1 Emagambo gaku Nehemia umwana lyaku Hakalia ndeyava, mgate ya mwezi kisleu, mgate ya mwaka gwa makumi avele, ndende mgate ya lekaya ihanya lya Sushani, 2 umo wa vadugu vane, Hanani, ndaiza pamwi ni vantu evange mwifuma ku Yuda, nane ndenauzya kuhusu e Vayahudi awo ndevapela e Vayahudi vao ndevasigalela awo vwlekwenuko, ni husu e Yerusalemu. 3 Ndevambalela, ''Vale ndevale mgate ya mkoa yakifunga vehona vale ni shida hanya na nsoni kunguno igelele lya yerusalemu lyakabomolwa milango zyakwe zyakateketezwa ni moto.'' 4 Na mara duhu aho ndenaigwa emagambo alaga, ndenaikala nileta na kunsiku nyingi ndenaendelea mlyombolezwa ni funga ni lomba mbele yaku Seva wamumalunde. 5 Uhene ndenayomba, ''Eve hoo ule Bwana, Seva wamumalunde, u Seva ule mhanya na wamaajabu, uyo ukutimiza emalagano ni utogwe widuhu pamwi ni vale evakutogilwe ni idima eamri zyako. 6 Polekezya emaombi gane na lugula eminso hako, emangu upuleke esala zya mtumami wako agisi kusaleke hambele yako uusiku ni lyuva kunguno ya vantu va Israeli vatumami vako. Ene kuzumya ezambe zya vantu va Israeli, ezyo kwakavezya kuwako. Wonse ene ni nyumba yaku vava wane kwakavezya ezambi. 7 Kwa kavezya uuwuvi sana higulu lyako, na ndekuzingatia eamri, ni sheria, i hukumu eyo ndewamuru umtumami wako u Musa. 8 Tafadhali izukela igambo elondewamwamuru umtumami wako u Musa, 'Mkuvezya bila uaminifu, nkavasambazye, mgate ya vamataifa, 9 Lakini mbemkasuve kuwane ni ilonda eamri zyane ni legivezya ninga vantu vako ndevasambalile hiselele ya malunde ga kutale, nawe nkavakungarinye mwifuma uko ni levaleta emahali aho ndena vasagulila ili mlelevezya elina lyane.' 10 Agese evakola vatumami vako awo na vantu vako awo ndewavaokoa kunguzu zyako ehanya ni kumkono gwako ugunguzu. 11 Bwana, kuloma, upulikizye agese amaombi ga vatumami vko ni sala zya vatumami vako, awo vakufurahi ni nileshimu elina lyako. Agese ufanikishe ene mtumami hambele ya mntu ndende.''Mnyweshaji wa Mwami.