Isura 2

1 Omukama amufundikie omuyala wa Sayuni emwalo ya lile lya okubhiilwa kwaye. Alasile likusyo lya Israeli emwalo okusoka kurwe okukinga kuchalo. Atakumbiemo isituli ya amagulu gae kurusiku lwo kubhiililwa kwaye. 2 Omukama amilile ka achali kubha na chigingo ku misi jona eja Yakobo. Jinsiku jae ejo kubhiiliwa agwisisye emisa jinu jinsimbagilie eja abhayala abha Yuda; kwa jinswalo amalagasya emwalo obhukama na abhatunge bhae. 3 Kwo kubhiiliwa kubhusae amabhutula bhuli eyembe lya Israeli. Amasubhya okubhoko kwae okusoka ku bhasoko. Amocha Yakobo kwo mulilo musaye gunu agusingarisya bhuli chinu ayei nage. 4 Lwo musoko amekotya abhukama bhwaye okulolelela kwiswe, ka owe bhulyo bhwaye aliwo amaliliye okusamba. Abhabhagile bhone abho bhaliga nibhamukondelesya mwi kambi lya abhayala bha Sayuni; Ametila risungu lyae lwo muliro. 5 Omukama amabha lwo musoko. Amamila Israeli. Amamila amyumba gae gone. Amamyamula jingo jae. Amongesya okulila no kukungila agati ya abhayala bhe Yuda. 6 Amalwana likambi lyae elyo kubhonanila uti kayumba ko mugunda. Amanyamula olibhala olwo kwikumanyisisha. Ratabhunyi amaletetesya okwikumanye ka isabhato nibhailabhilwa mu sayuni, kwo kubha amamugaya okumama ka omughabhisi kubhusaye bhwa risungu lyae. 7 Omukama amalema olutare lwaye ka negana olubhala lwaye lweru. Asosyao jinsiku ja mayumba mumabhoko aga basoko, Bhamakusya obhuraka munyumba ya Ratabhugenyi, uti rusiku lwa bhuregesi. 8 Ratabhugenyi alamuye okunyamula orukuta lwo munsi gwa omuyala wa Sayuni. Agolora olugoye elwe chilengelo ka atakuganya okubhoko kwaye kusigekunyamula olusika.Akonja eminara na jinsika okukunga; aamwi bhyabulile. 9 Amalango gaye gaguye ansi, anyamuye ka nabhutula ebhyuma bhyo lukuta. Omukama waye na bhana bho mukama bhaliwo mubhamwi bha mayanga, echilagiro chitaliwo rindi ka abharagi bhaye bhatakubhona bhilolo okusoka ku Ratabhugenyei. 10 Abhakaruka bha bhayara bha sayuni bhenyanjire emwalo ka bhujibhiye. Bhalasile oruteli ku mitwe jebhwe ka bhafae amagunila, Abhayara juma abha Yerusalemu bhenamisya emitwe jebhwe emwalo. 11 Ameso gani gomisibhwe amasiga gogo; inda yani eirunduma; jimbara joni eja munda jamagabha emwalo kulwa injuno yo bhumyamuke bhwa bhayara bha bhanu bhani, abhana na bhalela bhakabhile mu mbala jo musi. 12 Abhaila ku bha nyila webhwe ati, "Ebhiyambwa bhili akino mwinyo? : lwa kutyo abhakabha lwo munu unu autasibhwe mu mbara jo musi, obhurame bhwebhwe bhwitiwe muchifubh cha bha nyilamwene bhebhwe. 13 Niki enitula okwaika kwawe, omuyara wa Yerusalemu? Enitula okukususanyiya naki, Koleleki nikusirisye, muyara munyara juma wa Sayuni? Kinyoro lyao ni enene lwa inyanja. Niga katula okukuosya? 14 Abharagi bhao bhalola olurimi ne bhilolo bhitesissye kulwa awe. Bhachari kutula abhweru ebhibhibhi bhyao okusubhya libhona lyao, nawe kwawe bhasosya amaikogo lurimi ka ga kujigana. 15 16 Bhone abho abharabha kumbali mwi barabara abhabhuma jikubhe kwawe. Abhakuma ka abhasingisya emitwe jemwe kulwa abhayara bha Yerusalemu ka nibhaika ati, "Gunu nigwo omusi gunu bhabhilikiye ati, 'Obhukumilo bhwo bhwakisi; Likondelwa lya Insi Yone?" 16 Abhasoko bhao bhone bheguye eminwa jebwe ka nibhamujimya. Bhamuworomeye ka nibhaguguna ameno ka nibahika ati, "Chamumila amwene! Linu ni rusiku olwo chalingile! Chikaye okutula okululola!" 17 Ratabhugenyi akola kutyo aliga eganile okukola. Akumisya omusango gwaye. Akutegula kukusasila uri, kwo kubha amwikilisisya omusoko okukukondelelelwa; amemisya amaembe ga bhasoko bhao. 18 Emyoyo jebwe jamuliliye omukama, jinkuta ja bhayara bha Sayuni~ Nukole amasiga gao gagelele ansi lwo mugela mungeta na mumwisi. Usige kwibhonela bhu akilimo, ameso gao gotali na kubhonamo akilimo. 19 Imuka, nulile mungeta okwambila mu bwire bhukuru! Itila omwoyo gwao lwa amanji imbele yo bhusubhano mukama. Inamusya inguru amabhoko gao kulwo bhuwanga bhwa bhana bhao abho bhakabhile kwo mweko munjila ja bhuli lubhara. 20 Rola, Ratabhugenyi, ka wijuke abho bhanu wakoleye ganu. Abhagasi bhaliya litwasyo lya olwibhulo lwao, abhana bhanu bhabhamenyele? abhagabhesi na bharagi bhabhagwemu lubhara rweru olwo mukama? 21 Bhone abhalela kwa bhakuru bhenyanjile ku mayaru aga mumbara. Abhagasi bhani abhalela na bharume bhani abhalela bhaguye kwa lipanga. wamabhabhaga nolwo bhutabhasasila. 22 Wamakoka, uti wabhilikiye abhanu kurusiku lwa marya, obhubha bhwani bhuri lubhara, kurusiku lwo kubhiilwa olwa Ratabhugenyi ataliwo oyo atorokele; abho namenyele ka nimbakusya, omusoko wani abhanyamuye.