1 Umsikha kwa palukheela kwalikufikhe, avakhomi voaha va makuhani na vaseehe va vaanu vaalyele injama dhidi ya Yeesu vapate ukhumvulaka. 2 Vaamkhungile, vaamlwongwiche, nu khumfikhiisa khwa Liwali Pilato. 3 Nekhe umsikha uYuda, ambaye aavele aamsalitile, aawene kwamba uYeesu amalile ukhuhukhumiwa, aajutile nu khukomosa ifipande salasini fya silinge khwa vakhomi va makuhani na vasehe, 4 nu khuchova, "Ndikiite saambi khwa khuyisaliti idaanda yesiyiveli ni hatiya." Lakhini vaahikile, "Yikhatuhusu khini uweewe? Ukalolake ako yuuve." 5 Kisha aafitochiche paanyi ifipaande fila fya silinge mu hekalu, nu khuheka nu khwitumbikha yu mweene. 6 Ukhomi va makuhani aafitolile fila ifipande fya silinge nu khuchova, "Siyo halali ukhuyilimba isilinge iyi mu hazina, kwa sababu ni gharama ya daanda." 7 Vaajadiliyine khwa pamoonga ni silinge yatumikhe ukhukulila iliheela lya mfinyanzi lya khusiilila ava keenji. 8 Khwa sababu iyi ilihala ilyo likhemeelwa, "Lihaala lya daanda" hadi ileelo iyi. 9 Nekhe lila ilicho lyelyavele lichovilwe nu mvilisi u Yelemiya lya limyele, ukhutikila, "Vaatolile ifipande salasini fya silinge, gharama yeyapangilwe na vaanu va Islaeli khwa ajili ya mweene, 10 na vaatumyele khulihala lya mfinyanzi ngita u Mutwa sheavele anjelekise. 11 Lino uYeesu aayimile pavalongolo pa liwali, nu liwali aamvuchiche, "Je! Uveeve ulimutwa vava Yahudi?" U Yeesu aahikile, "Uveeve wichova ewe." 12 Lakhini umsikha peatakhilwe na vakhomi wa makuhani na vaseehe, asahikili sheshondi. 13 Nekhe u Pilato aamchovye, "Usipulikhi mashtaka koaha sidi yakho?" 14 Lakhini siaahikili hata licho limonga, ewe u liwali alijawa na mshangao. 15 Lino mu sikukuu yeavele destuli ya liwaliukhumfungulila umfuungwa yumoonga ya haliilwe nu vumati. 16 Umsikha ukwe vaavele nu mfungwa sugu ilitawa lya mweene Balaba. 17 Hivyo umsikha pevaavele valuundine pamonga, u Pilato aavavuchiche, "Nde yuyaani mwilonda tumfungule khajili yeenyo?" U Balaba au U Yeesu yeikhemelwa Khilisiti?" 18 Khwa sababu aamanyile kwamba vamalile ukhumkhamula khwa sababu ya chuki. 19 Umsikha peeavele itaama pa khideeko sha mweene isha hukhumu, umdala vamweene aamseng'yele ilicho nu khutikila, "Usitende lijambo lyelyoha khwa muunu uyo yeasiveli ni hatia, kwani ndipumwikhe muno hata ilelo khu ndoto khwa sababu ya mweene." 20 Nekhe avakhomi va vamakuhani na vaseehe waliwashawishi avanyamukhutano vamnyilikhe u Balaba, nu Yeesu avilakwe. 21 Liwali aavavuchiche, "Yulikhu kati ya vavili mwilonda uneene ndimlekhele kweenyo?" Vaatikele, "U Balaba." 22 U Pilato aavachovye ndimkhitile khini u Yeesu yeikhemelwa Khilisiti?" Voaha vahikile, "Umpumuse" 23 Umweene akhatikila, "Shekhini, ni likhosa likhi lyatendile?" Lakhini vaakinile kupaza isavuti hata kushaanya neecho, "Umpumuse." 24 Hivyo umsikha u Pilato aaliawene asiweesa ukhukhila lyelyooha, lakhini badala yakhe umtafu kwavele mekuvangile, aatolile amakasi aakhalive amavokho mbele vumati, nu khuchova, "Uneene ndigaya hatiya juu ya daanda ya munu uyu yasiveli ni hatiya. Mkalaangake aka yuunye." 25 Vaanu vooha vakhatikila, "Idaanda ya mweene yivachake juu yeetu na vaana veetu." 26 Nekhe amdindulile uBalaba khwavo, lakhini aamtovile imijeledi kwa Yeesu nu khumkhabisi kwaavo khuhelela khumpumusa. 27 Nekhe avasilikhani va liwali vaamtolile uYeesu mbakha khu Plaitolio ni liluundo likhomi lya vasilikhani voaha vamlundaniele. 28 Vaamfulile imyenda ya mwene nu khumfwikha ikhaanji ya langi duung'u. 29 Kisha vaavuyipe ililajilya miifwa nu khuviikha khu mutwe kwa mweene, nu khumviikhila ililaanji mu livokho lya mwene ilya khulyando. Vaafukime pavulongolo pamwene nu khukejeli, vichova, "Salamu, Mtwa va Vayahudi?" 30 Nu kumfunyila amati, nu khutola nu khumtova khumutwe. 31 Umsikha kwevaveele wakimkejeli vaamfulile ikhaanja nu khumfwikha imyenda ya mweene, nu khumloongocha ukhuhelela khumpumusa. 32 Vaali vahumile khwivala, vaamuwene muunu ukhuhuma khu Krene ilitawa lya mweene Simioni, ambaye vaamlasimise ukhuhelela navo ili apate ukhupiinda msalaba kwa mweene. 