1 Ole kukaya yokila magazi! Wose wokila ufii ni nsawo zya wivii; evalozi viho kumwakwe daima. 2 Ila hangi kulisauti milanga ni sauti zya livagonganisha ematajiri, farasi vakusapa ni magari ga vita kakurukaruka. 3 Kuli valini va farasi vakushambulia ulupanga lukukema masamo ga kuleemakema, emalundo ga maiti, emafungo makulu ga mivili; kuduhu umwisho gwa mivili, evashambuliaji vakukumpa higulu lyakwe. 4 Lelali likufumila kunguno ya mitendo ga tamaa ya ulava umsoga, ndalandilile ulozii, akuguzya nsii ku ulava wakwe, ni vantu kunzila ya matendo gakwe ga kilozii. 5 ''Linga, eene ndikinyume naho - alali egambo Seva amajeshi - esketi yako nkaiwoshe mmwigulu lya ushuru wako na nilizilangisha eshemu zyako zya wazii kunsii, ensoni zyako ku wamii. 6 Nkasuvye enzoma ya likugaisha mlikuvezya uve ulimvii sana; nkakuvezya uli mntu ailingwa ni kila yumo. 7 Ekave kwamba kila yumwi akukulinga akakupela niyomba, ''UNinawi auonangikaga; unani akaombolezya kunguno yakwe? Na hee nkampata mntu akonde mlilehani?'' 8 Ninawi, je eeve ulibora ikila u Noamoni, eguzyengilwe higulu ya Mongo Naili, gugondiguli gupimiziwe ni manzi, ambago ulinzi wakwe ndi epwani, ambavyo egelele lyakwe ndili epwani lyenekili? 9 Ethiopia ni Misri ndizili nguzu zyakwe, ni mmisho gwakwe ndiili haduhu; Putu ni Libya ndivali vanuaniye. 10 Ila u Noamoni ndasoliwa; lya kumateka; evana vakwe vadovado ndivavelagwa vipingilipingili mkati ni kila hamakao emakulu ga kipugo; cha vansika yakwe ndivaguma kura kuvantu vakwe valini heshima ni vakulu vakwe wonse ndivatungwa minyororo. 11 Eeve hangi ukakolwe; ukageme mli visa, na ukakola mapelelo mkufuma kwa gusika yako. 12 Engome zyako zyonse zikave kati mili ni ili lini ezipile haraka: kati mbe, zya ziategushwa, zikagwule kumulomo gwaku veyo akulya. 13 Linga, vantu mmiongoni mwinyu na vakima; emizigo zya nsii yako ziliwanga sana kunguno ya vansikazyako; Umoto gwa kanonanga ebawaba zyakwe. 14 Yaga ukadahe manzi kwiboma epilimwe; uzipange visoga engome zyako; yaga kuulongo na ulilikazye entope; zipondee kunguno ya matofali. 15 Umoto gukakuulaga hele ni lupanga lukaulage, ukateketeziwe kati nzige vacheche hivyo vakutegetezya kila kintu. Eemu venekili mminongelezya mve vingi kati nzige vacheche, ni vingi kati nzige evapembezuka. 16 Wakazidisha evasuluzi vako zaidi ekila nsonda kumalunde; lakini viho kati tunutu: vakwiva eusii ni mwisho vakupela mku ya kutali. 17 Evamii vinyu viho vingi kati nzige, ni vakulu vinyu va majeshi kati edale lya madudu evakutula nkambi mkati ni gelele uwakati wa mpepo. Lakini liuva haho likuvaka vakaudumuka mwiya kutali kuko kuduhu veyo akumanyika. 18 Umwami aku Ashuru, vadimi vaki valalile; vakulu vako vilazye hansii vakusuha. Evantu vako vasambalile higulu, ni lugutu na kuduhu ninga yumo alivakunganya. 19 Kuduhu upizyi ukolike kunguno ya vilonda vyako. ni vikulu. Evakulika bahari juu yako vakaguma emakoti kuutogwa higulu lyako. Na unani akaile zya uvii wako wa daima?