¹ Chinu nicho Bhwana yahwe anyoleshishe, lola echikapo echamatunda aga Itari ! ² Naika, Oulola chiya, Amosi? Ninaika, " Echikapo chamatu aga Hari," Niwo yahwe nambwila,"Obhumalishisho bhwabhanu abhaisraeli bhwakinga, Nitakubhanyola. ³ Jinyimbo Jamunyumba jolamya jilibha mnyanfu, bhulisehemu bhalilasa mubhujibhu. ⁴ Mulitegeleshe linu, emwe abho omumutaga omutaka, nokumusoshao omutaka wainsi. ⁵ Bhakaika, "Omwanya ogwokesi okuyaya gukawa, nikwo chilatula okugusha ebhilyo? Omwanya ogwaisabhato gukawa, ilichigushe ingano? chilikola chinu chitoto chichongesha naibei chikajiga kwemizani ejobhubyeyi. ⁶ Nikwo kutyo echitula okugusha ingano imbibhi, okugula ifukala kwaiyelo, nomutaka kwalifwalile limwi elyebhilato. ⁷ Yahwe nalaila kwobhujima obhwa Yakobho, kulwokubha nitakutula okulabhilwa omulimu gwebhwe nolo gumwi. ⁸ Insi italitikima kulinu, bhuli umwi alyalama? gona ago galimuka nkomugela ogwo naili, ilinyaka ingulu nokukeya iwo mulilo ogwa misri. ⁹ Lulija olusiku, bhunu nibhawi obhwaiki obhwa Bhwana Yahwe, nilikola lisubha ligwe mumwanya gwamumwisi, nilitula omwilima muchalo mumwanya gwamumwisi. ¹⁰ Enijiyindula jisikuu jemwe okubha bhyalamo najinyimbo jemwe jona okubha kusulumbala. Enibhakola bhona okifwala amagunia nocha najintubhwi kumitwe jebhwe. Enigakola ganu kama chalamo kubhenekili, nolusiku olwakimalisho bhwalisungu. ¹¹ Mulangalila jinsiku ejita kaika Bhwana Yahwe, omwanya guni nilileta Injala Munsi, Itali njala eyemikate nabhila bwamanji, Tali okungwa amagambo ga yahwe. ¹² Bhali yenga yenga munyanja, bhali bhilima okusoka Kaskazini okuja magalibhi okuyiga ligambo elya Yahwe, nawe bhatalilibhona. ¹³ Kulusiku olwo abhagasi bhekisi nabhalume injala ilibhakabhya. ¹⁴ Abho bhalilaila kwebhibhibhi ebhya samaria bhaligwa bhatalimuka