1 Badaye pamihe sikhu ya sabato, ilichuva pelyavele lihumila hubita isikhu ya khwanja ya juma, Maliayamu Magdalena, na yula u Maliyamu yungi vayichile hulola ikabuli. 2 Lolake hwavele ni khimulindima khikomi, hwasabu malayikha va Mutwa ayihile nuhulifilingisa iliganga, nekhe alitamile. 3 Isula ya mwene yavele ngita ya vumeme, ni fwalo cha mweene chavele mbalafu ngita seluji. 4 Avalinzi vala amemichwe ni hofu nu huva ngita wafu. 5 Umalayikha yula avafafanulye vala avadala achovaka, "Mtane uhuyokopa maana ndielewe uhuva muhamutemula u Yeesu, yealindwaka . 6 Sipeyuli apa, lakhini afufwihe ngita shendavachovye. Mwichake mulole mahali ambapo u Mutwa agonile. 7 Mubitake shang'ani muhavachovele avanyasule vamwene, 'Afufwihe huhuma hu wafu, lolake avalongwe hu Galilaya. Uhwe ndyo hacha muhamuvona.' Lolake uneene ndivachovye." 8 Ava dala vala vahekile pala pa kabuli shang'ani vavele ni hofu ni fulaha ngomi, na vanyilile huvachovela avanyasule vamwene. 9 Lolake u Yeesu avonine navo nuhuchova, "Salamu." Avadala vala vayichile nuhukhamula amagulu kamwene, na kisha vahamuabudu. 10 Nekhe u Yeesu avachovye, "Mtane uhuyokopa, mbitake muhavachovele avalongovangu valongole hu Galilaya. Uhwe hacha vahandivona. 11 Umsikha avadala vala vavechike vibita, lolake baasi ya valinzi vahele humujini nuhuvachovela ava vaha va makuhani amaambo kondi kekahumiele. 12 Na makuhani avo avele vavonine na vasekhe nuhulijadili ilicho ilyo pamonga navo, vahehiche ikhiasi hikomi sha sendi hwa va askali vala 13 nuhuvachovela, "Muvachovelake avangi uhuva, 'Avanyasule va Yeesu vayichile makilo vahichile umuviili kwa Yeesu umusikha uweewe twavele tugonile.'" 14 Kama itaalifa ichi hacha chihamufihila u liwali, uweewe hacha tuhamushawishi nuhuvahechehecha unyenye amashaka kondi." 15 Khwa hiyo ava asikali vala vatekwele isendi chila nuhukhita ngita shevaelekesichwe. Imola ichi cha eniele necho hwa vayahdi na yivele ewe mbaha ilelo. 16 Lakhini vala avaseng'wa lichumi na yumonga vahele hu Galilaya, hukhidunda sheavaelekise. 17 Navo vavechike vamuwene, vamuabudu. Lakhini baasi yavo vawene mashaka. 18 Yeesu ayichile uhwavo avalongye nuhuchova, "Ndipevilwe amamulaka kondi mu inyi na humbinguni. 19 Hwa hiyo muhelelake muhavafanye avamatayifa kondi uhuva vanyasule. Muvachabihake mu litawa lya dade, nilya muswamu ni lya Umbepo Umwimikhe. 20 Muvavulichake uhakatii amaacho kondi kendavaamulu, Ndilola, unene ndivele pamonga nu nyenye dayima, hata mbaha pa mwiso kwa Inyi.