¹ Namulolele Bhwana emeleguyu ayeyi namajabau, naika, " Bhibhume emitwe ebyebhi gingi koleleki Omusingi gusingite. bhibhutule bhitoto toto ingulu yemitwe jebhwe jona, anyoma nilimwita kwalipanga. Atalibhao nolo umwi webhwe oyo alibhilima. nolo bhakasimba mu sheoli, kuliwo okubhoko kwani kulibhagega. ² Nolo bhalalinya ingulu okugenda mulwile, nilibhagwisha ansi. ³ Nolo bhakeseleka ingulu yakarmeli, nilibyayiga nimbagegayo, nolo bhakeseleka emwalo yainyanja nitaja okubhalola, nililagilisha lijoka nilibhaluma. ⁴ Nolo bhakagenda munyanko, bhaligwatwa nabhasoka bhebhwe mumeso gebhwe nililagilisha obhulemo, nabhalifwa. nilibhalolela nameso gani ingulu yebhwe kwobhubhibhi. ⁵ Bwana Nyamuwanga webhise niwe kakunya kunsi ninyalagana, bhona abho Omwo bhalyalama gona galiumuka nkomugela, nagulisikila nkomugela owa misri. ⁶ Nimwomwene kombaka ebhyumba bhyaye mulwile, nokwambisha ikuba yaye ingulu yainsi, omwene kaibhilikila amnaji gainyanja; nokugetila ingulu yobhusu bwechalo, Yahwe niliyo lisina lyale. ⁷ Emwe mutalikama bhanu abhokwikala ewani, abhana bha Israeli? Nikwokutyo Yahwe kaika; nitabhateye inguru Israeli okusoka munsi ya misri, Abhafilisti okusoka krete, Abhashami okusoka kiri? ⁸ Lola ameso aga Bhwana Yahwe gali ingulu yobhukama bhwebhikayo, enibhunyamula okusoka kubhusu bhwechalo, Tali nitakuinyamula chimwi inyumba ya Yakobho , nikwo Yahwe kaika. ⁹ Lola, enilamila, enigulisha Inyumba ya Israeli mubhyalo bhyona, lwomunuj kutyo kagulusha ingano kulungo, kulwejo chitaliwo echipande chalibwiii echo chiligwa kunsi. ¹⁰ Abhakosi bhebhibhibhi bhona mubhanu bhani bhalisingalika, abho abhaika nyanko italichilabhako nokubhonana nayo. ¹² Munsikwije nilimusha inyumba ya Daudi eyo yaliga iguyee, nokugabhoya amatabhi gaye enimusha amasigwa gaye, nokumbaka bhuyaya iwakala. ¹¹ Bhagege amasigwa ga Edomu, nebhyalo bhyona ebhyo bhibhilikiwe kwalisina iyani nikwo yahwe kaika nokola ganu. ¹³ Mulole jinsinku ejija nikwo yahwe kaika omulimi alimulabhako omugesi, oyo kataja jijabibu alimulabhako oyo kayamba amabhanhga galigwisha idivai inule, namabhanga gona galigwisha. ¹⁴ Enibhasubya okusoka munyanko abhanu bhani bha Israeli. Bhalyumbaka amasigwa age bhikale bhekale omwo bhaliyamba jijabibu nibhanywa idivai bhalikola amashamba nokulya amatwasho gayo. ¹⁵ Eniiyamba mpaka kunsi yebhwe, nabhaikula bhuyaya okusoka munsi eyo nabhayanile naika Yahwe Nyamuwanga wao.