nokumufulubhendela. ¹⁷ Na bhekeshanya bho mugasi oyo nibhamtoga lisina, nibhaikati,"Omwana ebhulwa ku Naomi," Nibhamubhilikila Obedi. Unu ejile okubha esemwene wae na Jese, Unu ejile okubha esemwene wae na Jese, unu ejile okubha esemwene wae Daudi. ¹⁸ Lunu lwaliga lulilwibhulo lwa Pelesi. Pelesi amwibhuye Hezroni. ¹⁹ Hezroni namwibhula Ram, Ramu anamwibhula Aminadabu. ²⁰ Aminadabu namwibhula Nasoni, Nashoni namwibhula Salomoni, ²¹ Salomoni Namwibhula Boazi, Boazi namwibhula Obedi. ²² Obedi namwibhula Jese, na Jese namwibhula Daudi.