33 Vaali vafiikhe mahali pepikhemelwa Galigota, maana yakhe, "Eneo lya ling'ala ya mutwe." 34 Vaampelye isiki yeyihanjichwe ni nyoongo ahope. Lakhini ali ayivonjiche, siawesichi ukhuhopa. 35 Umsikha pevavele ne vampumwise, vaakavine amafwalo ka mwene khwa khutova ikula. 36 Vaatamiile nu khumlola. 37 Pashanya pa mutwe kwa mweene vaavikhile mashtaka sidi ya mwene kekisomekha, "Uyu yu Yeesu, mutwa va Vayahudi." 38 Vanyakaji vavili vapumusichwe pamonga nu mweene, yumonga uvapanda wa khulyando kwa mweene nu yungi khu ng'iki. 39 Vala yevalutaka walimdhihaki, vakhava vihukusa imitwe yaveene 40 nu khutikila, "Uveeve yewaloondaka ukhuliyananga hekalu nu khulichenga kwa fikono fidatu, wikhombole yuuve! Ndee uli Mwana va Nguluvi, wikhe pa msalabani!" 41 Mu hali yiyiila avakhomi va makuhani vaveele wakimkashifu, pamonga na vaandishi na vaseehe, nu khutikila, 42 "Aakhombwele avaangi, lakhini asiwesa ukhwikhombola yu mweene. Umweene avele Mtwa va Vayahudi. Ayikhe panyi heka msalabani, ndyo peya tukhanenefuwa. 43 Alimtumaini Unguluvi. Mllekhe Unguluvi amkhombole lino nde iloonda, khwa sababu aatike, 'Uneene ndivele Mwana va Nguluvi."' 44 Na vala avanyakaji yevaveele vapumwikhe pamonga nu mweene pia vaachovele amacho kakhumdhihaki. 45 Lino akhuhuma saa sita khwaavele ni ngiisi mu inyi yoaha hadi saa tisa. 46 Yaali yifiikhe saa tisa, uYeesu aavembile khwa savuti ngomi, "Eloi, Eloi, lama thabakithan?" akimaanisha, "Nguluvi vangu, Nguluvi vangu, shekhini undekhile?" 47 Umsikha kwenuke baasi yaavo vaavele vayimile pala vaapulikhe, vakhatikila, "Ikhemela Eliya." 48 Mala khamonga yumonga vaavo aanyilile khutola sifongo nu khumemya i khinywaji kichungu, aaviikhili pashanya pa libihi nu khumpela apate ukhuhopa. 49 Navo yevasikeele vakhatikila, "Mumulekhe mweene, mlekhe tulole ndee u Eliya yaiyicha khumkhombola." 50 Nekhe uYeesu aavembile khaangi khwa savuti ngomi nu khuyihecha inumbula ya mwene. 51 Lolake, Pazia la hekalu lya bachwikhe sehemu chivili ukhuhumila khushanya hadi peanyi. Ni alisi yateteme ni myamba ya bachwikhe fipaande. 52 Na makabuli kaadidwikhe, ni mivili ya vavalache volofu yevaavele vakonelye itulo vaafafulilwe. 53 Vaahumile mumakabuli baada ya ufufuo wake, vaayingyile mu khivata ikivalache, nu khuvonekhana na volofu. 54 Basi yula u akida na vala yevaavele vakhalaanga uYeesu vaawene ikhilindima na maambo kekavele kihumila, vakhajawa nu wokofi neecho nu khutikila, "Salwesi uyu akhavele Mwana va Nguluvi." 55 Vadala volofu vaavele vakhamfwata uYeesu ukhuhuma khu Galilaya ili khumuhudumila vaveele pala vakhamlaanga kwa pataali. 56 Miongoni mwaavo vaavele uMaliamu Makadalena, U Maliamu mama va Yakobo nu Yosefu, nu mama va vaana va Sebedayo. 57 Yaali yifikhe khinyamihe, aayichile muunu taajili ukhuhuma khu Arimathayo, yeakhemelwaka Yusufu, ambaye pia aaveele munyasule va Yeesu. 58 Aamhelelye khwa Pilato nu khukunyilikha umvili kwa Yeesu. Nekhe uPilato aalakiche apate ukhupewa. 59 U Yusufu aatolile umvili aakukhungile nu mweenda kwa sufu inofi, 60 nu khukukonekha mukabuli njipya ya mweene yeaveele ayihongwe mu mwambani. Kisha aabilindwise ilikaanga likhomi lya kubishe umulyango kwa kabuli nu khuhelela. 61 U Maliamu Makadalena nu Maliamu yungi vaavele pala, vatamye kuelekea kabuli. 62 Ikhikono sheshafwatyele ambasho shaavele khikono baada ya matayaliso, avakhomi va makuhani na Mafalisayo valundine pamonga khwa Pilato. 63 Vaamchovye, "Bwana, twikhumbukha khuva umsikha yula yeichaanga peavele mumi, atike, 'Baada ya fikono fidatu ifufukha khaangi.' 64 Khwahiyo, wakiche kwamba ikabuli yilindwaka salama mbakha ikhikono sha khadatu. Vinginevyo, avanyasule va mweene ya viwesa ukhuyicha khumuhiicha nu khuchova khwa vaanu, 'Afufukhe ukhuhuma khwa vaafu.' Nu vuchangifu wa mwiso ya wiva vubaya khuliko vula uwa khwaanja." 65 U Pilato aavachovye, "Mtole avalinzi. Mbitake mukhakhite ihali ya vusalama ngita shemwiwesa." 66 Hivyo vaahele nu khukhita khuva salama, ilikaanga lyelyakongilwe umhuli nu khuvikha avalinzi.