Esura 2

1 Yule uyo alakuvipye evipande vipande akiza zidi yako. Linda igelele lya kaya, linda nzila, mwitulile nguzu inyu, venekele, na mkuminge emajeshi ginyu. 2 Nguno Yehova akusuvya efaali yakwe Israeli, ninga vateka nyala ndivavavipya ni vipya matambi ga mzabibu zyao. 3 Engao zya mashujaa vakwe vazaa, ni vantu vaodari vazwalaga myenda zyazaa; emutuka ezya vita zyatulagwa zikukelema, kunyuma yakwe itungo lya lyuva, ni makimu ga mivenze zikutangilwa mwigulya. 4 Mutuka zya evita zikupela munzila; zikupela kuotongi ni kunyuma mugati ni nzila. Geo kiti kutunzi, na ga kupela kati radi. 5 Uyo alakunile mapingili pingili akuvitana vaanyu vakwe; vakwikumpa kila yumoni mwiya mugati ni nyumba kwao vakwanguha ishambulia igelele lya kaya. Engao hanya yakaveziwa nguno yalikinga nivaa valishambulila. 6 Emalango ga mmalambo gakalamulwa ilugulwa, ni kaya yakwe mtemi likugwa kuuvipye. 7 Ehusabu wazulwaga myenda zyakwe wasolagwa; ni vatumami vakwe vakikema vakuombolezya kiti nkunda, vakuviguma vikuva vyao. 8 ENinawi kiti ilambo lyamizye ilo lukuzwela, vantu vakwe wose hakemo vakupela kiti minze ago guzwila. Vangi vakuyomba, '''Emaa, emaa, ''Ila kuduhu inga uyo akugalula kunyuma. 9 Sola enyala ya hela, kusola nyala ya zahabu, kunguno kuduhu mpelo lyakwe, kufaali ya vintu zyose visoga vya Ninawi. 10 Ninawi yeho yigele nkintu yakavipiwa. Mwego gwakila mntu uyo akuyeyuka, ni magoti gakila yumo, gakwipamila amo; ni usungu weho kukila yumwi; ni sura zyao wose zyakapauka. 11 Igise likuhe ipugu lya nsimba, esehemu ya nsimba ndondondo zikulya aho nsimba ngosha ni nsimba nkima zikuyumba hamwi vana - vasimba, aho vakogoile inga kintu kiwmi? 12 Nsimba ya kwana uvendi wakwe mapingili pingili ngun ya vana vakwe ndiwavanyonga evendi wakwe nguno ya vakima vakwe na kulyokazya ipugu lwakwe uvendi, wikale wakwe weku nyuma vyo zyakwanwa. 13 ''Linga, ene nde ndekinyume nabo - ili uigambo lyakwe Yehova ni majeshi. Nkagatima ni mutuka zinywe ezya vita mugati ni lyonsi, ni lupanga ukaulage zinywe ifuma munsi yanee, ni sauti zya evajumbe vingwe zikashezigwe.''