¹ Naomi, nyabhuko wae namubhwila ati," Mwanawani, Itakunsinyilisha anye okukuyenjala olubhila lwa kuumula, koleleki emisango jao jigende kisi? ² Omwene Boazi, Omunu unu wabhee nage amwi na bhayalakaji bhae abhemulimu, Omwene atali muiliweswe? Lola, kegolo kanu kabha naule shairi kwitale elyokumulila. ³ Kulwejo, yoga, Wibhambage amafuta, ufwale jingubho jao ejekisi, na utabhele kwitale elyokuulila. Nawe utaja kumenyekana kunu oyo okukinga anu mulamala okulya nokunywa. ⁴ Nawikomeleshe ati, anu ulamama ansi, wichuke anu amamile ikaya ugenda anu amamile, usukulule amagulu gae, na umame ao, Keya nakubhwila echokukola." ⁵ Ruth namubhwila Naomi ati, " Enikola bhulichinu chinu wambwila. ⁶ Alomokele negenda kwitale lyo kuulila, na alubhiliye amalagilo ganu ayanibhwe na nyabhuko wae. ⁷ Boazi ejile amala okulya na mwoyo gwae gwaliga gukondelewe, agendele okumama ansi kubhutelo bhwo kukumanyisha jinafaka. Kisha Ruth nagenda bhwombo bhwombo, nasukulula amegulu ga Boazi, no kumama ansi awo. ⁸ Jejile yakinga mubhwile bhukulu Boazi, nayalamka, Nefumbuka, nao aliga alio Omugasi amamile kumagulu gae. ⁹ Namubhwila ati, "Awe nawega?" Nasubyati, "Anye nanye Ruth, omukosi wao owechigasi. Nswikila Isuka yao anye omukosi wao Owechigasi, kulwokubha awe ulimuli wa ayeyi. ¹⁰ Boazi namubhwila ati, " Mwanawani" Yahwel akuyane amebhando. Wolesha obhwekisi kubhutelo okukila kubhwambilo, kulwokubha utagenda kubhalume abhasigaji, unu ali munibhi nolo mtaka. ¹¹ Ni woli, mwanawani, utabhaya! Enikukolela gona ganu ulayika, kulwokubha omusigwa bhanu bhani bhona abhamenya ati uli mugasi unu wiyile. ^{12 13} Ni chimali ati anye nili mwili wa ayeyi; nolo kutyo bhalio abhaili bha ayeyi okukile anye. Sigala anu ingeta inu, na katonda, ikabha akokola jinu jimwile omuili wae owaeyi, nijikisi, mwesige akole jinu jimwiile wae owaeyi, nijikisi, mwesige akole jinu jimwile omuili wa ayeyi, nawe akalema okukola jinu jimwile omwili kwawe, niwo anye nilakola, ktyo Yahweh akae. Numama okukinga katondo." ¹⁴ Kulwejo Ruth namama kumagulu ga Boazi okukinga katondo. Nawe emukile muluhulu munu wonawona bhutamulola. Kulwokubha aliga analile okumubhwila ati, "Itamenyekana ati omugasi ejile kwitalelyo kuulila. ¹⁵ Neya Boazi namubhwila ati, leta olupande lwao na ulugwatilite." Ejile akola kutyo, alengele indengeinene mukaga ebya jishauri mumutandio na mubhilikila Ruth. Naya Boazi nagenda mumusi. ¹⁶ Ruth ejile asubha kunyabhuko we, naikati, "wamakolatiki mwanewani? Niwo Ruth namubwila emisango jona jinu akolewe no munu oyo. ¹⁷ Amubhwilie ati,"Bhinu ebhilengo mukaga ebyajishairi nibyo amanana omwene, kulwokubha aitale ati, " Utajakugenda mabhoko melu kunyabhuko wao. ¹⁸ Neye Naomi naikaati, Sigala anu, Mwanawani, okukinga anu ulemenya kutyo galabha, kulwokubha Boazi atakuja kuumula okukinga anu alalimalila lisingo linu lelo.